IRCTC Cruise Liner: ಭಾರತದಲ್ಲೂ ಈಗ ಐಶಾರಾಮಿ ಹಡಗಿನ ಪ್ರಯಾಣ ಶುರು, ಟಿಕೆಟ್ ರೇಟ್ ಎಷ್ಟು, ಬೆಂಗಳೂರಿಂದ ಹೋಗೋದು ಹೇಗೆ? ಫುಲ್ ಡೀಟೆಲ್ಸ್

ಭಾರತದಲ್ಲಿ ಐಶಾರಾಮಿ ಹಡಗು/ ಕ್ರೂಸ್ ಓಡಾಟ ಆರಂಭವಾಗಿದೆ. ರೈಲ್ವೆ ಇಲಾಖೆಯ IRCTC ಖಾಸಗಿ ಸಂಸ್ಥೆ ಕಾರ್ಡಿಲಿಯಾ ಜೊತೆ ಕೈಜೋಡಿಸಿ ಇದನ್ನು ಆರಂಭಿಸಿದ್ದು ಈಗಾಗಲೇ ಓಡಾಟ ಆರಂಭವಾಗಿದೆ. ಅದ್ಭುತ ಐಶಾರಾಮಿ ಸೌಕರ್ಯ ಹೊಂದಿರೋ ಈ ಕ್ರೂಸ್​ ಬುಕಿಂಗ್ http://www.irctctourism.com ವೆಬ್​ಸೈಟ್ ಮೂಲಕ ಮಾಡಬಹುದಾಗಿದೆ.

ಈ ಹಡುಗು ಸಂಪೂರ್ಣವಾಗಿ ಐಶಾರಾಮಿ ವ್ಯವಸ್ಥೆ ಹೊಂದಿದೆ. ಹಡಗಿನ ಒಳಗೆ ನಾನಾ ರೆಸ್ಟೊರೆಂಟ್​ಗಳು, ಸ್ವಿಮ್ಮಿಂಗ್ ಪೂಲ್, ಜಿಮ್, ಮಕ್ಕಳ ಆಟದ ಸ್ಥಳ, ಚಿತ್ರಮಂದಿರ ಮುಂತಾದ ಸೌಕರ್ಯಗಳಿವೆ. ಇದರಲ್ಲಿ ಕೋವಿಡ್ ನಿಯಮಗಳ ಪಾಲನೆ ಆಗಲಿದೆ, ಎಲ್ಲಾ ಪ್ರಯಾಣಿಕರು ಮತ್ತು ಸಿಬ್ಬಂದಿ ಕಡ್ಡಾಯವಾಗಿ ಲಸಿಕೆ ಪಡೆದಿರಬೇಕು ಎಂದು ತಿಳಿಸಲಾಗಿದೆ. ತುರ್ತು ಸಂದರ್ಭಕ್ಕಾಗಿ ಅಲ್ಲೇ ಒಂದು ವೈದ್ಯಕೀಯ ತಂಡವೂ ಇರಲಿದೆ. (Representational Image: Shutterstock)

ಆರಂಭಿಕ ಹಂತದಲ್ಲಿ ಈ ಹಡಗು ಮುಂಬೈನಿಂದ ಭಾರತದ ನಾನಾ ಸ್ಥಳಗಳಿಗೆ ಪ್ರಯಾಣ ಬೆಳೆಸಲಿದೆ. ಮೇ 2022ರಿಂದ ಚೆನ್ನೈನಿಂದ ಕೊಲಂಬೊ, ಗಲ್ಲೇ, ಟ್ರಿನ್ಕೊಮಾಲೇ ಮತ್ತು ಜಾಫ್ನಾಗೆ ಪ್ರಯಾಣ ಬೆಳೆಸಲಿದೆ. ಇವೆಲ್ಲವೂ ಶ್ರೀಲಂಕಾದ ಸ್ಥಳಗಳು. ಕಾರ್ಡಿಲಿಯಾ ಕ್ರೂಸ್ IRTCTC ಜೊತೆ ಈ ಒಡಂಬಡಿಕೆ ಮಾಡಿಕೊಂಡಿದ್ದು ಸದ್ಯ ಮುಂಬೈ-ಗೋವಾ-ಮುಂಬೈ, ಮುಂಬೈ-ಡಿಯು-ಮುಂಬೈ, ಮುಂಬೈ-ಸೀಫೇರಿಂಗ್-ಮುಂಬೈ, ಕೊಚ್ಚಿ-ಲಕ್ಷದ್ವೀಪ್-ಸೀಫೇರಿಂಗ್-ಮುಂಬೈ, ಮುಂಬೈ-ಸೀಫೇರಿಂಗ್-ಲಕ್ಷದ್ವೀಪ್-ಸೀಫೇರಿಂಗ್-ಮುಂಬೈ ಮಾರ್ಗಗಳಲ್ಲಿ ಪ್ರಯಾಣಿಸುತ್ತಿದೆ.  (Representational Image: Shutterstock)

ಈ ಕ್ರೂಸ್ ವೀಕೆಂಡ್ ಗಾಗಿ ವಿಶೇಷ ಪ್ಯಾಕೇಜ್ ನೀಡುತ್ತಿದೆ. 2 ರಾತ್ರಿ ಮತ್ತು 3 ಹಗಲಿನ ಈ ಪ್ಯಾಕೇಜ್ ಬೆಲೆ 23,467 ರೂಪಾಯಿಗಳಾಗಿದೆ. ಈ ಬೆಲೆ ನೀವು ಆಯ್ಕೆ ಮಾಡುವ ಸೀಟಿನ ಆಧಾರದ ಮೇಲೆ ಬದಲಾಗುತ್ತದೆ. ಉದಾಹರಣೆಗೆ ಕ್ರೂಸ್ ಒಳಗೆ ಕುಳೀತುಕೊಳ್ಳುವ ಸೀಟಿಗೆ 23,467 ರೂಪಾಯಿಗಳಿದೆ. ಅದೇ ನೀವು ಸಮುದ್ರ ಕಾನು ಕಿಟಕಿ ಬದಿಯ ಸೀಟ್ ಬೇಕು ಎಂದರೆ ಅದರ ಬೆಲೆ 30,348 ರೂಪಾಯಿಗಳಾಗುತ್ತದೆ. ಅದೇ ಬಾಲ್ಕನಿಯ ಸೀಟಿಗಾದರೆ 43,092 ರೂಪಾಯಿಗಳು ಇದ್ದು ಸ್ವೀಟ್ ಗೆ 81,579 ರೂಪಾಯಿಗಳಿದೆ. ಎಲ್ಲಕ್ಕಿಂತ ಹೆಚ್ಚು ಐಶಾರಾಮಿ ಸ್ವೀಟ್ ಬೆಲೆ ರೂ 1.19,811 ರೂಪಾಯಿಗಳು ಇರಲಿದೆ.(Representational Image: Shutterstock)

ಕೇರಳದಿಂದಲೂ ಈ ಪ್ಯಾಕೇಜ್ ಲಭ್ಯವಿದೆ. ಮೊದಲ ಟ್ರಿಪ್ ಸೆಪ್ಟೆಂಬರ್ 20ರಂದು ಕೊಚ್ಚಿಯಿಂದ ಹೊರಟಿತ್ತು. 2 ರಾತ್ರಿ ಮತ್ತು 3 ಹಗಲಿನ ಈ ಪ್ಯಾಕೇಜ್ ಬೆಲೆ 19,898 ರೂಪಾಯಿಗಳಿಂದ 66,287 ರೂಪಾಯಿಗಳಿದೆ.

ಗೋವಾದಿಂದಲೂ ಈ ಅದ್ಧೂರಿ ಹಡಗಿನಲ್ಲಿ ಪ್ರಯಾಣಿಸುವ ಅವಕಾಶವಿದೆ. 2 ರಾತ್ರಿ ಮತ್ತು 3 ಹಗಲಿನ ಒಂದು ಪ್ಯಾಕೇಜ್ ಬೆಲೆ ರೂ 23,467 ಇದೆ. ಈ ಬೆಲೆಗಳು ಬಹುತೇಕ ಬೇರೆಲ್ಲಾ ಪ್ಯಾಕೇಜ್ ನಷ್ಟೇ ಇದೆ ಎನ್ನಲಾಗಿದೆ.

ಲಕ್ಷದ್ವೀಪದಿಂದ ಕೂಡಾ ಈ ಕ್ರೂಸ್ ನಲ್ಲಿ ಐಶಾರಾಮಿ ಪ್ಯಾಕೇಜ್ ಗಳನ್ನು ಬುಕ್ ಮಾಡಬಹುದು. ಮುಂಬೈನಿಂದ ಲಕ್ಷದ್ವೀಪಕ್ಕೆ 4 ರಾತ್ರಿ ಮತ್ತು 5 ದಿನಗಳ ಪ್ಯಾಕೇಜ್ ಇದೆ. ಈ ಪ್ಯಾಕೇಜಿನ ಬೆಲೆ 49,745 ರೂಪಾಯಿಗಳಷ್ಟಿದೆ.