Indian Culture: ದೇಶದ ಈ ಹಳ್ಳಿಯಲ್ಲಿ ಮಹಿಳೆಯರು ಬಟ್ಟೆನೇ ಧರಿಸಲ್ವಂತೆ!

ಪ್ರಪಂಚದಲ್ಲಿ ಹಲವು ಸಂಪ್ರದಾಯಗಳಿದ್ದು, ಅವುಗಳ ಬಗ್ಗೆ ಚರ್ಚೆ, ಟೀಕೆಗಳು ನಡೆಯುತ್ತಿರುತ್ತವೆ. ಕೆಲವು ಸ್ಥಳಗಳಲ್ಲಿ, ಸಾಮಾನ್ಯ ಜೀವನದಲ್ಲಿ ಮಹಿಳೆಯರು ಅಥವಾ ಪುರುಷರಿಗಾಗಿ ರಚಿಸಲಾದ ಅನೇಕ ಸಂಪ್ರದಾಯಗಳು  ಪ್ರಪಂಚದಲ್ಲಿ ಇಂದಿಗೂ ರೂಢಿಯಲ್ಲಿದೆ. ಇದೇ ರೀತಿ ಭಾರತದ ಒಂದು ಹಳ್ಳಿಯೂ ಸಹ ಮಹಿಳೆ ಮತ್ತು ಪುರುಷರಿಗೆ ವಿಚಿತ್ರವಾದ ಸಂಪ್ರದಾಯವನ್ನು ಹೊಂದಿದೆ.

ಹಿಮಾಚಲ ಪ್ರದೇಶದ ಮಣಿಕರ್ಣ ಕಣಿವೆಯ ಪಿನಿ ಗ್ರಾಮದಲ್ಲಿ ಶತಮಾನಗಳ ಹಳೆಯ ಸಂಪ್ರದಾಯವನ್ನು ಅನುಸರಿಸಿಕೊಂಡು ಮಹಿಳೆಯರು ಇಂದಿಗೂ ಬಟ್ಟೆ ಧರಿಸುವುದಿಲ್ಲ. ಅದೇ ಸಮಯದಲ್ಲಿ, ಈ ಗ್ರಾಮವು ಪುರುಷರಿಗೆ ಸಹ ಕಟ್ಟುನಿಟ್ಟಾದ ಸಂಪ್ರದಾಯವನ್ನು ಹೊಂದಿದೆ. ಅದನ್ನು ಅವರು ಅನುಸರಿಸಲೇಬೇಕು. ಸಂಪ್ರದಾಯದ ಪ್ರಕಾರ, ವರ್ಷದಲ್ಲಿ 5 ದಿನಗಳು ಮಹಿಳೆಯರು ಯಾವುದೇ ಬಟ್ಟೆಯನ್ನು ಧರಿಸುವುದಿಲ್ಲ. ಹಾಗೇ ಪುರುಷರು ಸಹ ಆಲ್ಕೋಹಾಲ್ ಕುಡಿಯುವಂತಿಲ್ಲ.

ಪಿನಿ ಗ್ರಾಮವು ಈ ಸಂಪ್ರದಾಯದ ಕುತೂಹಲಕಾರಿ ಇತಿಹಾಸವನ್ನು ಹೊಂದಿದೆ. ಆದರೆ, ಈಗ ಈ ವಿಶೇಷ 5 ದಿನಗಳಲ್ಲಿ ಹೆಚ್ಚಿನ ಮಹಿಳೆಯರು ಮನೆಯಿಂದ ಹೊರಗೆ ಕಾಲಿಡುವುದಿಲ್ಲ. ಆದರೆ, ಇನ್ನೂ ಕೆಲವು ಮಹಿಳೆಯರು ತಮ್ಮದೇ ಆದ ಈ ಸಂಪ್ರದಾಯವನ್ನು ಅನುಸರಿಸುತ್ತಾರೆ.

ಪ್ರತಿ ವರ್ಷ ಪಿನಿ ಗ್ರಾಮದ ಮಹಿಳೆಯರು ಶ್ರಾವಣ ಮಾಸದಲ್ಲಿ 5 ದಿನ ಬಟ್ಟೆ ಧರಿಸುವುದಿಲ್ಲ. ಈ ಸಂಪ್ರದಾಯವನ್ನು ಅನುಸರಿಸದ ಮಹಿಳೆ ಕೆಲವೇ ದಿನಗಳಲ್ಲಿ ಕೆಟ್ಟ ಸುದ್ದಿ ಕೇಳುತ್ತಾರೆ ಎಂದು ಹೇಳಲಾಗುತ್ತದೆ. ಈ ಮಧ್ಯೆ, ಇಡೀ ಗ್ರಾಮದಲ್ಲಿ ಗಂಡ ಮತ್ತು ಹೆಂಡತಿ ಪರಸ್ಪರ ಮಾತನಾಡುವುದಿಲ್ಲ. ಈ ಅವಧಿಯಲ್ಲಿ ಗಂಡ ಮತ್ತು ಹೆಂಡತಿ ಪರಸ್ಪರ ಸಂಪೂರ್ಣವಾಗಿ ದೂರವಿರುತ್ತಾರೆ.

ಪುರುಷರ ಸಂಪ್ರದಾಯ: ಪುರುಷರು ಈ ಸಂಪ್ರದಾಯವನ್ನು ಅನುಸರಿಸುವುದು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಈ ಸಂಪ್ರದಾಯದ ನಿಯಮಗಳು ಪುರುಷರಿಗೆ ಸ್ವಲ್ಪ ವಿಭಿನ್ನವಾಗಿವೆ. ಶ್ರಾವಣದ ಈ ಐದು ದಿನಗಳಲ್ಲಿ ಪುರುಷರು ಮದ್ಯ ಮತ್ತು ಮಾಂಸವನ್ನು ತಿನ್ನುವಂತಿಲ್ಲ. ಒಂದು ವೇಳೆ ಇದನ್ನು ಅನುಸರಿಸದಿದ್ದರೆ ದೇವರು ಕೋಪಗೊಂಡು ಏನಾದರು ಸಮಸ್ಯೆ ನೀಡುತ್ತಾರೆ ಎಂಬ ನಂಬಿಕೆಯಿದೆ.

ಸಂಪ್ರದಾಯದ ಹಿಂದಿನ ಕಥೆ ಏನು?: ಪಿನಿ ಗ್ರಾಮವು ಒಮ್ಮೆ ರಾಕ್ಷಸರಿಂದ ಭಯಭೀತವಾಗಿತ್ತು ಎಂದು ಹೇಳಲಾಗುತ್ತದೆ. ಇದಾದ ನಂತರ 'ಲಹುವಾ ಘೋಂಡ್' ಎಂಬ ದೇವತೆ ಪಿನಿ ಗ್ರಾಮಕ್ಕೆ ಬಂದಿತು. ದೇವತೆಯು ರಾಕ್ಷಸನನ್ನು ಕೊಂದು ಪಿನಿ ಗ್ರಾಮವನ್ನು ರಾಕ್ಷಸರ ಭಯದಿಂದ ರಕ್ಷಿಸಿದರು. ಅಲ್ಲದೆ ಈ ಎಲ್ಲಾ ರಾಕ್ಷಸರು ಹಳ್ಳಿಯ ವಿವಾಹಿತ ಮಹಿಳೆಯರಿಗೆ ಸುಂದರವಾದ ಬಟ್ಟೆಗಳನ್ನು ನೀಡುತ್ತಿದ್ದರಂತೆ. ಇದನ್ನೆಲ್ಲಾ ತಡೆದು ದೇವತೆಗಳು ಅಸುರರನ್ನು ಸಂಹರಿಸಿ ಮಹಿಳೆಯರನ್ನು ರಕ್ಷಿಸಿದರು.

ಅಂದಿನಿಂದ ಮಹಿಳೆಯರು 5 ದಿನಗಳವರೆಗೆ ಉಡುಪುಗಳನ್ನು ಧರಿಸದೇ ಇರುವ ಸಂಪ್ರದಾಯವಿದೆ. ಒಂದು ವೇಳೆ ಬಟ್ಟೆಯಲ್ಲಿ ಸುಂದರವಾಗಿ ಕಾಣಿಸಿಕೊಂಡರೆ, ರಾಕ್ಷಕರು, ದೆವ್ವಗಳು ಅವರನ್ನು ಒಯ್ಯುತ್ತವೆ ಎಂದು ಇಲ್ಲಿ ನಂಬಲಾಗಿದೆ. ಅದಕ್ಕಾಗಿ ಈ ಸಂಪ್ರದಾಯವನ್ನು ಮಾಡಿದ್ದಾರೆ.

ಗಂಡ-ಹೆಂಡತಿ ನಗುವಿನ ಮೇಲೂ ನಿಷೇಧ: ಶ್ರಾವಣದ ಈ ಐದು ದಿನಗಳಲ್ಲಿ ಗಂಡ ಹೆಂಡತಿ ಒಬ್ಬರನ್ನೊಬ್ಬರು ನೋಡಿ ಮುಗುಳ್ನಗಲೂ ಸಾಧ್ಯವಿಲ್ಲ. ಈ ಸಮಯದಲ್ಲಿ ಮಹಿಳೆಯರಿಗೆ ಒಂದು ಉಡುಪನ್ನು ಮಾತ್ರ ಧರಿಸಲು ಅವಕಾಶವಿದೆ. ಈ ಸಂಪ್ರದಾಯವನ್ನು ಅನುಸರಿಸುವ ಪಿನಿ ಹಳ್ಳಿಯ ಮಹಿಳೆಯರು ಉಣ್ಣೆಯಿಂದ ಮಾಡಿದ ಪಾಟ್ಕಾವನ್ನು ಬಳಸಬಹುದು. ಈ ಅವಧಿಯಲ್ಲಿ ಪಿನಿ ಗ್ರಾಮದ ಜನರು ಹೊರಗಿನವರನ್ನು ಗ್ರಾಮಕ್ಕೆ ಪ್ರವೇಶಿಸಲು ಬಿಡುವುದಿಲ್ಲ. ಅಲ್ಲದೆ ಅವರ ಈ ವಿಶೇಷ ಹಬ್ಬದಲ್ಲಿ ಹೊರಗಿನವರು ಭಾಗವಹಿಸುವಂತಿಲ್ಲ.