Weird News: ಈ ದಂಪತಿ ಬಟ್ಟೆ ಹಾಕದೇ ಬೆತ್ತಲೆಯಾಗಿ ಟ್ರಿಪ್‌ಗೆ ಹೋಗ್ತಾರೆ! ವಿಚಿತ್ರವಾದರೂ 'ನಗ್ನ'ಸತ್ಯವಿದು!

ಹಲವಾರು ಜನರಿಗೆ ಟ್ರಿಪ್​ ಹೋಗುವಂತ ಕ್ರೇಜ್​ ಇರುತ್ತೆ. ಮಳೆಯೇ ಇರಲಿ ಬಿಸಿಲೇ ಇರಲಿ ಒಟ್ಟಿನಲ್ಲಿ ಸುತ್ತಾಡಬೇಕು ಅಂತ ಆಸೆಯನ್ನು ಇಟ್ಟುಕೊಂಡಿರುತ್ತಾರೆ.

ಹಾಗೆಯೇ ಇಲ್ಲಿ ಒಂದು ದಂಪತಿ ಇದ್ದಾರೆ. ಇವರಿಗೂ ಟ್ರಿಪ್​ ಹೋಗೋದು ಅಂದ್ರೆ ಸಖತ್​ ಕ್ರೇಜ್​ ಅಂತೆ. ಇವ್ರು ಕೇವಲ ಟ್ರಿಪ್​ ಹೋಗಿ, ಮೋಜು ಮಾಡಿಕೊಂಡು ಬಂದಿದ್ರೆ ಬಹುಶಃ ಸುದ್ಧಿ ಆಗ್ತಾ ಇರಲಿಲ್ಲ.

ಟ್ರಿಪ್​ ಹೋದಾಗ ಇವರಿಬ್ಬರೂ ಬಟ್ಟೆಯನ್ನೇ ಹಾಕೋದಿಲ್ವಂತೆ. ನಿಮಗೆ ಇದು ವಿಚಿತ್ರ ಅಂತ ಅನಿಸಿದ್ರೂ ಕೂಡ ನಿಜ. ಆದರೆ ಇದರ ಹಿಂದೆ ಇದೆ ಒಂದು ಕಥೆ.

ಇವರ ಹೆಸರು ಫಿಯೋನಾ ಮತ್ತು ಅವರ ಪತಿ ಮೈಕೆಲ್ ಡಿಸ್ಕಾಮ್. ದಂಪತಿಗೆ ಪ್ರವಾಸ ಒಂದು ರೀತಿಯ ಫ್ಯಾಷನ್ (Fashion). ಇದಕ್ಕೆ ಅವರು ಹಣ ಖರ್ಚು ಮಾಡಲು ಹಿಂದೆ ಮುಂದೆ ನೋಡೋದಿಲ್ಲ. ಈವರೆಗೆ ಪ್ರವಾಸಕ್ಕೆಂದೇ ಈ ದಂಪದತಿ 19000 ಡಾಲರ್ ಅಂದ್ರೆ ಸುಮಾರು 15 ಲಕ್ಷ ರೂಪಾಯಿ ಖರ್ಚು ಮಾಡಿದ್ದಾರೆ. ಫಿಯೋನಾ ಮತ್ತು ಮೈಕಲ್ ಗೆ ಸುಮಾರು 50 ವರ್ಷ ವಯಸ್ಸಾಗಿದೆ.

ಟ್ರಿಪ್​ಗೆ ಹೋಗೋದಾದ್ರೆ ಜಾಸ್ತಿ ಬ್ಯಾಗ್​ ಬೇಡ್ವಂತೆ. ಫಿಯೋನಾ ಮತ್ತು ಮೈಕೆಲ್ ಹನಿಮೂನ್ ಗೆ ಗ್ರೀಸ್ ಗೆ ಹೋಗಿದ್ದರಂತೆ. ಅಲ್ಲಿ ಒಂದು ದಂಪತಿ ನಗ್ನ ಸ್ಥಿತಿಯಲ್ಲಿರೋದನ್ನು ಫಿಯೋನಾ ಮತ್ತು ಮೈಕೆಲ್ ನೋಡಿದ್ದಾರೆ. ಆ ದಂಪತಿ ನೋಡಿ ಇವರಿಗೆ ಮೊದಲು ಆಘಾತವಾಗಿದೆ. ನಂತ್ರ ಫಿಯೋನಾ ಮತ್ತು ಮೈಕೆಲ್ ಕೂಡ ನಗ್ನವಾಗಿ ಓಡಾಡುವ ನಿರ್ಧಾರಕ್ಕೆ ಬಂದಿದ್ದಾರೆ.

ಅಂದು ಅವರು ಮೊದಲ ಬಾರಿಗೆ ಸಮುದ್ರದ ಹತ್ತಿರ ಇಬ್ಬರೂ ಬಟ್ಟೆ ಇಲ್ಲದೇ ಓಡಾಡಿದ್ದಾರೆ. ಸಂಪೂರ್ಣ ಸ್ವಾತಂತ್ರ್ಯ ಸಿಕ್ಕಂತೆ ಭಾಸವಾಗಿದೆ. ಆ ನಂತ್ರ ಫಿಯೋನಾ ಮತ್ತು ಮೈಕೆಲ್ ನಗ್ನವಾಗಿ ಸುತ್ತಾಡುವ ನಿರ್ಧಾರಕ್ಕೆ ಬಂದರು. ಅಲ್ಲಿಂದ ಇಲ್ಲಿಯವರೆಗೂ ಈ ದಂಪತಿ ಬಟ್ಟೆಯಿಲ್ಲದೆ ಸುತ್ತಾಡೋದನ್ನು ರೂಢಿಸಿಕೊಂಡಿದ್ದಾರೆ.

ಫಿಯೋನಾ ಮತ್ತು ಮೈಕೆಲ್​ನ ಇನ್ಸ್ಟಾಗ್ರಾ ಖಾತೆ ಕೂಡ ಹೊಂದಿದ್ದಾರೆ. ಹಾಗೆಯೇ ಬಟ್ಟೆ ಇಲ್ಲದೇ ಓಡಾಡೋದನ್ನು ಹೇಳಿಕೊಳ್ಳಲು ಒಂದು ವೆಬ್​ಸೈಟ್​ ಕೂಡ ಆರಂಭಿಸಿದ್ದಾರೆ.