Shocking News: ಮದುವೆಯಾದ 10ನೇ ದಿನಕ್ಕೇ ಪತ್ನಿ ಗರ್ಭಿಣಿ ಎಂದು ತಿಳಿದ ಪತಿ, ಆಮೇಲೆ ನಡೆದದ್ದೆಲ್ಲಾ ಸಿನಿಮಾ ಸ್ಟೈಲ್ ಘಟನೆ!

ಆತ ಅದ್ಧೂರಿಯಾಗಿ ಎಲ್ಲಾ ಸಂಬಂಧಿಕರು, ಆಪ್ತರ ಎದುರು ಮುದ್ದಾದ ಹುಡುಗಿಯನ್ನು ಮದುವೆಯಾಗಿದ್ದ. ಇನ್ನೂ ಎಲ್ಲರೂ ಇವರ ಮದುವೆಯ ಸಂಭ್ರಮದಲ್ಲೇ ಇರುವಾಗ ಮದುವೆಯ ಹುಡುಗನಿಗೆ ಜೀವಮಾನದ ಶಾಕ್ ಬಂದೊದಗಿತ್ತು.

ಆ ಜೋಡಿ ಒಂದೇ ಪ್ರದೇಶದವರು. ಮನೆಯವರೆಲ್ಲಾ ವಿಚಾರಿಸಿ ನಿಶ್ಚಯ ಮಾಡಿದ ಮದುವೆ ಅದು. ಮದುವೆಯೆಲ್ಲಾ ಚೆನ್ನಾಗೇ ಆಯ್ತು. ಮದುವೆ ಮುಗಿದ 10ನೇ ದಿನ ವಿಪರೀತ ಹೊಟ್ಟೆ ನೋವು ಎಂದು ಮದುಮಗಳು ಹೇಳಿದ್ದಾಳೆ. ಗಾಬರಿಯಾದ ಪತಿ ಮತ್ತು ಆತನ ಮನೆಯವರು ಆಕೆಯನ್ನು ಕೂಡಲೇ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ.

ಆಗ ಬಂದಿದೆ ಶಾಕಿಂಗ್ ನ್ಯೂಸ್. ಹೊಟ್ಟೆನೋವಿನ ಕಾರಣ ತಿಳಿಯಲು ವೈದ್ಯರು ಪರೀಕ್ಷೆ ನಡೆಸಿದಾಗ ಯುವತಿ 8 ತಿಂಗಳ ಗರ್ಭಿಣಿ ಎಂದು ತಿಳಿದಿದೆ. ವಿಷಯ ತಿಳಿದ ಪತಿ ಮತ್ತು ಮನೆಯವರಿಗೆ ಜೀವಮಾನದ ಶಾಕಿಂಗ್ ನ್ಯೂಸ್ ಸಿಕ್ಕಂತಾಗಿದೆ.

ಎಲ್ಲರಿಗೂ ಈ ವಿಚಾರ ತಿಳಿಯುತ್ತಿದ್ದಂತೆ ಮದುವೆಗೂ ಮುಂಚೆಯೇ ಇವರಿಬ್ಬರೂ ಬಹಳ ಒಟ್ಟಿಗಿದ್ದರು, ಆದ್ದರಿಂದಲೇ ಆಕೆ ಗರ್ಭಿಣಿಯಾಗಿದ್ದಾಳೆ ಎಂದು ಮಾತನಾಡಿದ್ದಾರೆ. ಅದಕ್ಕೆ ಉತ್ತರಿಸಿದ ಪತಿ, ತಾನು ಆಕೆಯೊಂದಿಗೆ ಮದುವೆಗೆ ಮುನ್ನ ಯಾವುದೇ ದೈಹಿಕ ಸಂಪರ್ಕ ಹೊಂದಿರಲಿಲ್ಲ. ಈ ಗರ್ಭಕ್ಕೂ ತನಗೂ ಸಂಬಂಧವಿಲ್ಲ ಎಂದಿದ್ದಾನೆ. ಮನೆಯವರ ಒತ್ತಾಯಕ್ಕೆ ಈ ಹುಡುಗಿ ಮದುವೆಗೆ ಒಪ್ಪಿದ್ದಳು ಎನ್ನುವುದು ನಂತರ ತಿಳಿದಿದೆ.

ಉತ್ತರ ಪ್ರದೇಶದ ಬರೈಲಿಯಲ್ಲಿ ಈ ಘಟನೆ ನಡೆದಿದೆ. ಕೆಲವರು ಈಕೆಗೆ ಮೊದಲೇ ಇನ್ನೊಬ್ಬನೊಂದಿಗೆ ಸಂಬಂಧವಿತ್ತು. ಹೊಟ್ಟೆಯೊಳಗಿನ ಮಗು ಕೂಡಾ ಆ ಗೆಳೆಯನದ್ದೇ ಎನ್ನುತ್ತಿದ್ದಾರೆ.

ಯುವತಿಗೆ ತನ್ನ ಪ್ರಿಯಕರನನ್ನೇ ಮದುವೆಯಾಗಲು ಮನಸ್ಸಿತ್ತಂತೆ. ಆದರೆ ಮನೆಯವರು ಅದಕ್ಕೆ ಒಪ್ಪಿರಲಿಲ್ಲ. ಅಷ್ಟೇ ಅಲ್ಲ, ಪ್ರೀತಿಸಿದವನನ್ನು ಮದುವೆಯಾಗಲು ಬಿಡದಿದ್ದರೆ ತಾನು ಆತ್ಮಹತ್ಯೆ ಮಾಡಿಕೊಳ್ಳುವುದಾಗಿ ಯುವತಿ ಬೆದರಿಸಿದ್ದಳಂತೆ. ಈ ಎಲ್ಲಾ ವಿಚಾರಗಳನ್ನು ನೆರೆಹೊರೆಯವರು ಈಗ ಹೇಳುತ್ತಿದ್ದಾರೆ. ಮದುವೆಯಾದ ಹುಡುಗನ ಪರಿಸ್ಥಿತಿ ಮಾತ್ರ ಬಲು ವಿಚಿತ್ರ.