Kyra: ಈಕೆಯ ಸೌಂದರ್ಯಕ್ಕೆ ಸೋತು, ಇನ್​ಸ್ಟಾದಲ್ಲಿ ಫಾಲೋ ಮಾಡೋ ಹುಡುಗರೇ ಕೇಳಿ! ರಿಯಲ್ ಕಥೆ ಬೇರೇಯೇ ಇದೆ

21 ವರ್ಷದ ಕೈರಾ ಇನ್​​ಸ್ಟಾಗ್ರಾಂನಲ್ಲಿ 99 ಸಾವಿರಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾಳೆ. ಕೈರಾ ಖಾತೆಯಲ್ಲಿ ಹೆಚ್ಚಿನ ಅನುಯಾಯಿಗಳು ಪುರುಷರೇ ಆಗಿದ್ದಾರೆ. ಆದರೆ ಬಹುತೇಕರಿಗೆ ಕೈರಾ ನಿಜವಾಗಿ ಮಹಿಳೆ ಅಲ್ಲ ಎಂಬುದು ತಿಳಿದಿಲ್ಲ. ಈ ವಿಚಾರ ಗೊತ್ತಿಲ್ಲದೆ ಆಕೆಯೊಂದಿಗೆ ಅನೇಕರು ಚಾಟ್​​ ಮಾಡಲು ಪ್ರಯತ್ನಿಸುತ್ತಿದ್ದಾರೆ.

ಇದನ್ನು ಟಾಪ್ ಸೋಶಿಯಲ್ ಇಂಡಿಯಾ ಹೆಸರಿನ ಕಂಪನಿಯು ರಚಿಸಿದೆ ಮತ್ತು ಭಾರತದ ಮೊದಲ ಮೆಟಾ ಪ್ರಭಾವಶಾಲಿ ಎಂದು ವಿವರಿಸಲಾಗಿದೆ. ಇದು ಮೆಟಾವರ್ಸ್ ಪ್ರಪಂಚಕ್ಕಾಗಿ ಮಾಡಲ್ಪಟ್ಟಿದೆ. ಕೈರಾ ತನ್ನ ಇನ್​ಸ್ಟಾಗ್ರಾಂ ಖಾತೆಯನ್ನು ಪ್ರಾರಂಭಿಸಿದ ತಕ್ಷಣ, 3 ತಿಂಗಳಲ್ಲಿ 50 ಸಾವಿರ ಅನುಯಾಯಿಗಳು ಹೆಚ್ಚಾದರು. ಶೀಘ್ರದಲ್ಲೇ ಕೈರಾ ಖಾತೆಯಲ್ಲಿ ಒಂದು ಲಕ್ಷ ಹಿಂಬಾಲಕರು ಕಾಣಿಸಿಕೊಳ್ಳಲಿದ್ದಾರೆ.

ಕೈರಾ ಅವರ ಚಿತ್ರಗಳು ಮತ್ತು ಅವರ ರೀಲ್​​ಗಳನ್ನು ಜನರು ತುಂಬಾ ಇಷ್ಟಪಡುತ್ತಾರೆ. ಇನ್​​ಸ್ಟಾಗ್ರಾಂ ಬಳಕೆದಾರರು ಕೈರಾ ನಿಜವಾದ ವ್ಯಕ್ತಿ ಎಂದು ಪರಿಗಣಿಸಿದ್ದಾರೆ. ಆದರೆ ಅನೇಕ ಜನರಿಗೆ ಕೈರಾ ಎಂಬುದು ನಿಜ ವ್ಯಕ್ತಿ ಅಲ್ಲ ಎಂಬುದು ತಿಳಿದಿಲ್ಲ. ಮಾತ್ರವಲ್ಲದೆ ಆಕೆಯ ಖಾತೆಯನ್ನು ತಂಡವೊಂದು ನಿರ್ವಹಿಸುತ್ತಿದೆ ಎಂಬುದು ಗೊತ್ತಿಲ್ಲ..

ಇನ್​​ಸ್ಟಾಂ ಪ್ರೊಫೈಲ್ ಪ್ರಕಾರ, ಕೈರಾ ಕಾರೆಕ್ಟರ್​ ಅನ್ನು ಕನಸಿನ ಬೆಂಬತ್ತಿ, ಮಾಡೆಲ್ ಮತ್ತು ಪ್ರಯಾಣಿಕ ಎಂದು ವಿವರಿಸಲಾಗಿದೆ. ಟಾಪ್ ಸೋಶಿಯಲ್ ಇಂಡಿಯಾದ ಬಿಸಿನೆಸ್ ಹೆಡ್ ಹಿಮಾಂಶು ಗೋಯಲ್ ಅವರು ಡಿಸೆಂಬರ್ 2021 ರಲ್ಲಿ ಕೈರಾವನ್ನು ಪರಿಚಯಿಸಿದರು ಮತ್ತು ಅವರ ಅಧಿಕೃತ ಜನ್ಮ ದಿನಾಂಕ ಜನವರಿ 28, 2022 ಆಗಿದೆ.

ಖಾಸಗಿ ಪತ್ರಿಕೆಯೊಂದಿಗೆ ಮಾತನಾಡಿದ ಅವರು, ಪ್ರಸ್ತುತ ಕೈರಾ ಅವರ ಖಾತೆಯನ್ನು ತಂಡವು ನಿರ್ವಹಿಸುತ್ತಿದೆ, ಆದರೆ ಶೀಘ್ರದಲ್ಲೇ ಕೈರಾ ಅವರ ಪ್ರವೃತ್ತಿಗೆ ಅನುಗುಣವಾಗಿ ತನ್ನದೇ ಆದ ವಿಷಯವನ್ನು ಮಾಡಲು ಪ್ರಯತ್ನಿಸಲಾಗುವುದು ಎಂದು ಹೇಳಿದರು. ಆದರೆ, ಕೈರಾ ಅವರ ಪ್ರೊಫೈಲ್​ನಲ್ಲಿ ಕಂಪನಿಯ ಹೆಸರನ್ನು ಎಲ್ಲಿಯೂ ಸೇರಿಸಲಾಗಿಲ್ಲ.

ಕೈರಾವನ್ನು ಮೆಟಾವರ್ಸ್ ಮಾಡೆಲ್ ಆಗಿ ಬಿಂಬಿಸಲಾಗುತ್ತಿದೆ. ತಂತ್ರಜ್ಞಾನ, ಜೀವನಶೈಲಿ ಮತ್ತು ಫ್ಯಾಷನ್ ಕ್ಷೇತ್ರದಲ್ಲಿ ಇದನ್ನು ಉತ್ತೇಜಿಸಲಾಗುವುದು. ವರ್ಚುವಲ್ ಪ್ರಭಾವಿಗಳ ಜಾಗತಿಕ ಸಮುದಾಯದ ಭಾಗವಾಗಲು, ಕೈರಾ ಮೆಟಾವರ್ಸ್ ಫ್ಯಾಶನ್ ವೀಕ್​ನ ಭಾಗವಾಗಿದೆ. (ಎಲ್ಲಾ ಫೋಟೋಗಳ ಕ್ರೆಡಿಟ್- Instagram/@kyraonig)