Dinosaurs: ಭಾರತದ ಈ ಪ್ರದೇಶದಲ್ಲಿ ಸಿಕ್ಕೇ ಬಿಡ್ತು 256 ಡೈನೋಸಾರ್‌ ಮೊಟ್ಟೆಗಳು! ಅಧ್ಯಯನ ಏನು ಹೇಳುತ್ತೆ?

ಡೈನೋಸಾರಸ್​ ಅಂತ ಹೆಸ್ರು ಕೇಳ್ತಾನೇ ಒಂದು ರೀತಿಯಾಗಿ ಭಯ ಆಗುತ್ತೆ ಅಲ್ವಾ? ಕೇವಲ TV, ಸಿನಿಮಾಗಳಲ್ಲಿ, ಚಿತ್ರಗಳಲ್ಲಿ ನೋಡಿ ಗೊತ್ತೇ ಹೊರತು, ಎದುರುಗಡೆಯಿಂದ ನೋಡಿಲ್ಲ. ಆದರೂ ಕೂಡ ಈ ಹೆಸರು ಕೇಳಿದಾಗ ಒಂದು ರೀತಿಯಾಗಿ ಭಯವಾಗುತ್ತದೆ.

ಇದೀಗ ಡೈನೋಸಾರಸ್​ಗೆ ಸಂಬಂಧಪಟ್ಟ ಒಂದು ವಿಷಯ ಹೊರ ಬಿದ್ದಿದೆ. ಸರಿಸುಮಾರು 150 ಮಿಲಿಯನ್‌ ವರ್ಷಗಳ ಹಿಂದೆ ಟ್ರಿಯಾಶಿಕ್‌ ಎಂಬ ಯುಗದಲ್ಲಿ ಡೈನೋಸಾರ್‌ಗಳು ಭೂಮಿಯ ಮೇಲೆ ಬದುಕಿದ್ದವು ಎನ್ನಲಾಗುತ್ತದೆ.

ಇದಕ್ಕೆ ಸಾಕ್ಷಿ ಎಂಬಂತೆ, ಮಧ್ಯ ಪ್ರದೇಶದ ನರ್ಮದಾ ಕಣಿವೆಯಲ್ಲಿ ಡೈನೋಸಾರ್‌ಗಳ ಮೊಟ್ಟೆಗಳು ಸಿಕ್ಕಿದ್ಯಂತೆ. ಇದೊಂದು ಸಂಶೋಧನೆಯಾಗಿದ್ದು, ಪ್ರಪಂಚದ ಜನರನ್ನು ಮತ್ತೆ ಡೈನೋಸಾರ್‌ ಸಂತತಿಗಳ ಬಗ್ಗೆ ತಿಳಿಯಲು ಸಾಧ್ಯ ಮಾಡಿಕೊಟ್ಟಿದೆ ಎಂದೇ ಹೇಳಬಹುದು.

ನರ್ಮದಾ ಕಣಿವೆಯ ಭಾಗವಾದ ಧಾರ್ ಜಿಲ್ಲೆಯ ಪ್ಯಾಲಿಯಂಟಾಲಜಿಸ್ಟ್‌ಗಳ ತಂಡವು 92 ಡೈನೋಸಾರ್‌ ಗೂಡುಗಳನ್ನು ಕಂಡು ಹಿಡಿದಿದ್ದಾರೆ. ಜೊತೆಗೆ, ಸಸ್ಯಾಹಾರಿ ಟೈಟಾನೋಸಾರ್‌ಗಳ 256 ಮೊಟ್ಟೆಗಳನ್ನು ಕೂಡ ಕಂಡು ಹಿಡಿಯಲಾಗಿದೆ. ಮೊಟ್ಟೆಗಳು ಪಳೆಯುಳಿಕೆಯ ಸ್ಥಿತಿಯಲ್ಲಿದೆ ಎಂಬುದು ನಡೆಸಿದ ಅಧ್ಯಯನದಲ್ಲಿ ತಿಳಿದು ಬಂದಿದೆ.

ಪ್ರಾಗ್ಜೀವಶಾಸ್ತ್ರಜ್ಞರ ತಂಡವು ಧಾರ್‌ ಜಿಲ್ಲೆಯ ಬಾಗ್‌ ಮತ್ತು ಕುಕ್ಷಿ ಪ್ರದೇಶಗಳಲ್ಲಿರುವ ಅನೇಕ ಗ್ರಾಮಗಳಲ್ಲಿ 2017 ರಿಂದ 2020 ರವರೆಗೆ ಅಧ್ಯಯನ ನಡೆಸಿತ್ತು. ಜೊತೆಗೆ ಹರ್ಷ ಧೀಮಾನ್, ವಿಶಾಲ್ ವರ್ಮಾ, ಜಿ ವಿ ಆರ್ ಪ್ರಸಾದ್ ಮತ್ತು ಇತರರು ಅವರ ಸಂಶೋಧನೆಯ ಕುರಿತಾದ ಲೇಖನವು ಇತ್ತೀಚೆಗೆ ಪ್ರಕಟಿಸಲಾಯಿತು. ಈ ಧಾರ್ ಜಿಲ್ಲೆಯ ಹಳ್ಳಿಗಳಲ್ಲಿ ನೋಡಬಹುದಾದ ಗೂಡುಗಳು ಹಾಗು ಮೊಟ್ಟೆಗಳು ಸುಮಾರು 66 ಮಿಲಿಯನ್‌ ವರ್ಷಗಳಷ್ಟು ಹಿಂದಿನವು ಎಂದು ಹೇಳಲಾಗಿದೆ. ಈ ಅಧ್ಯಯನವು ಸುಮಾರು 3 ವರ್ಷಗಳದ್ದು ಎಂಬುದು ಇನ್ನೊಂದು ಆಶ್ಚರ್ಯಕರ ಸಂಗತಿ.

ಇದರ ಗೂಡುಗಳಲ್ಲಿ  15 ಸೆಂ ಮತ್ತು 17 ಸೆಂ.ಮೀ ವ್ಯಾಸದ ನಡುವಿನ ಮೊಟ್ಟೆಗಳು ಇತ್ತು. ಪ್ರತೀ ಗೂಡು ಒಂದರಿಂದ 20 ಮೊಟ್ಟೆಗಳನ್ನು ಹೊಂದಿರುತ್ತದೆ ಎಂದು ಧೀಮಾನ್ ಹೇಳಿದ್ದಾರೆ.

ಇಲ್ಲಿ ಕಂಡುಬಂದ ಹಲವಾರು ಮೊಟ್ಟೆಗಳು ಈಗಾಗಲೇ ಬಿರುಕು ಬಿಟ್ಟಿವೆ ಮತ್ತು ಒಡೆದಿವೆಯಂತೆ. ಇಲ್ಲಿ ಕಂಡು ಈ ಬಗ್ಗೆ ಹೆಚ್ಚಿನ ಸಂಶೋಧನೆಗಾಗಿ ಮೈಕ್ರೋ ಸಿಟಿ ಸ್ಕ್ಯಾನ್‌ ಮಾಡಬೇಕಾಗಿದೆ ಎಂದು ಸಂಶೋಧಕ ಧಿಮಾನ್‌ ಸೂಚಿಸಿದ್ದಾರೆ.

ಹೀಗಾಗಿ ನಾವು ನೋಡದೇ ಇರುವಂತಹ ಡೈನೋಸಾರಸ್​ ಮತ್ತೆ ಪ್ರಪಂಚಕ್ಕೆ ಬಂದ್ರೂ ಆಶ್ಚರ್ಯವೇನಿಲ್ಲ ಅಂತಾರೆ ಸಂಶೋಧಕರು. ಹೊಸ ಆವಿಷ್ಕಾರದೊಂದಿಗೆ ಹೊಸ ಸುದ್ದಿ ದೊರೆತಿದೆ.