Indian Railways: ರೈಲುಗಳಿಗೆ ರಾಜಧಾನಿ, ಶತಾಬ್ಧಿ ಮತ್ತು ದುರಂತೋ ಅನ್ನೋ ಹೆಸರುಗಳು ಬಂದಿದ್ದು ಹೇಗೆ?

1.ವಂದೇ ಭಾರತ್ ರೈಲುಗಳು (Vande Bharat Trains): ಇತ್ತೀಚೆಗೆ ವಂದೇ ಭಾರತ್ ರೈಲುಗಳು ದೇಶದಲ್ಲಿ ಜನಪ್ರಿಯವಾಗುತ್ತಿವೆ. ಎಲ್ಲಾ ರಾಜ್ಯಗಳು ವಂದೇ ರೈಲಿಗಾಗಿ ಕೇಂದ್ರ ಸರ್ಕಾರದ ಮುಂದೆ ಬೇಡಿಕೆ ಇರಿಸಿವೆ. ಆದರೆ ವಂದೇ ಭಾರತ್ ರೈಲಿಗಿಂತ ದೇಶದಲ್ಲಿ ಹಲವು ಜನಪ್ರಿಯ ರೈಲುಗಳಿವೆ. (ಸಾಂದರ್ಭಿಕ ಚಿತ್ರ)

2. ರಾಜಧಾನಿ ಎಕ್ಸ್‌ಪ್ರೆಸ್ (Rajadhani Express), ಶತಾಬ್ಧಿ ಎಕ್ಸ್‌ಪ್ರೆಸ್ (Shatabdi Express), ದುರಂತೋ ಎಕ್ಸ್‌ಪ್ರೆಸ್‌ನಂತಹ (Duronto Express) ರೈಲುಗಳು ಪ್ರಯಾಣಿಕರಿಗೆ ಸೇವೆ ನೀಡುತ್ತಿವೆ. ಈ ಮೂರು ರೈಲುಗಳು ವೇಗ ಮತ್ತು ಸೌಲಭ್ಯಗಳ ವಿಷಯದಲ್ಲಿ ವಂದೇ ಭಾರತ್ ರೈಲಿಗೆ ಸ್ಪರ್ಧೆ ನೀಡುತ್ತವೆ. ಇವುಗಳಿಗೆ ಹೇಗೆ ಈ ಹೆಸರು ಬಂತು ಅನ್ನೋದರ ಮಾಹಿತಿ ಇಲ್ಲಿದೆ. (ಸಾಂದರ್ಭಿಕ ಚಿತ್ರ)

3. Rajdhani Express: ರಾಜಧಾನಿ ಎಕ್ಸ್‌ಪ್ರೆಸ್: ಈ ರೈಲು ದೇಶದ ವಿವಿಧ ರಾಜ್ಯಗಳಿಂದ ರಾಜಧಾನಿ ದೆಹಲಿಗೆ ಸಂಪರ್ಕವನ್ನು ಕಲ್ಪಿಸುತ್ತದೆ. ಹಾಗಾಗಿ ಇದನ್ನು ರಾಜಧಾನಿ ಎಕ್ಸ್​​ಪ್ರೆಸ್ ಅಂತ ಕರೆಯಲಾಗುತ್ತದೆ. ಇದು ಪ್ರೀಮಿಯಂ ಎಕ್ಸ್‌ಪ್ರೆಸ್ ರೈಲು. ಸಾವಿರಾರು ಕಿ.ಮೀ. ಚಲಿಸುವ ಈ ರೈಲು ಎಲ್ಲಾ ಹವಾನಿಯಂತ್ರಿತ ಕೋಚ್‌ಗಳನ್ನು ಹೊಂದಿದೆ. (ಸಾಂದರ್ಭಿಕ ಚಿತ್ರ)

ಟ್ರೈನ್ ಟಿಕೆಟ್ ಶುಲ್ಕದಲ್ಲಿ ಆಹಾರ ಸಹ ಸೇರಿರುತ್ತದೆ. ಈ ರೈಲು ಗಂಟೆಗೆ 140 ಕಿಮೀ ವೇಗದಲ್ಲಿ ಚಲಿಸುತ್ತದೆ. ಒಂದೇ ಹಳಿಯಲ್ಲಿ ಬಹು ರೈಲುಗಳು ಬರುತ್ತಿದ್ದರೆ ರಾಜಧಾನಿ ಎಕ್ಸ್‌ಪ್ರೆಸ್‌ಗೆ ರೈಲ್ವೆ ಮೊದಲ ಆದ್ಯತೆ ನೀಡುತ್ತದೆ. (ಸಾಂದರ್ಭಿಕ ಚಿತ್ರ)

4. Shatabdi Express: ರಾಜಧಾನಿ ಎಕ್ಸ್‌ಪ್ರೆಸ್ ರೈಲು ಸಾವಿರಾರು ಕಿಲೋಮೀಟರ್‌ಗಳನ್ನು ಕ್ರಮಿಸಿದರೆ, ಶತಾಬ್ದಿ ಎಕ್ಸ್‌ಪ್ರೆಸ್ ರೈಲು 400 ಕಿಲೋಮೀಟರ್‌ಗಳಿಂದ 800 ಕಿಲೋಮೀಟರ್ ದೂರವನ್ನು ಕ್ರಮಿಸುತ್ತದೆ. ಇದು ಸಂಪೂರ್ಣವಾಗಿ ಚೇರ್ ಕಾರ್ ಕೋಚ್‌ಗಳನ್ನು ಒಳಗೊಂಡಿರುವ ರೈಲು. ಈ ರೈಲನ್ನು 1989 ರಲ್ಲಿ ಭಾರತದ ಮೊದಲ ಪ್ರಧಾನಿ ಪಂಡಿತ್ ಜವಾಹರಲಾಲ್ ನೆಹರು ಅವರ 100 ನೇ ಜನ್ಮದಿನದಂದು ಉದ್ಘಾಟಿಸಲಾಯಿತು. ಹೀಗಾಗಿ ಈ ರೈಲಿಗೆ ಶತಾಬ್ಧಿ ಎಕ್ಸ್ ಪ್ರೆಸ್ ಎಂಬ ಹೆಸರು ಬಂದಿದೆ. ಈ ರೈಲು ಗಂಟೆಗೆ 160 ಕಿಲೋಮೀಟರ್ ವೇಗದಲ್ಲಿ ಚಲಿಸುತ್ತದೆ. ಶತಾಬ್ಧಿ ಎಕ್ಸ್‌ಪ್ರೆಸ್ ರಾಜಧಾನಿ ಎಕ್ಸ್‌ಪ್ರೆಸ್ ರೈಲಿನ ಎಲ್ಲಾ ಸೌಲಭ್ಯಗಳನ್ನು ಹೊಂದಿದೆ. (ಸಾಂದರ್ಭಿಕ ಚಿತ್ರ)

5. Duronto Express: ಮೇಲಿನ ಎರಡು ರೈಲುಗಳಿಗಿಂತ ಹೆಚ್ಚಿನ ಸೌಲಭ್ಯಗಳನ್ನು ಹೊಂದಿರುವ ರೈಲು ದುರಂತೋ ಎಕ್ಸ್‌ಪ್ರೆಸ್. ದುರಂತೋ ಎಂಬುದು ಬಂಗಾಳಿ ಪದ. ಈ ಪದದ ಅರ್ಥ ನಿರಂತರ. ಇ-ರೈಲು ಕೆಲವೇ ನಿಲ್ದಾಣಗಳಲ್ಲಿ ನಿಲ್ಲುತ್ತದೆ. ಇದು ಗಂಟೆಗೆ 140 ಕಿಲೋಮೀಟರ್ ವೇಗದಲ್ಲಿ ಚಲಿಸುತ್ತದೆ. ದುರಂತೋ ಎಕ್ಸ್‌ಪ್ರೆಸ್ ರೈಲು ವಾರಕ್ಕೆ ಎರಡು ಅಥವಾ ಮೂರು ಬಾರಿ ಮಾತ್ರ ಪ್ರಯಾಣಿಕರಿಗೆ ಲಭ್ಯವಿದೆ. (ಸಾಂದರ್ಭಿಕ ಚಿತ್ರ)

6.Vande Bharat Express: ಇತ್ತೀಚೆಗೆ ವಂದೇ ಭಾರತ್ ರೈಲುಗಳು ಹೆಚ್ಚು ಜನಪ್ರಿಯವಾಗ್ತಿವೆ . ಇಲ್ಲಿಯವರೆಗೆ 13 ಮಾರ್ಗಗಳಲ್ಲಿ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲು ಸಂಚರಿಸುತ್ತದೆ. ಈ ಎಲ್ಲಾ ರೈಲುಗಳು ಚೇರ್ ಕಾರ್ ಕೋಚ್‌ಗಳನ್ನು ಹೊಂದಿವೆ. ವಂದೇ ಭಾರತ್ ರೈಲುಗಳು ಗಂಟೆಗೆ 180 ಕಿ.ಮೀ ವೇಗದಲ್ಲಿ ಚಲಿಸುತ್ತವೆ. (ಸಾಂದರ್ಭಿಕ ಚಿತ್ರ)

ವಂದೇ ಭಾರತ್ ರೈಲುಗಳು ಮೇಲೆ ವಿವರಿಸಿದ ಎಲ್ಲಾ ರೈಲುಗಳಿಗಿಂತ ವೇಗವಾಗಿರುತ್ತವೆ. ಇತ್ತೀಚೆಗೆ ವಿನ್ಯಾಸಗೊಳಿಸಲಾದ ವಂದೇ ಭಾರತ್ ರೈಲುಗಳು ಅತ್ಯಾಧುನಿಕ ವೈಶಿಷ್ಟ್ಯಗಳನ್ನು ಹೊಂದಿವೆ. ವಂದೇ ಭಾರತ್ ರೈಲುಗಳು ಶತಾಬ್ದಿ ಎಕ್ಸ್‌ಪ್ರೆಸ್ ರೈಲುಗಳನ್ನು ಹಂತ ಹಂತವಾಗಿ ಬದಲಾಯಿಸಲಿವೆ ಎಂಬ ವರದಿಗಳಿವೆ. (ಸಾಂಕೇತಿಕ ಚಿತ್ರ)