Interesting Fact: ಕಪಲ್​ ಕಿಸ್ ಮಾಡುವಾಗ ಕಣ್ಣು ಮುಚ್ಚಿಕೊಳ್ಳೋದು ಏಕೆ?

ನಿಮ್ಮ ಸಂಗಾತಿಗೆ ನಿಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಲು ಕಿಸ್ ಅತ್ಯುತ್ತಮ ಮಾರ್ಗವಾಗಿದೆ. ಕಿಸ್ ಇಬ್ಬರು ಪ್ರೇಮಿಗಳ ನಡುವಿನ ಅಂತರವನ್ನು ಕಡಿಮೆ ಮಾಡುತ್ತದೆ ಮತ್ತು ಅವರನ್ನು ಹತ್ತಿರ ತರುತ್ತದೆ ಎಂದು ಹೇಳಲಾಗುತ್ತದೆ. ಆದರೆ ಕಿಸ್​ (Kiss) ಕೊಡುವಾಗ ಕಣ್ಣುಗಳು ಹೆಚ್ಚಾಗಿ ಮುಚ್ಚಿರುವುದನ್ನು ನೀವು ಚಲನಚಿತ್ರಗಳಲ್ಲಿ ನೋಡಿರಬಹುದು ಅಥವಾ ನೀವೇ ಅನುಭವಿಸಿರಬಹುದು. ಆದರೆ ಇದು ಯಾಕೆ ಹೀಗೆ ಅಂತ ಗೊತ್ತಾ?

ಕಿಸ್​ ಕೊಡುವಾಗ ಕಣ್ಣು ಮುಚ್ಚಲು ವೈಜ್ಞಾನಿಕ ಕಾರಣವನ್ನು ನಾವು ನಿಮಗೆ ಹೇಳಲಿದ್ದೇವೆ. ವಾಸ್ತವವಾಗಿ ಕಿಸ್ ನಿಮ್ಮ ಸಂಗಾತಿಗೆ ನಿಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಲು ಉತ್ತಮ ಮಾರ್ಗವಾಗಿದೆ ಮತ್ತು ಅದು ನಿಮ್ಮಿಬ್ಬರನ್ನೂ ಹತ್ತಿರ ತರುತ್ತದೆ.

ಲಂಡನ್ ವಿಶ್ವವಿದ್ಯಾನಿಲಯದ  ಸಂಶೋಧಕರು ರಾಯಲ್ ಹಾಲೊವೇ ಅವರು ಚುಂಬಿಸುವಾಗ ಕಣ್ಣು ಮುಚ್ಚುವ ಕುರಿತು ನಡೆಸಿದ ಅಧ್ಯಯನವು 'ಸ್ಪರ್ಶ ಸಂವೇದನೆ' ಯಿಂದ ಉಂಟಾಗುತ್ತದೆ ಎಂದು ಬಹಿರಂಗಪಡಿಸಿದ್ದಾರೆ. ಈ ಸ್ಪರ್ಶ ದಿಂದ ಆಯಸ್ಸು ಹೆಚ್ಚಾಗುತ್ತೆ ಅಂತ ಹೇಳಿದ್ದಾರೆ.

ಮನಶ್ಶಾಸ್ತ್ರಜ್ಞರಾದ ಸಾಂಡ್ರಾ ಮರ್ಫಿ ಮತ್ತು ಪಾಲಿ ಡಾಲ್ಟನ್ ದಂಪತಿಗಳು ಪರಸ್ಪರ ಹತ್ತಿರವಾದಾಗ ಅನುಭವಿಸುವ ಭಾವನೆ 'ಸ್ಪರ್ಶದ ಭಾವನೆ' ಎಂದು ವಿವರಿಸಿದ್ದಾರೆ. ಹಾಗೆಯೇ ಹಲವಾರು ಕಪಲ್ಸ್​ಗಳ ವಿಮರ್ಶೆಗಳನ್ನು ಇವರು ತಮ್ಮ ಸಂಶೋಧನೆಯಲ್ಲಿ ಉಲ್ಲೇಖಿಸಿದ್ದಾರೆ ಕೂಡ. ಇದರಿಂದ ತಿಳಿದು  ಬಂದ ಉತ್ತರವೇನೆಂದರೆ, ಕಣ್ಣು ಮುಚ್ಚಿ ಕಿಸ್​ ಕೊಡೋದ್ರಿಂದ  ಸೇಫೆಸ್ಟ್​ ಜಾಗ ಅಂತ  ಅನಿಸುತ್ತೆ ಎಂದು ಹಲವಾರು ಜನರು ತಿಳಿಸಿದ್ದಾರಂತೆ.

ಅಧ್ಯಯನಗಳ ಪ್ರಕಾರ, ಒಂದು ಮುತ್ತಿನಿಂದ  ದೂರವಾದ ಗಂಡು ಮತ್ತು ಹೆಣ್ಣು ಪರಸ್ಪರ ಹತ್ತಿರವಾಗುತ್ತಾರೆ. ಅವರು ತಮ್ಮ ಸಂಗಾತಿಯೊಂದಿಗೆ ಸಂಪೂರ್ಣವಾಗಿ ಪ್ರೀತಿಯಲ್ಲಿ ಮುಳುಗಿರುತ್ತಾರೆ ಮತ್ತು ದೇಹಕ್ಕೆ ಸಂಪೂರ್ಣ ವಿಶ್ರಾಂತಿ ದೊರೆತಂತೆ ಆಗುತ್ತದೆ ಎಂದು ತಿಳಿದಿದೆ ಎಂದು ಹೇಳಲಾಗಿದೆ. ಒಂದು ಕಿಸ್​ನಿಂದ ಇಷ್ಟೆಲ್ಲಾ ಲಾಭ ಇದೆ ನೋಡಿ.

ಇಬ್ಬರು ತಮ್ಮ ಕಣ್ಣುಗಳನ್ನು ಮುಚ್ಚದಿದ್ದರೆ, ಅವರು ತಮ್ಮ ಸುತ್ತಲಿನ ವಸ್ತುಗಳಿಂದ ವಿಚಲಿತರಾಗಬಹುದು ಅಥವಾ ವಿಭಿನ್ನ ಭಾವನೆಗಳನ್ನು ಹೊಂದಿರಬಹುದು. ಕಣ್ಣನ್ನು ಮಚ್ಚಿದರೆ, ನೀವು ಸಂಪೂರ್ಣವಾಗಿ ಸ್ವತಂತ್ರರಾಗಿದ್ದೀರಿ ಎಂದು ಅರ್ಥ. ಹಾಗೆಯೇ ಕಣ್ಣು ಮುಚ್ಚಿ ಕಿಸ್​ ಮಾಡಿದ್ರೆ ನೀವು ಬೇರೆ ಲೋಕಕ್ಕೇ ಹೋದ ಫೀಲ್​ ಬರುತ್ತೆ ಎಂದು ಸಂಶೋಧನೆಯಲ್ಲಿ ತಿಳಿದಿದೆ.

ಕಣ್ಣು ಮುಚ್ಚಿ ಧ್ಯಾನ ಮಾಡೋದು ಗೊತ್ತು. ಯಾಕಂದ್ರೆ ಏಕಾಗ್ರತೆ ಬರುತ್ತದೆ ಮತ್ತು ನಮ್ಮ ಸುತ್ತಮುತ್ತಲಿನ ಎಲ್ಲಾ ಸಮಸ್ಯೆಗಳನ್ನು ಧೈರ್ಯವಾಗಿ ಎದುರಿಸುವ ಶಕ್ತಿ ಬೇಕೆಂದು ಧ್ಯಾನ, ಪ್ರಾಣಾಯಾಮವನ್ನು ಮಾಡುತ್ತಾರೆ. ಈ ಸಮಯದಲ್ಲಿ ಕಣ್ಣು ಮುಚ್ಚುತ್ತೇವೆ ಅಲ್ವಾ? ಹಾಗೆಯೇ ಕಿಸ್​ ಮಾಡ್ತಾ ಅಟೋಮ್ಯಾಟಿಕ್​ ಕಣ್ಣುಗಳು ಕ್ಲೋಸ್​ ಆಗುತ್ತೆ. ಹಾಗೆಯೇ ಚುಂಬಿಸೋದನ್ನೇ ಏಕಾಗ್ರತೆ ಮಾಡುತ್ತಾರೆ  ಎಂದರ್ಥ.

ಕಣ್ಣು ಮುಚ್ಚಿ ಕಿಸ್​ ಕೊಡುವಾಗ ಗಂಡು ಮತ್ತು ಹೆಣ್ಣು ನಾನಾರೀತಿಯ ಕನಸುಗಳನ್ನು ಕಾಣುತ್ತಾರಂತೆ. ಇದು ಅವರಿಬ್ಬರಿಗೇ ಸಂಬಂಧ ಪಟ್ಟಂತಹ ಡ್ರೀಮ್​ಗಳು ಆಗಿರುತ್ತದೆ ಎಂದು ಹಲವಾರು ಕಪಲ್ಸ್​ಗಳು ವಿಮರ್ಶಿಸಿದ್ದಾರೆ. 

ಲಂಡನ್ ವಿಶ್ವವಿದ್ಯಾನಿಲಯದ ಅಧ್ಯಯನವು ಜನರಿಗೆ 'ಸ್ಪರ್ಶ ಸಂವೇದನೆ'ಯ ಬಗ್ಗೆ ಕಡಿಮೆ ಅರಿವಿರುತ್ತದೆ ಎಂದು ಹೇಳಿದೆ. ಆದರೆ , ದೇಹದ ಇಂದ್ರಿಯಗಳು ಒಂದೇ ಸಮಯದಲ್ಲಿ ಎರಡು ವಿಷಯಗಳ ಮೇಲೆ ಕೇಂದ್ರೀಕರಿಸುವುದಿಲ್ಲ. ಆದರೆ ಕಿಸ್​ ಮಾಡುವಾಗ ಮಾತ್ರ ಈ ಇಂದ್ರಿಯಗಳು ಕೆಂದ್ರೀಕೃತವಾಗಿರುತ್ತದೆ.