ಇಲ್ಲಿದೆ Katrina Kaif ಒಟ್ಟು ಆಸ್ತಿ: ಒಂದು ಸಿನಿಮಾಗೆ ಪಡೆಯುವ ಸಂಭಾವನೆ ರಿವೀಲ್

ಕತ್ರಿನಾ ಕೈಫ್ ಪ್ರತಿಭಾನ್ವಿತ ನಟಿ ಮತ್ತು ದುಬಾರಿ ಸಂಭಾವನೆ ಪಡೆಯುವ ಕಲಾವಿದರಲ್ಲಿ ಒಬ್ಬರು. ವಿದೇಶದಿಂದ ಬಂಡ ಕೆಲವೇ ವರ್ಷಗಳಲ್ಲಿ ಬಾಲಿವುಡ್ ನಲ್ಲಿ ತಮ್ಮ ಜಾಗ ಭದ್ರಪಡಿಸಿಕೊಂಡರು. ಹಾಗಾಗಿ ಬಾಲಿವುಡ್ ನ ಬೇಡಿಕೆ ನಟಿಯಾಗಿದ್ದಾರೆ.

ಕತ್ರಿನಾ 2003ರಲ್ಲಿ ಬೂಮ್ ಚಿತ್ರದ ಮೂಲಕ ಎಂಟ್ರಿ ಪಡೆದುಕೊಂಡಿದ್ದರು. ಇದುವರೆಗೂ 40ಕ್ಕೂ ಅಧಿಕ ಸಿನಿಮಾಗಳಲ್ಲಿ ಕತ್ರಿನಾ ನಟಿಸಿದ್ದಾರೆ. ಲಂಡನ್ ನಿಂದ ಬಂದ ಕತ್ರಿನಾ ಅವರ ಆರಂಭದ ಸಿನಿ ಜರ್ನಿ ಸುಲಭವಾಗಿರಲಿಲ್ಲ. ತಮ್ಮ ಪರ್ಸನಾಲಿಟಿಯನ್ನು ಬದಲಿಸಿಕೊಂಡ ಕತ್ರಿನಾ ಕೆಲವೇ ವರ್ಷಗಳಲ್ಲಿ ಹಿಂದಿಯನ್ನು ಕಲಿತುಕೊಂಡರು.

ಈ ಎಲ್ಲದರ ಪರಿಶ್ರಮದಿಂದ ಕತ್ರಿನಾ ಇಂದಿನ ಒಟ್ಟು ಆಸ್ತಿಯ ಮೌಲ್ಯ 224 ಕೋಟಿ ರೂ. ಎಂದು ವರದಿಯಾಗಿದೆ. ಕೆಲ ವರದಿಗಳ ಪ್ರಕಾರ ಕತ್ರಿನಾ ಕೈಫ್ ಒಂದು ಸಿನಿಮಾಗೆ 11 ಕೋಟಿ ಪಡೆದುಕೊಳ್ಳುತ್ತಾರೆ. ಇನ್ನು ಜಾಹಿರಾತು ಮತ್ತು ಉತ್ಪನ್ನಗಳ ರಾಯಭಾರಿಯಾಗಲು 6-7 ಕೋಟಿ ರೂ. ಪಡೆಯುತ್ತಾರೆ ಅಂತೆ.

ಕತ್ರಿನಾ ಕೈಫ್ 224 ಕೋಟಿ ಆಸ್ತಿಯ ಒಡತಿಯಾದರೂ ಭಾರತದಲ್ಲಿ ಸ್ವಂತ ಮನೆಯನ್ನು ಹೊಂದಿಲ್ಲ. ಒಳ್ಳೆಯ ಸಿನಿಮಾಗಳ ಜೊತೆ ಉತ್ತಮ ಸಂಭಾವನೆ ಪಡೆಯುವ ಕತ್ರಿನಾ ಕೈಫ್ ಮುಂಬೈನ ಅಪಾರ್ಟ್​ ಮೆಂಟ್ ನಲ್ಲಿ ಬಾಡಿಗೆ ಮನೆಯಲ್ಲಿದ್ದಾರೆ.

ಇದುವರೆಗೂ ಬಾಲಿವುಡ್ ಕಿಲಾಡಿ ಅಕ್ಷಯ್ ಕುಮಾರ್ ಜೊತೆ ಕತ್ರಿನಾ ಕೈಫ್ ಹೆಚ್ಚು ಬಾರಿ ತೆರೆ ಹಂಚಿಕೊಂಡಿದ್ದಾರೆ. ಇತ್ತೀಚೆಗೆ ಬಿಡುಗಡೆಯಾದ ಸೂರ್ಯವಂಶಿ ಚಿತ್ರದಲ್ಲಿ ಈ ಜೋಡಿ 10 ವರ್ಷಗಳ ಬಳಿಕ ತೆರೆಯ ಮೇಲೆ ಒಂದಾಗಿತ್ತು.

ಕಳೆದ ಕೆಲ ದಿನಗಳಿಂದ ಕತ್ರಿನಾ ಕೈಫ್ ಮತ್ತು ಬಾಲಿವುಡ್ ನಟ ವಿಕ್ಕಿ ಕೌಶಲ್ ಜೊತೆ ಮದುವೆ ಆಗುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.ಮದುವೆ ಜೈಪುರದಲ್ಲಿ ನಡೆಯಲಿದೆಯಂತೆ. ಇಡೀ ಮದುವೆ ರಾಜಸ್ಥಾನಿ ಸಂಪ್ರದಾಯದಂತೆ ಮಾಡಿಕೊಳ್ಳಲು ಕತ್ರಿನಾ ಮತ್ತು ವಿಕ್ಕಿ ಕೌಶಲ್ ನಿರ್ಧರಿಸಿದ್ದಾರೆ ಎಂದು ವರದಿಯಾಗಿದೆ.