Clock: ಸೂರ್ಯನ ಬೆಳಕಿನಲ್ಲಿ ಚಲಿಸುತ್ತೆ ಗಡಿಯಾರ: 150 ವರ್ಷಗಳ ಹಳೆಯ ಗಡಿಯಾರದ ಚಿತ್ರಗಳನ್ನು ನೋಡಿ

ಈ ಗಡಿಯಾರವನ್ನು 150 ವರ್ಷಗಳ ಹಿಂದೆ ಅಂದ್ರೆ 1871 ರಲ್ಲಿ ಸ್ಥಾಪಿಸಲಾಗಿದೆ. ಬ್ರಿಟಿಷ್ ಸರ್ಕಾರವು ಸೋನ್ ಕೆನಾಲ್ ಸಿಸ್ಟಮ್ ನಿರ್ಮಾಣದ ಸಮಯದಲ್ಲಿ ಯಾಂತ್ರಿಕ ಕಾರ್ಯಾಗಾರದಲ್ಲಿ ಕೆಲಸಗಾರರ ಸಮಯವನ್ನು ನೋಡಲು ಈ ಸನ್ಲೈಟ್ ವಾಚ್ ಅನ್ನು ಸ್ಥಾಪಿಸಿತ್ತು. ಈ ಗಡಿಯಾರ ಇಂದಿಗೂ ಸಮಯವನ್ನು ಹೇಳುತ್ತಿದೆ

ಈ ಗಡಿಯಾರ ಡೆಹ್ರಿ ಬಳಿಯ ನೀರಾವರಿ ಇಲಾಖೆಯ ಆವರಣದಲ್ಲಿದೆ. ಈ ಗಡಿಯಾರಕ್ಕೆ ಲೋಹದ ತಟ್ಟೆಯನ್ನು ಜೋಡಿಸಲಾಗಿದೆ. ರೋಮನ್ ಭಾಷೆಯಲ್ಲಿ ಕಲ್ಲಿನ ಮೇಲೆ ಬರೆದ ಲೆಕ್ಕಾಚಾರವನ್ನು ಇಂದಿಗೂ ಸುಲಭವಾಗಿ ಓದಬಹುದು. ಪ್ರತಿ ಅರ್ಧ ಗಂಟೆ ಮಧ್ಯಂತರದಲ್ಲಿ ಸರಿಯಾದ ಸಮಯವನ್ನು ತೋರಿಸುತ್ತದೆ. ಸೂರ್ಯೋದಯ ಆದಾಗಿನಿಂದ ಸೂರ್ಯಾಸ್ತವರೆಗೆ ಈ ಗಡಿಯಾರ ಸಮಯ ತೋರಿಸುತ್ತದೆ.

ಕೆಲ ವರ್ಷಗಳ ಹಿಂದೆ ಈ ಗಡಿಯಾರದ ಸುತ್ತಲೂ ಬೇಲಿ ರೀತಿಯ ಬೌಂಡ್ರಿ ಹಾಕಲಾಗಿದೆ. ಆದ್ರೆ ಸರಿಯಾದ ನಿರ್ವಹಣೆ ಇಲ್ಲದ ಕಾರಣ ಸ್ವಚ್ಛತೆಯೇ ಇಲ್ಲದಾಗಿದೆ. ಇನ್ನು ಗಡಿಯಾರ ಇರೋ ವೇದಿಕೆಯಲ್ಲಿಯೂ ಬಿರುಕು ಬಿಟ್ಟಿದೆ. ಭೌಗೋಳಿಕ ಮಟ್ಟದಲ್ಲಿ ಭೂಮಿಯ ತಿರುಗುವಿಕೆಯ ವೇಗದೊಂದಿಗೆ ಇದನ್ನು ಹೊಂದಿಸಲಾಗಿದೆ ಎಂದು ಹೇಳಲಾಗುತ್ತದೆ.

ಗಡಿಯಾರ ಇರುವ ಮುಂಭಾಗದ ರಸ್ತೆಯಲ್ಲಿರೋ ಹಳೆಯ ಬೋರ್ಡ್ ಇದರ ಮಾಹಿತಿ ನೀಡುತ್ತದೆ. ಈ ಐತಿಹಾಸಿಕ ಗಡಿಯಾರವನ್ನು ಮುಂದಿನ ಪೀಳಿಗೆಗೂ ಉಳಿಸಬೇಕಾಗಿದೆ. ಗಡಿಯಾರ ನೋಡಲು ದೂರ ದೂರ ಊರುಗಳಿಂದ ಜನರು ಬರುತ್ತಾರೆ. ಆದ್ರ ಇಲ್ಲಿ ಸರಿಯಾದ ನಿರ್ವಹಣೆ ಇಲ್ಲದಿರೋದು ಬೇಸರದ ಸಂಗತಿ ಎಂದು ಸ್ಥಳೀಯ ನಿವಾಸಿ ರಾಹುಲ್ ಹೇಳುತ್ತಾರೆ.