R Madhavan: ಅಪ್ಪನನ್ನು ಮೀರಿಸಿದ ಮಗ, ಈಜಿನಲ್ಲಿ 7 ಪದಕ ಗೆದ್ದ ನಟ ಮಾಧವನ್ ಪುತ್ರ

ಇಲ್ಲೊಬ್ಬ ಮಗ ಅಪ್ಪನನ್ನೇ ಮೀರಿಸಿದ್ದಾನೆ. ಇದು ಖ್ಯಾತ ನಟ ಆರ್ ಮಾಧವನ್ ಮತ್ತು ಅವರ ಏಕೈಕ ಪುತ್ರ ವೇದಾಂತ್ ಬಗೆಗಿನ ವಿಚಾರ. ಮಾಧವನ್ ನ್ನೂ ಮೀರಿಸುವ ಸಾಧನೆ ಮಾಡಿದ್ದಾನೆ ಈ ಪುತ್ರ.

ಸ್ವಿಮ್ಮಿಂಗ್ ಚಾಂಪಿಯನ್​ಶಿಪ್​ನಲ್ಲಿ ವೇದಾಂತ್ ಮಹಾರಾಷ್ಟ್ರ ತಂಡದ ಪರವಾಗಿ ಸ್ಪರ್ಧಿಸಿದ್ದಾನೆ. ಇದರಲ್ಲಿ ಒಟ್ಟು 4 ಬೆಳ್ಳಿ ಮತ್ತು 3 ಕಂಚಿನ ಪದಕ ಗೆದ್ದಿದ್ದಾನೆ. 800 ಮೀಟರ್ ಫ್ರೀ ಸ್ಟೈಲ್, 1500 ಫ್ರೀ ಸ್ಟೈಲ್, 4*100 ಫ್ರೀಸ್ಟೈಲ್ ರಿಲೇ ಮತ್ತು 4*200 ಫ್ರೀಸ್ಟೈಲ್ ರಿಲೇಯಲ್ಲಿ ವೇದಾಂತ್ ಬೆಳ್ಳಿ ಪದಕ ಗೆದ್ದಿದ್ದಾನೆ.

ಮಾಧವನ್ ಮಲಯಾಳಂನ ಚಾರ್ಲಿ ಚಿತ್ರದ ತಮಿಳು ರೀಮೇಕ್ ಮಾರ ದಲ್ಲಿ ನಟಿಸಿದ್ದೇ ಕೊನೆ. ಆ ಚಿತ್ರದಲ್ಲಿ ಕನ್ನಡತಿ ಶ್ರದ್ಧಾ ಶ್ರೀನಾಥ್ ನಾಯಕಿಯಾಗಿ ನಟಿಸಿದ್ದರು.

ನಂಬಿ ನಾರಾಯಣನ್ ಜೀವನಾಧಾರಿತ ಚಿತ್ರ 'Rocketry The Nambi Effect' ಮಾಧವನ್ ಹೊಸಾ ಚಿತ್ರ. ಕೋವಿಡ್ ನಿಂದ ಕೆಲವಷ್ಟು ಚಿತ್ರಗಳು ತಡವಾಗಿವೆ.

ಮಾಧವನ್ ಪತ್ನಿ ಸರಿತಾ ಏರ್ ಹೋಸ್ಟೆಸ್ ಆಗಿದ್ದರು. ಇವರ ಪುತ್ರ ವೇದಾಂತ್ ಚಾಂಪಿಯನ್ ಶಿಪ್ ನಲ್ಲಿ 100,200 ಮತ್ತು 400 ಮೀ ಫ್ರೀಸ್ಟೈಲ್ ನಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ.