Lady judge: ಜೈಲಿಗೆ ತೆರಳಿ ಕೈದಿ ಜೊತೆಗೆ ಲಿಪ್​ಲಾಕ್ ಮಾಡಿದ ಲೇಡಿ ಜಡ್ಜ್! ವೈರಲ್ ಆಯ್ತು ವಿಡಿಯೋ

ನ್ಯಾಯಾಧೀಶರು ತಪ್ಪಿತಸ್ಥರಿಗೆ ಸರಿಯಾದ ಶಿಕ್ಷೆ ವಿಧಿಸುವ ಕೆಲಸ ಮಾಡುತ್ತಾರೆ. ಸಮಾಜದಲ್ಲಿ ಅಕ್ರಮ, ಅನಾಚಾರ ಮತ್ತು ತಪ್ಪು ಮಾಡಿ ಸಿಕ್ಕಿಬಿದ್ದವರಿಗೆ ಸರಿಯಾದ ಶಿಕ್ಷೆ ವಿಧಿಸಿ ಜೈಲಿಗೆ ಕಳುಹಿಸುತ್ತಾರೆ. ನ್ಯಾಯಾಧೀಶರ ಕರ್ತವ್ಯವನ್ನ ದೇವರ  ಕೆಲಸವೆಂದದು ಹೇಳಲಾಗುತ್ತದೆ.

ನ್ಯಾಯಾಧೀಶರು ಮತ್ತು ಕ್ರಿಮಿನಲ್​ಗಳನ್ನು ನ್ಯಾಯಾಲಯದ ಒಳಗೆ ಭೇಟಿಯಾಗುತ್ತಾರೆ ಹೊರತು ಬೇರೆಲ್ಲೂ ಭೇಟಿಯಾಗಲ್ಲ. ಕೋರ್ಟ್ ದಿನಚರಿಯಂತೆ ಕ್ರಿಮಿನಲ್ ಕೋರ್ಟ್​ಗೆ ಬಂದಾಗ ನ್ಯಾಯಾಧೀಶರು ಅವರನ್ನು ಕಂಡು ಅವರು ಮಾಡಿದ ತಪ್ಪು ಒಪ್ಪುಗಳನ್ನು ನೋಡಿ ಶಿಕ್ಷೆ ವಿಧಿಸುವ ಕೆಲಸ ಮಾಡುತ್ತಾರೆ.

ಆದರೆ ಅರ್ಜೆಂಟೀನಾದಲ್ಲಿ ಮಹಿಳಾ ನ್ಯಾಯಾಧೀಶರು ಏನು ಮಾಡಿದ್ದಾರೆ ಗೊತ್ತಾ? ನ್ಯಾಯಾಧೀಶರು ಅಪಾಯಕಾರಿ ಖೈದಿಯನ್ನು ಭೇಟಿಯಾಗಲು ಜೈಲಿಗೆ ಹೋದದ್ದು ಮಾತ್ರವಲ್ಲದೆ, ಖೈದಿಗೆ ಮತ್ತು ಕೊಟ್ಟಿದ್ದಾರೆ. ಸದ್ಯ ಈ ದೃಶ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಇದೀಗ ಮಹಿಳಾ ನ್ಯಾಯಾಧೀಶರ ವಿರುದ್ಧವೂ ತನಿಖೆ ಆರಂಭವಾಗಿದೆ.

ಡಿಸೆಂಬರ್ 29 ರಂದು ಈ ಘಟನೆ ನಡೆದಿದೆ. ಮಹಿಳಾ ನ್ಯಾಯಾಧೀಶರಾದ ಮರಿಯಲ್ ಸೌರೆಜ್ ಎಂಬವರು ಕೊಲೆ ಮಾಡಿ ಜೈಲು ಶಿಕ್ಷೆ ಅನುಭವಿಸುತ್ತಿದ್ದ ಕ್ರಿಶ್ಚಿಯನ್ ಮಾಯ್ ಬುಸ್ಟೋಸ್ ಎಂಬ ಅಪಾಯಕಾರಿ ಖೈದಿಯನ್ನು ಭೇಟಿ ಮಾಡಲು ಹೋಗಿದ್ದರು. ಈ ವೇಳೆ ಆತನೊಂದಿಗೆ ಲಿಪ್ ಲಾಕ್ ಮಾಡಿದ್ದಾರೆ.

ಜೈಲಿನೊಳಕ್ಕೆ ಹೋಗಿದ್ದ ಮಹಿಳಾ ನ್ಯಾಯಾಧೀಶರು ಆತನನ್ನು ತಬ್ಬಿಕೊಂಡಿದ್ದು ಮಾತ್ರವಲ್ಲದೆ ಚುಂಬಿಸಿದ್ದಾರೆ, ಅವರ ದೃಶ್ಯಗಳು ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ. ಇದೀಗ ಲೇಡಿ ಜಡ್ಜ್ಗೆ ಸಂಕಷ್ಟದಲ್ಲಿ ಸಿಲುಕಿದ್ದು, ಅವರ ವಿರುದ್ಧವೂ ತನಿಖೆ ಆರಂಭವಾಗಿದೆ.

ಕೈದಿ ಪೊಲೀಸ್ ಸಹಚರನನ್ನು ಈ ಮೊದಲು ಕೊಂದಿದ್ದನು, ಅದಕ್ಕಾಗಿ ಆತನಿಗೆ ಜೀವಾವಧಿ ಶಿಕ್ಷೆ ವಿಧಿಸಲಾಗಿದೆ. ಲೇಡಿ ಜಡ್ಜ್ ಈ ಖೈದಿಯನ್ನು ರಕ್ಷಿಸಲು ಸಾಕಷ್ಟು ಪ್ರಯತ್ನಿಸಿದರು ಆದರೆ ಆತನ ತಪ್ಪಿನ ಆಧಾರದ ಮೇಲೆ ಜೈಲು ಸೇರಿದನು.