ಗೋವಿನ ಸಗಣಿಯಿಂದ ತಯಾರಿಸಲಾಗುತ್ತಿದೆ ಈ ಪೈಂಟ್!

ಮನೆಯ ಅಂದವನ್ನು ಇನ್ನಷ್ಟು  ಹೆಚ್ಚಿಸಲು ಪೈಂಟ್  ಬಳಿಯುತ್ತಾರೆ. ಮಾರುಕಟ್ಟೆಯಲ್ಲಂತೂ ವಿವಿಧ ಕಂಫನಿಗಳ ಪೈಂಟ್​​ಗಳಿವೆ. ಆದರೆ ಇದೀಗ ಪರಿಸರ ಸ್ನೇಹಿ ಗೋವಿನ ಸಗಣಿಯಿಂದ ಪೈಂಟ್ ತಯಾರಿಸಲಾಗುತ್ತಿದೆ. ಸದ್ಯದಲ್ಲೇ ಹಸುವಿನ ಸಗಣಿಯಿಂದ ತಯಾರಿಸಲಾಗುವ ಪೈಂಟ್ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗಲಿದೆ.

ಗ್ರಾಮೀಣ ಆರ್ಥಿಕತೆಯನ್ನು ಹೆಚ್ಚಿಸುವ ಸಲುವಾಗಿ ಮತ್ತು ರೈತರಿಗೆ ಹೆಚ್ಚುವರಿ ಆದಾಯವನ್ನು ಗಳಿಸಲು ಸಹಾಯ ಮಾಡುವಲ್ಲಿ ಖಾದಿ ಮತ್ತು ಗ್ರಾಮೋದ್ಯೋಗವು (ಕೆವಿಐಸಿ) ಹಸುವಿನ ಸಗಣಿಯಿಂದ ಪೈಂಟ್ ತಯಾರಿಸಲು ಮುಂದಾಗಿದೆ.

ಗೋವಿನ ಸಗಣಿಯಿಂದ ತಯಾರಿಸಲಾಗುವ ಬಣ್ಣಕ್ಕೆ ವೇದಿಕ್ ಪೈಂಟ್ ಎಂದು ಹೆಸರನ್ನಿಡಲಾಗಿದೆ. ಇದನ್ನು ಮನೆಗೆ ಬಳಿಯುವುದರಿಂದ ಆರೋಗ್ಯಕ್ಕೂ ಹೆಚ್ಚಿನ ಪ್ರಯೋಜನ ಸಿಗಲಿದೆ.

ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವರಾದ ನಿತಿನ್ ಗಡ್ಕರಿ ಈ ಬಗ್ಗೆ ಟ್ವೀಟ್​ ಮಾಡಿದ್ದು, ಗ್ರಾಮೀಣ ಆರ್ಥಿಕತೆಗೆ ಉತ್ತೇಜನ ನೀಡಲು ಮತ್ತು ರೈತರಿಗೆ ಹೆಚ್ಚುವರಿ ಆದಾಯ ಗಳಿಸುವ ಸಲುವಾಗಿ ಹಸುವಿನ ಸಗಣಿಯಿಂದ ವೈದಿಕ್ ಪೈಂಟ್ ಅನ್ನು ಪ್ರಾರಂಭಿಸಿದ್ದೇವೆ ಎಂದಿದ್ದಾರೆ.

ವೈದಿಕ್ ಪೈಂಟ್ ಎರಡು ವೇರಿಯಂಟ್​ನಲ್ಲಿ ದೊರೆಯಲಿದೆ. ಡಿಸ್ಟೆಂಪರ್ ಮತ್ತು ಇಮುಲ್ಶನ್ ಎಂಬ ಎರಡು ಆಯ್ಕೆಯಲ್ಲಿ ಸಿಗಲಿದೆ. ಮಾತ್ರವಲ್ಲದೆ, ಪರಿಸರ ಸ್ನೇಹಿ ಪೈಂಟ್ ಇದಾಗಿದೆ.

ಅಷ್ಟು ಮಾತ್ರವಲ್ಲದೆ,  ವೇದಿಕ್​ ಪೈಂಟ್ ಬ್ಯಾಕ್ಟೀರಿಯಾ, ಶಿಲೀಂಧ್ರ ವಿರೋಧಿ ಮತ್ತು ತೊಳೆಯಬಹುದಾದಂತದ್ದಾಗಿದೆ. ಗೋಡೆಗೆ ಬಳಿದ 4 ಗಂಟೆಗಳ ಒಳಗೆ ಒಣಗುತ್ತದೆ.

ಇದರಿಂದಾಗಿಗಿ ಹಸು ಸಾಕುವ ರೈತರಿಗೆ 55 ಸಾವಿರಕ್ಕಿಂತ ಹೆಚ್ಚುವರಿ ಆದಾಯವನ್ನು ಗಳಿಸಲು ಸಹಾಯ ಮಾಡುತ್ತದೆ ಎಂದು ಕೇಂದ್ರ ಸಚಿವರಾದ ನಿತಿನ್ ಗಡ್ಕರಿ ತಿಳಿಸಿದ್ದಾರೆ.

ವೇದಿಕ್ ಪೈಂಟ್