ABCDEF GHIJK ZUZU ಎಂದು ಮಗನಿಗೆ ಹೆಸರಿಟ್ಟ ತಂದೆ, ಮಗ ದೊಡ್ಡವನಾದ್ಮೇಲೆ ಇದೆ ಮಾರಿ ಹಬ್ಬ!

ಮಕ್ಕಳು ಜನಿಸಿದ ನಂತರ ಅವರಿಗೆ ಸೂಕ್ತವಾದ ಹೆಸರಿಡಲು ಪೋಷಕರು ತಡಕಾಡುತ್ತಾರೆ. ಊರಲ್ಲಿ ಇದ್ದ ಪುರೋಹಿತರ ಬಳಿ ಹೋಗಿ ಮಗು ಜನಿದ ಸಮಯ, ರಾಶಿ, ನಕ್ಷತ್ರ ನೋಡಿಕೊಂಡು ಕೊನೆಗೊಂದು ಹೆಸರನ್ನು ಆಯ್ಕೆ ಮಾಡುತ್ತಾರೆ. ಅದರಲ್ಲೂ ತಂದೆಯ ಕುಟುಂಬದವರು ಮಗುವಿಗೆ ಹೆಸರೊಂದನ್ನ ಇಟ್ಟರೆ, ತಾಯಿಯ ಪೋಷಕರು ಮತ್ತೊಂದು ಹೆಸರಿನಲ್ಲಿ ಮಗುವನ್ನು ಕರೆಯುವ  ಪ್ರಸಂಗವೂ ಉಂಟು.

ಒಟ್ಟಿನಲ್ಲಿ ಪೋಷಕರು ಮಕ್ಕಳಿಗೆ ಸರಿಯಾದ ಹೆಸರನ್ನಿಡಲು ಕಷ್ಟಪಡುತ್ತಾರೆ. ಇನ್ನು ಕೆಲವೊಮ್ಮೆ ಮಕ್ಕಳಿಗೆ ಇಟ್ಟ ಹೆಸರಿಂದ ಕಾಂಟ್ರವರ್ಸಿಯಾದ ಘಟನೆಯು ಇದೆ. ಸೈಫ್ ಅಲಿ ಖಾನ್ ಮಗ ತೈಮೂರ್ ಹೆಸರೊಮ್ಮೆ ಇದೇ ಜಂಜಾಟದಲ್ಲಿ ಸಿಲುಕಿತ್ತು ಎಂಬುದು ನೆನಪಿಡಬೇಕಾದ ಸಂಗತಿ.

ಅದೇನೆ ಇರಲಿ ಇಲ್ಲೊಂದು ಬಾಲಕನ ಹೆಸರೀಗ ಸುದ್ದಿಯಲ್ಲಿದೆ. ತಂದೆಯೊಬ್ಬ ತನ್ನ ಮಗನಿಗೆ ಇಟ್ಟ ಹೆಸರು ವಿಚಿತ್ರವಾಗಿದ್ದು, ವೈರಲ್ ಆಗಿದೆ. ಅಷ್ಟಕ್ಕೆ ಆ ಬಾಲಕನ ಹೆಸರೇನು ಗೊತ್ತಾ? Abcdef-ghijk-Zuzu!

ತಮಾಷೆ ಅನಿಸಿದರು ಈ ಘಟನೆ ನಡೆದಿದ್ದು ಮಾತ್ರ ನಿಜ. ಇಂಡೋನೇಷ್ಯಾದಲ್ಲಿ ಜುಲ್ಫಹ್ಮಿ  ಎಂಬಾತ ತನ್ನ ಸುಪುತ್ರನಿಗೆ  Abcdef-ghijk-Zuzu ಎಂದು ಹೆಸರಿಟ್ಟಿದ್ದಾರೆ. ದಕ್ಷಿಣಾ ಪ್ರಾಂತ್ಯದ ಮುವಾರಾ ಎನಿನ್​ನಲ್ಲಿ ಕೊರೋನಾ ವೈರಸ್ ಲಸಿಕೆ ಪಡೆಯಲು ಹೋದ ಸಂದರ್ಭದಲ್ಲಿ ಹೀಗೊಂದು ಹೆಸರಿರುವ ಬಾಲಕನ ಹೆಸರು ಬೆಳಕಿಗೆ ಬಂದಿದೆ.

ಸದ್ಯ ಕುತೂಹಲವಿರುವ ಸಂಗತಿಯೆಂದರೆ ಬಾಲಕನಿಗೆ ಇಟ್ಟಿರುವ ಹೆಸರು ಮತ್ತು ಅದರ ಅರ್ಥವೇನು ಎಂಬುದು ಗೊತ್ತಾಗಬೇಕಿದೆ. ಇಂಗ್ಲಿಷ್​ ಅಕ್ಷರ ಮಾಲೆಯನ್ನೇ ಬಾಲಕ ಹೆಸರನ್ನಿಟ್ಟಿರುವುದು ವಿಚಿತ್ರವಲ್ಲದೆ ಮತ್ತೇನು..?