Railway Station Boards: ರೈಲ್ವೆ ನಿಲ್ದಾಣದಲ್ಲಿ ಹಳದಿ ಬಣ್ಣದ ಬೋರ್ಡ್ ಯಾಕಿರುತ್ತೆ?

ಭಾರತೀಯರು ರೈಲುಗಳೊಂದಿಗೆ ಬೇರ್ಪಡಿಸಲಾಗದ ಬಾಂಧವ್ಯವನ್ನು ಹೊಂದಿದ್ದಾರೆ. ಪ್ರತಿಯೊಬ್ಬರೂ ತಮ್ಮ ಜೀವನದಲ್ಲಿ ಒಮ್ಮೆಯಾದರೂ ರೈಲಿನಲ್ಲಿ ಪ್ರಯಾಣ ಮಾಡಿರುತ್ತಾರೆ. (ಸಾಂದರ್ಭಿಕ ಚಿತ್ರ)

ರೈಲಿನಲ್ಲಿ ನಿತ್ಯ ಪ್ರಯಾಣಿಸುವವರ ಸಂಖ್ಯೆ ಲಕ್ಷಗಟ್ಟಲೆ ಇದೆ. ದೂರದ ಊರುಗಳಿಗೆ ಹೋಗಬೇಕಾದರೆ ಬಹುತೇಕರು ರೈಲಿನಲ್ಲಿ ಪ್ರಯಾಣಿಸಲು ಬಯಸುತ್ತಾರೆ. ಭಾರತೀಯರಿಗೆ, ರೈಲ್ವೆ ಪ್ರಯಾಣವು ಅವರ ಜೀವನದ ಒಂದು ಭಾಗವಾಗಿದೆ. (ಸಾಂದರ್ಭಿಕ ಚಿತ್ರ)

ಭಾರತೀಯ ರೈಲ್ವೇಗೆ ಸಂಬಂಧಿಸಿದಂತೆ ಹಲವು ಆಸಕ್ತಿಯ ವಿಷಯಗಳಿವೆ. ರೈಲು ಹಳಿಗಳ ಮೇಲೆ ಜಲ್ಲಿ ಕಲ್ಲುಗಳು ಏಕೆ ಇವೆ? ರೈಲು ನಿಲ್ದಾಣಗಳಲ್ಲಿ ಬೋರ್ಡ್‌ಗಳು ಹಳದಿ ಏಕೆ? ಎಂಬ ಅನುಮಾನಗಳು ಪ್ರಯಾಣಿಕರಿಗೆ ಆಗಾಗ ಬರುವುದು ಸಾಮಾನ್ಯ. ರೈಲ್ವೆ ನಿಲ್ದಾಣದಲ್ಲಿ ಬೋರ್ಡ್‌ಗಳು ಹಳದಿ ಏಕೆ ಇದೆ ಎಂಬುದರ ಮಾಹಿತಿ ಇಲ್ಲಿದೆ. (ಸಾಂದರ್ಭಿಕ ಚಿತ್ರ)

ಹಳದಿ ಬೋರ್ಡ್ ಮೇಲೆ ಕಪ್ಪು ಅಕ್ಷರಗಳಲ್ಲಿ ರೈಲ್ವೆ ನಿಲ್ದಾಣದ ಹೆಸರು ಇರುತ್ತದೆ. ಕೆಲವು ನಿಲ್ದಾಣಗಳು ಹಳದಿ ಬಣ್ಣದಲ್ಲಿ ನೀಲಿ ಅಕ್ಷರಗಳನ್ನು ಹೊಂದಿವೆ. ಭಾರತದಲ್ಲಿ ನೀವು ನೋಡುವ ಯಾವುದೇ ರೈಲು ನಿಲ್ದಾಣವು ಹೀಗೇ ಇರುತ್ತದೆ. ಈ ಫಲಕಗಳಿಗೆ ಬಣ್ಣ ಬಳಿಯುವುದರ ಹಿಂದೆ ವೈಜ್ಞಾನಿಕ ಕಾರಣವಿದೆ. ಗೋಚರತೆಯ ವರ್ಣಪಟಲದಲ್ಲಿ ತರಂಗಾಂತರದ ವಿಷಯದಲ್ಲಿ, ಹಳದಿ ಏಳು ಪ್ರಾಥಮಿಕ ಬಣ್ಣಗಳಲ್ಲಿ ಮೂರನೆಯದಾಗಿದೆ. (ಸಾಂದರ್ಭಿಕ ಚಿತ್ರ)

ಹಳದಿ ಬಣ್ಣದ ತರಂಗಾಂತರವು ಹೆಚ್ಚು ಉದ್ದ ಹೊಂದಿರುತ್ತದೆ. ಗೋಚರತೆಯ ವರ್ಣಪಟಲದ ಮೇಲ್ಭಾಗದಲ್ಲಿ ಕೆಂಪು ಬಣ್ಣವಿದೆ. ಅದಕ್ಕಾಗಿಯೇ ಟ್ರಾಫಿಕ್ ಸಿಗ್ನಲ್‌ಗಳ ಬಳಿ ವಾಹನಗಳನ್ನು ನಿಲ್ಲಿಸಲು ಅಥವಾ ಯಾವುದೇ ಎಚ್ಚರಿಕೆಯ ಸಂಕೇತವನ್ನು ನೀಡಲು ಕೆಂಪು ಬಣ್ಣವನ್ನು ಬಳಸಲಾಗುತ್ತದೆ. ಇತರ ಬಣ್ಣಗಳಿಗೆ ಹೋಲಿಸಿದರೆ ಕೆಂಪು ಬಣ್ಣವನ್ನು ಬಹಳ ದೂರದಿಂದ ಕಾಣಬಹುದು. (ಸಾಂದರ್ಭಿಕ ಚಿತ್ರ)

ರೈಲ್ವೆ ಪ್ಲಾಟ್‌ಫಾರ್ಮ್‌ನ ಎರಡೂ ತುದಿಗಳಲ್ಲಿ ಹಳದಿ ಬೋರ್ಡ್‌ನಲ್ಲಿ ಕಪ್ಪು ಅಕ್ಷರಗಳಲ್ಲಿ ಆ ರೈಲು ನಿಲ್ದಾಣದ ಹೆಸರನ್ನು ಬರೆದಿರಲಾಗುತ್ತದೆ. ದೂರದಿಂದಲೇ ಪ್ರಯಾಣಿಕರು ತಮ್ಮ ನಿಲ್ದಾಣ ಬಂದಿದೆಯಾ? ಇಲ್ಲವಾ ಎಂಬುದನ್ನು ಈ ಬೋರ್ಡ್ ಮೂಲಕ ನೋಡಬಹುದು. (ಸಾಂದರ್ಭಿಕ ಚಿತ್ರ)

ಪ್ರಯಾಣಿಕರು ಮಾತ್ರವಲ್ಲದೇ ರೈಲನ್ನು ಓಡಿಸುವ ಲೋಕೋ ಪೈಲಟ್ ಕೂಡ ಮುಂಬರುವ ನಿಲ್ದಾಣವನ್ನು ದೂರದಿಂದ ಸುಲಭವಾಗಿ ಗುರುತಿಸಬಹುದು. ಹಾಗಾದರೆ ರೈಲ್ವೇ ನಿಲ್ದಾಣದ ಸೈನ್‌ಬೋರ್ಡ್‌ಗಳಲ್ಲಿ ಹಳದಿ ಬದಲು ಕೆಂಪು ಬಣ್ಣವನ್ನು ಏಕೆ ಬಳಸುವುದಿಲ್ಲ ಎಂಬ ಪ್ರಶ್ನೆ ಸಾಮಾನ್ಯವಾಗಿದೆ. (ಸಾಂದರರ್ಭಿಕ ಚಿತ್ರ)

ಹಳದಿ ಬಣ್ಣವು ಕೆಂಪು ಬಣ್ಣಕ್ಕಿಂತ ವೇಗವಾಗಿರುತ್ತದೆ. ನೇರವಾಗಿ ಬೋರ್ಡ್ ನೋಡದಿದ್ದರೂ ಹಳದಿ ಬೋರ್ಡ್ ಅವರ ದೃಷ್ಟಿಯಲ್ಲಿ ಹೈಲೈಟ್ ಆಗುತ್ತದೆ. ಅಷ್ಟೇ ಅಲ್ಲ, ಗಾಢ ಅಥವಾ ಮಂಜಿನ ವಾತಾವರಣದಲ್ಲಿ ಕೆಂಪು ಬಣ್ಣಕ್ಕಿಂತ ಹಳದಿ ಬಣ್ಣ ಹೆಚ್ಚು ಗೋಚರಿಸುತ್ತದೆ. (ಸಾಂದರ್ಭಿಕ ಚಿತ್ರ)

ಹಳದಿ ಸೈನ್‌ಬೋರ್ಡ್‌ನಲ್ಲಿ ಕಪ್ಪು ಅಥವಾ ಗಾಢ ನೀಲಿ ಬಣ್ಣದ ಅಕ್ಷರಗಳನ್ನು ಹೊಂದಲು ಕಾರಣವೆಂದರೆ ಕಪ್ಪು ಬಣ್ಣವನ್ನು ಒಪ್ಪಂದದ ಬಣ್ಣವಾಗಿ ಆಯ್ಕೆ ಮಾಡಿರುವುದು. ಹಳದಿ ಬೋರ್ಡ್‌ನಲ್ಲಿರುವ ಯಾವುದೇ ಬಣ್ಣವು ಅಕ್ಷರಗಳನ್ನು ಹೆಚ್ಚು ಹೈಲೈಟ್ ಮಾಡುವುದಿಲ್ಲ. ಅದಕ್ಕಾಗಿಯೇ ಆ ಊರುಗಳ ಹೆಸರುಗಳನ್ನು ಗಾಢ ಬಣ್ಣದಲ್ಲಿ ಬರೆಯಲಾಗಿದೆ. ಹಳದಿ ಹಲಗೆಯ ಮೇಲೆ ಕಪ್ಪು ಅಕ್ಷರಗಳನ್ನು ಬರೆದರೆ ದೂರದಿಂದಲೂ ಬೋರ್ಡಿನಲ್ಲಿ ಬರೆದಿರುವುದನ್ನು ಓದಬಹುದು. (ಸಾಂದರ್ಭಿಕ ಚಿತ್ರ)

ಈಗ ಕಾಲ ಬದಲಾಗಿದ್ದು, ತಂತ್ರಜ್ಞಾನ ಬೆಳೆದಿದೆ. ರೈಲಿನಲ್ಲಿರುವಾಗಲೇ ಯಾವ ನಿಲ್ದಾಣ ಬರುತ್ತಿದೆ ಎಂದು ತಿಳಿಯಬಹುದು. ಜಿಪಿಎಸ್ ಮೂಲಕ ಮುಂಬರುವ ನಿಲ್ದಾಣದ ದೂರವನ್ನು ಲೋಕೋಪೈಲಟ್‌ಗಳು ತಿಳಿದುಕೊಳ್ಳುತ್ತಾರೆ. ಆದರೆ ಈ ಹಿಂದೆ ದೂರದಿಂದ ಕಾಣುವ ಈ ಹಳದಿ ಹಲಗೆಯನ್ನು ಗಮನಿಸಿದ ಲೋಕೋ ಪೈಲಟ್ ರೈಲಿನ ವೇಗವನ್ನು ಕಡಿಮೆ ಮಾಡುತ್ತಿದ್ದರು ಎನ್ನಲಾಗಿದೆ. (ಸಾಂದರ್ಭಿಕ ಚಿತ್ರ)