Love Leave: ಪ್ರೀತಿ ಮಾಡುವುದಕ್ಕೂ ಸಿಗುತ್ತೆ ರಜಾ, ‘ಲವ್ ಲೀವ್’ ಎಲ್ಲರೂ ತೆಗೆದುಕೊಳ್ಬಹುದಂತೆ ನೋಡಿ!

ರಜೆಗಾಗಿ ವಿಶೇಷ ವ್ಯವಸ್ಥೆ ಆರಂಭ: ಚೀನಾದಲ್ಲಿ ಹೆಚ್ಚಿನ ಮಹಿಳೆಯರು ಮದುವೆಯಾಗಲು ನಿರಾಕರಿಸುತ್ತಾರೆ. ಯಾಕಂದರೆ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಯೋಚಿಸಲು ಸಮಯ ಸಿಗುತ್ತಿಲ್ಲವಂತೆ. ಈ ಸಮಸ್ಯೆ ಎಷ್ಟರ ಮಟ್ಟಿಗೆ ಹೆಚ್ಚಾಗಿದೆ ಎಂದರೆ ಅಲ್ಲಿನ ಕಚೇರಿಗಳಲ್ಲಿ ಮಹಿಳೆಯರಿಗೆ ರಜೆ ನೀಡಲು ವಿಶೇಷ ರೂಲ್ಸ್ವೊಂದನ್ನ ಆರಂಭಿಸಲಾಗಿದೆ.

ರಜೆ ತೆಗೆದುಕೊಂಡು ಪ್ರೀತಿ ಮಾಡಿ: ಅವಿವಾಹಿತ ಮಹಿಳೆಯರಿಗೆ ತಿಂಗಳಿಗೆ ಒಂದು ಬಾರಿ ‘ಲವ್ ಲೀವ್’ ನೀಡುತ್ತಿದೆ. ರಜೆ ತೆಗೆದುಕೊಂಡು, ಅವರವರ ಸಂಗಾತಿಯೊಂದಿಗೆ ಟೈಮ್ ಸ್ಪೆಂಡ್ ಮಾಡಿ ಎಂದು ಚೀನಾದ ಕಂಪನಿಗಳು ಹೇಳುತ್ತಿವೆಯಂತೆ.

ಸಿಂಗಲ್ ಆಗಿದ್ರೆ ಮಾತ್ರ ಸಿಗುತ್ತೆ ರಜಾ: ಈ ಹೊಸ ವ್ಯವಸ್ಥೆ 2019ರಿಂದ ಚಾಲ್ತಿಯಲ್ಲಿದ್ಯಂತೆ. ಇಂದಿಗೂ ಮಹಿಳೆಯರು ಲವ್ ಲೀವ್ ಪಡೆಯಲು ಅರ್ಜಿ ಸಲ್ಲಿಸಬಹುದಾಗಿದೆ. ಆದರೆ ಇದಕ್ಕೊಂದು ಷರತ್ತು ಇದೆ. ಅದು ಮಹಿಳಾ ಉದ್ಯೋಗಿಗೆ 30 ವರ್ಷಕ್ಕಿಂತ ವಯಸ್ಸು ಹೆಚ್ಚಿರಬೇಕು ಹಾಗೂ ಮದುವೆಯಾಗಿರಬಾರದು.

ಶಾಲೆಗಳಲ್ಲೂ ಸಿಗುತ್ತೆ ’ಲವ್ ಲೀವ್’: ಚೀನಾದ ಹ್ಯಾಂಗ್ಜೌದಲ್ಲಿರುವ ಕಂಪನಿಗಳು ತಮ್ಮ ಉದ್ಯೋಗಿಗಳಿಗೆ ಡೇಟಿಂಗ್ ರಜೆ ನೀಡುತ್ತಂತೆ. ಶಾಲೆಗಳಲ್ಲೂ ಈ ವ್ಯವಸ್ಥೆಯನ್ನ ಆರಂಭಿಸಲಾಗಿದೆ. ಶಾಲೆಗಳಲ್ಲಿ ಈ ರಜೆ ಸಿಗುವುದು ಮಕ್ಕಳಿಗೆ ಅಲ್ಲ, ಬದಲಾಗಿ ಶಿಕ್ಷಕಿಯರಿಗೆ.

ತಿಂಗಳಿಗೊಮ್ಮೆ ಸಿಗುತ್ತೆ ಈ ರಜೆ: ಹೌದು, ಚೀನಾದ ಕೆಲ ಕಂಪನಿಗಳಲ್ಲಿ ತಿಂಗಳಿಗೊಮ್ಮೆ ಒಂದು ಬಾರಿ ಈ ರೀತಿಯ ಡೇಟಿಂಗ್ ಲೀವ್ ನೀಡಲಾಗುತ್ತಂತೆ. ಲೀವ್ ಪಡೆಯುವ ಹಿಂದಿನ ಆಫೀಸ್ನಿಂದ ಮುಂಚೆಯೇ ಅವರಿಗೆ ಮನೆಗೆ ಕಳುಹಿಸಲಾಗುತ್ತಂತೆ.

ಯಾಕೆ ಈ ಡಿಫ್ರೆಂಟ್ ಲೀವ್ ನಿರ್ಧಾರ: ಕಳೆದ ಕೆಲವು ವರ್ಷಗಳಿಂದ ಚೀನಾದಲ್ಲಿ ಒಂಟಿಯಾಗಿರುವ ಪ್ರವೃತ್ತಿ ವೇಗವಾಗಿ ಹೆಚ್ಚುತ್ತಿದೆ. ಕೆಲಸದ ಒತ್ತಡದ ನಡುವೆ ಮದುವೆಯಾಗುವುದನ್ನೇ ಮಹಿಳಾ ಉದ್ಯೋಗಿಗಳು ಮರೆಯುತ್ತಿದ್ದಾರಂತೆ. ಇಲ್ಲಿನ ಸರ್ಕಾರ ಕೂಡ ಮದುವೆಯಾಗಲು ಹಲವಾರು ಯೋಜನೆಗಳನ್ನ ತಂದಿದ್ಯಂತೆ. ಹೀಗಾಗಿ ಮಹಿಳೆಯರು ಈ ರಜೆಯನ್ನ ಪಡೆದು ನಿಜವಾದ ಪ್ರೀತಿಯನ್ನು ಕಂಡುಕೊಳ್ಳಲು ಅವಕಾಶ ಮಾಡಿದೆ.

ಸರ್ಕಾರವನ್ನ ಕಾಡುತ್ತಿದ್ಯಾ ಭಯ?: ಚೀನಾದಲ್ಲಿ ಶೀಘ್ರ ಜನಸಂಖ್ಯೆಯ ಕುಸಿತದಿಂದ ಮುಂದಿನ 50 ವರ್ಷಗಳಲ್ಲಿ 150 ದಶಲಕ್ಷದಿಂದ, 120 ದಶಲಕ್ಷಕ್ಕೆ ಇಳಿಯುತ್ತೆ ಅಂತ ವರದಿಯೊಂದು ಹೇಳಿದೆ. ಹೀಗಾಗಿ ಮಹಿಳೆಯರಿಗೆ ಈ ರಜೆ ನೀಡಿ ಮದುವೆಯಾಗಲು ಪ್ರಚೋದಿಸಿ ಮುಂದೆ ಮಕ್ಕಳು ಹೊಂದುವಂತೆ ಮಾಡುವುದು ಚೀನಾ ಸರ್ಕಾರದ ಉದ್ದೇಶವಾಗಿದೆ.

1 ದಿನ ಮುಂಚೆ ಅರ್ಜಿ ಹಾಕಬೇಕು: ಪ್ರೀತಿ ಯಾವಾಗ, ಯಾರಿಗೆ, ಎಲ್ಲಿ, ಹೇಗೆ ಆಗುತ್ತೆ ಎಂದು ಹೇಳಲಾಗುವುದಿಲ್ಲ. ಹೀಗಾಗಿ ಈ ಲವ್ ಲೀವ್ ಪಡೆಯಲು ಹಿಂದಿನ ದಿನ ಅರ್ಜಿಸಲ್ಲಿಸಿದರು ಸಾಕಂತೆ.