ಪಾನಸಾನಿಕ್​ ಜಾಹಿರಾತಿನಲ್ಲಿ ಕಾಣಿಸಿಕೊಂಡಿದ್ದ ಚಿರತೆಗಳೊಂದಿಗೆ ಫೋಟೋಶೂಟ್...ಆಸ್ಪತ್ರೆ ಸೇರಿದ ಮಾಡೆಲ್!

ಮಾಡೆಲ್​ಗಳು(Model ) , ನಟಿಯರು ಆಗಾಗ ಫೋಟೋಶೂಟ್(Photoshoot) ಮಾಡಿಸಿಕೊಳ್ಳುತ್ತಿರುತ್ತಾರೆ. ಹೊಸ ಅವತಾರದಲ್ಲಿ ಮತ್ತು ಅಭಿಮಾನಿಗಳ ಎದುರು ವಿಭಿನ್ನವಾಗಿ ಕಾಣಬೇಕು ಎಂದು ಮಹಾದಾಸೆ ಇಟ್ಟುಕೊಂಡು ಫೋಟೋಶೂಟ್ ಮಾಡಿಸಿಕೊಳ್ಳುತ್ತಾರೆ. ನಂತರ ಸಾಮಾಜಿಕ ಜಾಲತಾಣದಲ್ಲಿ ಹರಿಯಬಿಡುವ ಮೂಲಕ ಅತಿ ಹೆಚ್ಚು ಫಾಲೋವರ್ಸ್ ಮತ್ತು ಲೈಕ್ಸ್ ಗಿಟ್ಟಿಸಿಕೊಳ್ಳಲು ಪ್ರಯುತ್ನಿಸುತ್ತಾರೆ.

ಅದರಂತೆ ಇಲ್ಲೊಬ್ಬಳು ಮಾಡೆಲ್ ಫೋಟೋಶೂಟ್ ಮಾಡಿಸಲು ಹೋಗಿ ಆಸ್ಪತ್ರೆ ಸೇರಿದ್ದಾಳೆ. ಆಷ್ಟಕ್ಕೂ ಆಕೆ ಆಸ್ಪತ್ರೆ ಸೇರಲು ಕಾರಣವೇನು ಗೊತ್ತಾ? ತಾನು ವಿಭಿನ್ನವಾಗಿ ಕಾಣಬೇಕು ಎಂದು ಚಿರತೆಯೊಂದಿಗೆ ಫೋಟೋಶೂಟ್ ಮಾಡಿಸಿದ್ದೆ ಇದಕ್ಕೆ ಕಾರಣ.

ಫೋಟೋಶೂಟ್ ಸದ್ಯದ ಟ್ರೆಂಡ್ ಆಗಿದೆ. ಮಾಡೆಲ್​ಗಳು, ನಟಿಯರು ಮಾತ್ರವಲ್ಲ, ಪ್ರತಿಯೊಬ್ಬರು ಇಂದು ಫೋಟೋಶೂಟ್ ಮಾಡಿಸಿಕೊಳ್ಳುತ್ತಾರೆ. ಅದರಂತೆ ಜೆಸ್ಸಿಕಾ ಲೈಡಾಲ್ಫ್(Jessica Leidolph) ಎಂಬಾಕೆ ಪೂರ್ವ ಪ್ರಾಂತದ ಪ್ರಾಣಿ ಆಶ್ರಯ ತಾಣದ ಎರಡು ಚಿರತೆಗಳೊಂದಿಗೆ ಫೋಟೋಶೂಟ್ ಮಾಡಿಸಿಕೊಂಡು ದಾಳಿಗೆ ಒಳಗಾಗಿದ್ದಾರೆ.

ಜರ್ಮನಿಯಲ್ಲಿ ಈ ಘಟನೆ ನಡೆದಿದ್ದು, ಜೆಸ್ಸಿಕಾ ಲೈಡಾಲ್ಫ್ 36 ವರ್ಷದವಳಾಗಿದ್ದಾಳೆ.ಸ್ಯಾಕ್ಸೋನು –ಅನ್ಹಾಲ್ಟ್ ರಾಜ್ಯದ ನೆಬ್ರಾದಲ್ಲಿ ಬಬಿರ್ಗಿಟ್ ಸ್ವಾಚೆ ಎಂಬವರು ಜಾಹೀರಾತಗಳಲ್ಲಿ ಮತ್ತು ಪ್ರದರ್ಶನಗಳಲ್ಲಿ ಉಪಯೋಗಿಸಲ್ಪಡುವ ಪ್ರಾಣಿಗಳಿಗಾಗಿ ನಡೆಸುತ್ತಿರುವ ರಿಟೈರ್ಮೆಂಟ್ ಹೋಮ್​ನಲ್ಲಿ ಈ ಘಟನೆ ನಡೆದಿದೆ,

ಒಂದು ಕಾಲದಲ್ಲಿ ಪಾನಸಾನಿಕ್ ಟಿವಿ ಜಾಹೀರಾತಿನಲ್ಲಿ ಚಿರತೆಗಳು ಕಾಣಿಸಿಕೊಂಡಿದ್ದವು. ಟ್ರಾಯ್ ಮತ್ತು ಪ್ಯಾರಿಸ್ ಹೆಸರಿನ ಚಿರತೆಯನ್ನು (Leopards) ಪಾನಸಾನಿಕ್ ತನ್ನ ಮಾರುಕಟ್ಟೆಯನ್ನು ವೃದ್ಧಿಸಲು ಜಾಹಿರಾತಿಗಾಗಿ ಉಪಯೋಗಿಸಿಕೊಂಡಿತ್ತು.

ಟ್ರಾಯ್ ಮತ್ತು ಪ್ಯಾರಿಸ್ ಹೆಸರಿನ ಚಿರತೆಗಳು ಜೆಸ್ಸಿಕಾ ಮೇಲೆ ದಾಳಿ ಮಾಡಿದೆ. ಪರಿಣಾಮವಾಗಿ ಆಕೆಯ ಕೆನ್ನೆ, ಕಿವಿ, ತಲೆಯ್ನು ಕಚ್ಚಿ ಎಳೆದಾಡಿದೆ. ಗಂಭೀರವಾಗಿ ಗಾಯಗೊಂಡಿದ್ದ ಆಕೆಯನ್ನ ಹೆಲಿಕಾಪ್ಟರ್ ಮೂಲಕ ಆಸ್ಪತ್ರೆಗೆ ರವಾನಿಸಲಾಗಿದ್ದು.

ತಲೆಯ ಭಾಗಕ್ಕೆ ಗಂಭೀರಗಾಯವಾಗಿದ್ದು, ಶಸ್ತ್ರಚಿಕಿತ್ಸೆ ನಡೆಸಲಾಯಿತು, ಸದ್ಯ ಜೆಸ್ಸಿಕಾ ಅಪಾಯದಿಂದ ಪಾರಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ. ಆದರೆ ಗಾಯದ ಕಲೆಗಳು ಹಾಗೆಯೇ ಉಳಿದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

Jessica Leidolph