Dubai Crown Prince: ಅಬ್ಬಬ್ಬಾ..! ದುಬೈ ರಾಜಕುಮಾರನ ಅದ್ದೂರಿ ಜೀವನ ಶೈಲಿ ಹೇಗಿದೆ ಗೊತ್ತಾ..?

ಫಜ್ಜಾ ಎಂದು ಪ್ರೀತಿಯಿಂದ ಕರೆಯುವ ರಾಜಕುಮಾರ: ಹಮ್ದಾನ್ ಬಿನ್ ಮೊಹಮ್ಮದ್ ಅಲ್ ಮಕ್ತೌಮ್ ಅವರು ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತೌಮ್ ಮತ್ತು ಅವರ ಹಿರಿಯ ಪತ್ನಿ ಹಿಂದ್ ಬಿಂತ್ ಮಕ್ತೂಮ್ ಬಿನ್ ಜುಮಾ ಅಲ್ ಮಕ್ತೌಮ್ ಅವರ ಪುತ್ರ. ಇವರ 12 ಜನ ಮಕ್ಕಳಲ್ಲಿ ಎರಡನೆಯವರಾಗಿರುವ ಇವರಿಗೆ 39 ವರ್ಷ ವಯಸ್ಸಾಗಿದೆ. ಅಲ್ಲದೆ ಇವರನ್ನು "ಫಜ್ಜಾ" ಎಂದು ಪ್ರೀತಿಯಿಂದ ಕರೆಯಲಾಗುತ್ತದೆ. 2008 ರಿಂದ ದುಬೈನ ಕ್ರೌನ್ ಪ್ರಿನ್ಸ್ ಆಗಿದ್ದಾರೆ. ಅವರು ಈ ಹಿಂದೆ 2006 ರಿಂದ 2008 ರವರೆಗೆ ದುಬೈನ ಉಪ ಆಡಳಿತಗಾರರಾಗಿ ಸೇವೆ ಸಲ್ಲಿಸಿದರು.

ಬಹುಮುಖ ಪ್ರತಿಭೆ: ಹಮ್ದಾನ್ ಬಿನ್ ಮೊಹಮ್ಮದ್ ಅಲ್ ಮಕ್ತೌಮ್ ರಾಜಮನೆತನದ ಕರ್ತವ್ಯಗಳ ಜೊತೆಜೊತೆಗೆ , ದುಬೈ ಬಿಲಿಯನೇರ್ ಸ್ಕೈಡೈವಿಂಗ್, ಕುದುರೆ ಸವಾರಿ, ಸೈಕ್ಲಿಂಗ್ ಮತ್ತು ಛಾಯಾಗ್ರಹಣ ಮುಂತಾದ ಸಾಕಷ್ಟು ಹವ್ಯಾಸಗಳಲ್ಲಿ ತಮ್ಮನ್ನು ತಾವು ತೊಡಗಿಸಿ ಕೊಂಡಿರುತ್ತಾರೆ. ಜೊತೆಗೆ ಉತ್ತಮ ಕವಿ ಕೂಡ ಹೌದು.

ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಫಾಲವರ್ಸ್: ಹಮ್ದಾನ್ ಬಿನ್ ಮೊಹಮ್ಮದ್ ಅಲ್ ಮಕ್ತೌಮ್ ಅವರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಜನ ಫಾಲೋವರ್ಸ್ ಗಳು ಇದ್ದಾರೆ. ಟ್ವಿಟರ್‌ನಲ್ಲಿ ಸುಮಾರು 4.4 ಮಿಲಿಯನ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ 12.9 ಮಿಲಿಯನ್ ಜನರು ಇವರನ್ನು ಫಾಲೋ ಮಾಡುತ್ತಿದ್ದಾರೆ.

ದುಬಾರಿ ಜೀವನ ಶೈಲಿ: ರಾಜಮನೆತನಕ್ಕೆ ತಕ್ಕಂತೆ ದುಬಾರಿ ಜೀವನ ಶೈಲಿಯಲ್ಲಿ ಬದುಕುತ್ತಿರುವ ಹಮ್ದಾನ್ ಬಿನ್ ಮೊಹಮ್ಮದ್ ಅಲ್ ಮಕ್ತೌಮ್ ಪ್ರಪಂಚ ಪರ್ಯಟನೆ ಮಾಡುವುದರಲ್ಲಿ ಸಿದ್ಧಹಸ್ತರು. ಜೊತೆಗೆ ವಿಶ್ವದ ಪ್ರಸಿದ್ಧ ವ್ಯಕ್ತಿಗಳನ್ನು ಭೇಟಿ ಮಾಡುವುದು ಇವರ ಹವ್ಯಾಸಗಳಲ್ಲಿ ಒಂದು.

ಉತ್ತಮ ಕ್ರೀಡಾಪಟು: ಈಕ್ವೆಸ್ಟ್ರಿಯನ್ ಆಗಿರುವ ಶೇಖ್ ಹಮ್ದಾನ್ ಅವರು ನಾರ್ಮಂಡಿಯಲ್ಲಿ ನಡೆದ ಆಲ್ಟೆಕ್ ಎಫ್‌ಇಐ ವರ್ಲ್ಡ್ ಇಕ್ವೆಸ್ಟ್ರಿಯನ್ ಗೇಮ್ಸ್ 2014 ರಲ್ಲಿ ಚಿನ್ನದ ಪದಕ, 2012 ರಲ್ಲಿ ಚಿನ್ನ ಮತ್ತು 2010 ರಲ್ಲಿ ಕಂಚಿನ ಪದಕ ಸೇರಿದಂತೆ ಹಲವು ಪದಕಗಳನ್ನು ಗೆದ್ದಿದ್ದಾರೆ.