Prawns Recipe: ಘಮ್ ಅಂತ್ ಈ ಚಟ್ಲಿ ರೋಸ್ಟ್, ಒಂದು ಸಲ ತಿಂದ್ ಕಾಣಿ, ನ್ಯಾಲ್ಗಿ ಮೇಲೆ ಇರ್ತ್ ರುಚಿ!

ನಮ್ಮಲ್ಲಿ ಅದೆಷ್ಟೋ ಜನರು ಫುಡ್ಡಿಸ್​ ಇರ್ತಾರೆ. ಅದ್ರಲ್ಲೂ ಮನೆಯುಲ್ಲಿಯೇ ನಾನಾರೀತಿ ತಿಂಡಿ ತಿನುಸುಗಳನ್ನು ಮಾಡಿಕೊಂಡು ತಿನ್ನುವ ಆಸೆ ಅದೆಷ್ಟೋ ಜನರು ಇರ್ತಾರೆ. ಹಾಗಾದ್ರೆ ನಿಮಗೆ ಕುಂದಾಪುರ ಸ್ಟೈಲ್​ನಲ್ಲಿ ​ ಚಟ್ಲಿ ಗೀ ರೋಸ್ಟ್​ ಮಾಡೋಕೆ ಬರುತ್ತಾ? ಬನ್ನಿ ತಿಳಿಯೋಣ.

ಇದಕ್ಕೆ ಬೇಕಾಗುವ ಸಾಮಾಗ್ರಿಗಳು: ಚಟ್ಲಿ, ಅರಿಶಿಣ ಪುಡಿ, ತುಪ್ಪ, ಕೆಂಪು ಮೆಣಸಿನಕಾಯಿ, ಕೊತ್ತಂಬರಿ ಬೀಜ, ಲವಂಗ, ಜೀರಿಗೆ, ಹುಣಸೆ ರಸೆ, ಮೊಸರು, ಬೆಲ್ಲ, ಕರಿಬೇವಿನ ಎಲೆಗಳು, ಕರಿಮೆಣಸು.

ಮೊದಲಿಗೆ ನೀವು ಕೆಂಪು ಮೆಣಸಿನ ಕಾಯಿಯನ್ನು ಬಾಣಲೆಯಲ್ಲಿ ಚೆನ್ನಾಗಿ ಹುರಿದುಕೊಂಡಿರಬೇಕು. ಒಂದು ಪಾತ್ರೆಯಲ್ಲಿ ಮೊದಲಿಗೆ ಉಪ್ಪು, ಚಟ್ಲಿ ಹಾಗೇ ಅರಿಶಿಣ ಪುಡಿಯನ್ನು ಸೇರಿಸಿ ಮಿಶ್ರಣ ಮಾಡಿ.

ಬಾಣಲೆಗೆ ಕೊತ್ತಂಬರಿ ಬೀಜ, ಜೀರಿಗೆ, ಲವಂಗ ಮತ್ತು ಕರಿಮೆಣಸುಗಳನ್ನು ಚೆನ್ನಾಗಿ ಕಲ್ಲರ್​ ಮತ್ತು ಘಮ ಘಮ ವಾಸನೆ ಬರುವ ತನಕ ಹುರಿಯಬೇಕು.

ಮಿಕ್ಸಿಯಲ್ಲಿ ಎಲ್ಲಾ ಮಸಾಲೆಗಳನ್ನು ಹಾಕಿ ಮಿಶ್ರಣ ಮಾಡಬೇಕು. ಬೆಳ್ಳುಳ್ಳಿ, ಹುಣಸೆ ಹಣ್ಣಿನ ಪೇಸ್ಟ್​ ಮಾಡಿ ಕನಿಷ್ಠ ನೀರನ್ನು ಹಾಕಬೇಕು.

ಕಾವಲಿಗೆ ಸ್ವಲ್ಪ ತುಪ್ಪವನ್ನು ಹಾಕಬೇಕು. ಇದು ಬಿಸಿ ಆದಮೇಲೆ ರುಬ್ಬಿದ ಪೇಸ್ಟ್​ ಹಾಕಿ 3 ರಿಂದ 4 ನಿಮಿಷಗಳ ಕಾಲ ಮಿಶ್ರಣ ಮಾಡಬೇಕು.

ಇದಕ್ಕೆ ಮೊಸರನ್ನು ಬೆರೆಸಿ 1 ನಿಮಿಷ ಬಿಸಿ ಮಾಡಬೇಕು. ರುಚಿಗೆ ಬೇಕಾದಷ್ಟು ಉಪ್ಪನ್ನು ಹಾಕಿ. ಎಲ್ಲವನ್ನು ಮಿಶ್ರಣ ಮಾಡಬೇಕು. ಯಾಕೆಂದರೆ ರುಚಿಯು ಮಾಂಸಕ್ಕೆ ಹೀರಿಕೊಳ್ಳಬೇಕು.

ಮ್ಯಾರಿನೇಟೆಡ್​ ಚಟ್ಲಿಯನ್ನು ಹಾಕಿ 4 ರಿಂದ 5 ನಿಮಿಷ ಬೇಯಿಸಬೇಕು. ಬೆಲ್ಲವನ್ನು ಹಾಕಿ 3 ನಿಮಿಷ ಕುದಿಸಬೇಕು. ಕರಿಬೇವಿನ ಎಲೆಗಳನ್ನು ಇದರ ಮೇಲೆ ಸಿಂಪಡಿಸಬೇಕು.ಇದೀಗ ಕುಂದಾಪುರ ಸ್ಟೈಲ್​ ಚಟ್ಲಿ ಘೀ ರೋಸ್ಟ್​ ರೆಡಿ.