Liquor Parcel: ಇದು ಖಂಡಿತಾ ಕಿಕ್ ಏರಿಸೋ ಸುದ್ದಿ, ಮಧ್ಯರಾತ್ರಿ ಆರ್ಡರ್ ಮಾಡಿದ್ರೂ ಮನೆ ಬಾಗಿಲಿಗೇ ಬರುತ್ತೆ ಮದ್ಯ!

ಇನ್ನು ಮುಂದೆ ನೀವು ಕುಡಿಯಬೇಕು ಅಂತ ಬಯಸಿದರೆ ಬಾರ್ ಅಥವಾ ಬೇರೆ ಎಲ್ಲಾದರೂ ಹೊರಗೆ ಹೋಗುವುದು ಬೇಕಿಲ್ಲ. ಯಾಕೆಂದ್ರೆ ಇನ್ಮುಂದೆ ಮನೆ ಬಾಗಿಲಿಗೇ ಮದ್ಯದ ಪಾರ್ಸೆಲ್ ಬರಲಿದೆ. ಕೋಲ್ಕತ್ತಾದಲ್ಲಿ ಹೈದ್ರಾಬಾದ್ ಮೂಲದ ಸ್ಟಾರ್ಟ್ ಅಪ್ ಕಂಪನಿಯೊಂದು ನೀವು ಬಯಸಿದರೆ ನಿಮ್ಮ ಮನೆ ಬಾಗಿಲಿಗೆ ಎಣ್ಣೆಯನ್ನು ಸರಬರಾಜು ಮಾಡುವುದಕ್ಕೆ ಸೈ ಎನ್ನುತ್ತಿದೆ.

ನೀವು ಆರ್ಡರ್ ಮಾಡಿದ ಜಸ್ಟ್ 10 ನಿಮಿಷದಲ್ಲೇ ನಿಮ್ಮಿಷ್ಟದ ಎಣ್ಣೆ ಬಾಟಲಿ ನಿಮ್ಮ ಮನೆಗೆ ತಲುಪುತ್ತದೆ. ಹೈದರಾಬಾದ್ ಮೂಲದ ಸ್ಟಾರ್ಟ್ ಅಪ್ ಕಂಪನಿಯೊಂದು ವಿನೂತನ ಪ್ರಯತ್ನದ ಮೂಲಕ ಮದ್ಯಪ್ರಿಯರ ಮನಸ್ಸು ಗೆಲ್ಲುವುದಕ್ಕೆ ಮುಂದಾಗಿದೆ. ಆನ್ಲೈನ್ನಲ್ಲಿ ನೀವು ಎಣ್ಣೆಯನ್ನು ಬುಕ್ ಮಾಡಿದರೆ, ನೀವು ನೀಡಿದ ವಿಳಾಸಕ್ಕೆ ಎಣ್ಣೆಯನ್ನು ತಲುಪಿಸಲಾಗುವುದು ಎಂದು ಕಂಪನಿಯು ಹೇಳಿಕೊಂಡಿದೆ.

ಮದ್ಯವನ್ನು ಗ್ರಾಹಕರ ಮನೆಯ ಬಾಗಿಲಿಗೆ ಕೇವಲ 10 ನಿಮಿಷಗಳಲ್ಲಿ ತಲುಪಿಸಲಾಗುತ್ತದೆ. ಇನ್ನೋವೆಂಟ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ನ ಪ್ರಮುಖ ಬ್ರ್ಯಾಂಡ್ ಬೂಜಿಯಾಗಿದ್ದು, ಇದು ಭಾರತದಲ್ಲಿ 10 ನಿಮಿಷದಲ್ಲೇ ಮದ್ಯವನ್ನು ವಿತರಿಸುವ ಮೊದಲ ಮದ್ಯ ವಿತರಣಾ ವೇದಿಕೆಯಾಗಿದೆ. ಆನ್ಲೈನ್ ಮದ್ಯದ ವಿತರಣೆಯನ್ನು ಈಗಾಗಲೇ ದೇಶದ ಹಲವಾರು ಭಾಗಗಳಲ್ಲಿ ಶುರು ಮಾಡಲಾಗಿದೆ. ಆದರೆ ಯಾವುದೇ ಕಂಪನಿಗಳು ಬೂಜಿ ಮಾಡುವಷ್ಟು ವೇಗವಾಗಿ ಮದ್ಯವನ್ನು ವಿತರಣೆಯನ್ನು ಮಾಡುವುದಿಲ್ಲ ಎಂದು ಸ್ಟಾರ್ಟ್ಅಪ್ ಹೇಳಿಕೊಂಡಿದೆ.

ಇನ್ನೋವೆಂಟ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್ನ ಪ್ರಮುಖ ಬ್ರ್ಯಾಂಡ್ ಬೂಜಿ, ಇದು ಭಾರತದ ಮೊದಲ 10 ನಿಮಿಷಗಳ ಮದ್ಯ ವಿತರಣಾ ವೇದಿಕೆಯಾಗಿದೆ ಎಂದು ಹೇಳಿಕೊಂಡಿದೆ. ಆನ್ಲೈನ್ ಮದ್ಯ ವಿತರಣೆಯನ್ನು ಈಗಾಗಲೇ ಹಲವಾರು ಕಂಪನಿಗಳು ನೀಡುತ್ತಿವೆ ಆದರೆ ಇಲ್ಲಿಯವರೆಗೆ ಯಾವುದೂ 10 ನಿಮಿಷಗಳ ಸೇವೆಯನ್ನು ಹೊಂದಿಲ್ಲ ಎಂದು ಅದು ಹೇಳಿದೆ

ಇನ್ನೊವೆಂಟ್ ಟೆಕ್ನಾಲಜೀಸ್ ಇದು B2B ಲಾಜಿಸ್ಟಿಕ್ಸ್ ಮ್ಯಾನೇಜ್ಮೆಂಟ್ ಪ್ಲಾಟ್ಫಾರ್ಮ್ ಅನ್ನು ರಚಿಸಿದೆ ಎಂದು ಹೇಳಿದೆ, ಇದು ವಿತರಣಾ ವೆಚ್ಚವನ್ನು ಉತ್ತಮಗೊಳಿಸುತ್ತದೆ ಮತ್ತು Booozie ಅನ್ನು ಕೈಗೆಟುಕುವ ವೇದಿಕೆಯನ್ನಾಗಿ ಮಾಡುತ್ತದೆ. "ಗ್ರಾಹಕ ಬೇಡಿಕೆ ಮತ್ತು ಮಾರುಕಟ್ಟೆಯಲ್ಲಿನ ಪ್ರಸ್ತುತ ಪೂರೈಕೆಯಲ್ಲಿನ ಕೊರತೆಯನ್ನು ತಗ್ಗಿಸಲು ಅಗ್ರಿಗೇಟರ್ಗಳಿಗೆ ಬಾಗಿಲು ತೆರೆಯುವ ಪಶ್ಚಿಮ ಬಂಗಾಳ ಸರ್ಕಾರದ ಕ್ರಮವನ್ನು ನಾವು ಸ್ವಾಗತಿಸುತ್ತೇವೆ" ಎಂದು ಕಂಪನಿ ಹೇಳಿದೆ.

"ಅತ್ಯಾಧುನಿಕ ತಂತ್ರಜ್ಞಾನಗಳ ಆಗಮನ ಮತ್ತು ಜವಾಬ್ದಾರಿಯುತ ಕುಡಿಯುವಿಕೆಗೆ ಬೂಜಿಯ ಬದ್ಧತೆಯೊಂದಿಗೆ, ಅಪ್ರಾಪ್ತ ವಯಸ್ಕರಿಗೆ ವಿತರಣೆ, ಕಲಬೆರಕೆ, ಅತಿಯಾದ ಸೇವನೆ ಇತ್ಯಾದಿಗಳಂತಹ ಮದ್ಯದ ವಿತರಣೆಯೊಂದಿಗೆ ಸಂಬಂಧಿಸಿದ ಹೆಚ್ಚಿನ ಆತಂಕಗಳನ್ನು ಪರಿಹರಿಸಲಾಗಿದೆ" ಎಂದು ಬೂಜಿ ಸಹ-ಸಂಸ್ಥಾಪಕ ಮತ್ತು CEO ವಿವೇಕಾನಂದ ಬಲಿಜೆಪಲ್ಲಿ ಹೇಳಿದ್ದಾರೆ.

ಪಿಜ್ಜಾಗಿಂತ ಬೇಗ ಅಂದರೆ ಕೇವಲ 10 ನಿಮಿಷಗಳಲ್ಲಿ ಮದ್ಯವನ್ನು ಗ್ರಾಹಕರ ಮನೆ ಬಾಗಿಲಿಗೆ ತಲುಪಿಸುವುದಾಗಿ ಸಂಸ್ಥೆ ಹೇಳಿದೆ. ಸದ್ಯ ಕೋಲ್ಕತ್ತಾ ನಗರದಲ್ಲಿ ಮಾತ್ರ ಈ ಸಂಸ್ಥೆ ಮದ್ಯದ ಪಾರ್ಸೆಲ್ ಆರಂಭಿಸಿದೆ. ಇನ್ನು ಗ್ರಾಹಕರ ಪ್ರತಿಕ್ರಿಯೆ ನೋಡಿಕೊಂಡು ಬೇರೆಡೆಯೂ ಸೇವೆ ನೀಡಲು ಕಂಪನಿ ನಿರ್ಧರಿಸಿದೆ.