ಭುವನ ಸುಂದರಿ ಸ್ಪರ್ಧೆಯಲ್ಲಿ ಸ್ಪರ್ಧಿಸಲು ತೃತೀಯ ಲಿಂಗಿ ಏಂಜಲಾಗೆ ಅವಕಾಶ ಮಾಡಿಕೊಟ್ಟ ನಿಯಮ ಯಾವುದು ಗೊತ್ತಾ?

ಭುವನ ಸುಂದರಿ ಸ್ಪರ್ಧೆಯ 66 ವರ್ಷಗಳ ಇತಿಹಾಸದಲ್ಲೇ ಮೊದಲ ಬಾರಿಗೆ 2018ರ ಸ್ಪರ್ಧೆ ನೆನಪಿನಲ್ಲಿ ಉಳಿಯಲಿದೆ. ಅದಕ್ಕೆ ಕಾರಣ ಸ್ಪೇನ್​ನ ಮಿಸ್​ ಸ್ಪೇನ್​ ಏಂಜಲಾ ಪಾನ್ಸ್.​

ಈ ಸ್ಪರ್ಧೆ ಆರಂಭವಾದಾಗಿನಿಂದಲೂ ಯಾವ ತೃತೀಯ ಲಿಂಗಿಯೂ ಇದರಲ್ಲಿ ಭಾಗವಹಿಸಿಲ್ಲ. ಆದರೆ ಮೊದಲ ಬಾರಿಗೆ ಏಂಜಲಾ ಮಿಸ್​ ಸ್ಪೇನ್​ ಕಿರೀಟವನ್ನು ಮುಟಿಗೇರಿಸಿಕೊಂಡು ಈಗ ಭುವನ ಸುಂದರಿ ಪಟ್ಟದ ಸ್ಪರ್ಧಿಯಾಗಿದ್ದಾರೆ.

ಭುವನ ಸುಂದರಿ ಸ್ಪರ್ಧೆಯಲ್ಲಿದ್ದ ಒಂದು ನಿಯಮವನ್ನು 2012ರಲ್ಲಿ ತೆಗೆದುಹಾಕಲಾಯಿತು. ಅದು ಜನ್ಮತಹ ಹೆಣ್ಣಾಗಿ ಹುಟ್ಟಿದವರು ಮಾತ್ರ ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು ಎಂಬ ನಿಯಮ ಈ ಹಿಂದೆ ಇತ್ತು. ಆದರೆ ಅದು ಈಗಿಲ್ಲ. ಇದರಿಂದಾಗಿಯೇ ಈಗ ಏಜಂಲಾಗೆ ಅವಕಾಶ ಲಭಿಸಿದೆ.

27 ವರ್ಷದ ಏಂಜಲಾ ಸದ್ಯ ಸ್ಪೇನ್​ನಲ್ಲಿ ತೃತೀಯ ಲಿಂಗಿಗಳ ಕಲ್ಯಾಣಕ್ಕಾಗಿ ಕೆಲಸ ಮಾಡುತ್ತಿರುವ ಸ್ವಯಂ ಸೇವಕ ಸಂಘದೊಂದಿಗೆ ಕೆಲಸ ಮಾಡುತ್ತಿದ್ದಾರೆ.

ತಮ್ಮ ಬಗ್ಗೆ ಮಾತನಾಡುತ್ತಾ ಒಂದಲ್ಲ ಒಂದು ರೀತಿ ಹಾಗೂ ವಿಷಯದಲ್ಲಿ ಎಲ್ಲರೂ ತುಳಿತಕ್ಕೆ ಒಳಗಾಗಿ ತಾರತಮ್ಯಕ್ಕೆ ಒಳಗಾಗಿರುತ್ತಾರೆ ಎಂದಿದ್ದಾರೆ ಏಂಜಲಾ ಪಾನ್ಸ್​.