Gustave: 300 ಜನರನ್ನು ಕೊಂದು ತಿಂದಿತ್ತು ಈ ಭಯಾನಕ ಮೊಸಳೆ!

ಮೊಸಳೆ ಮಾಂಸಹಾರಿ ಪ್ರಾಣಿ ಎಂಬುದು ಎಲ್ಲರಿಗೂ ಗೊತ್ತಿದೆ. ಕಣ್ಣೆದುರು ಸಿಕ್ಕ ಪ್ರಾಣಿಯನ್ನು ತನ್ನ ಬಲವಾದ ಹಲ್ಲಿನ ಮೂಲಕ ಕಚ್ಚಿ ತಿಂದು ತೇಗಿ ಬಿಡುತ್ತದೆ. ಅದು ಮನುಷ್ಯರಾದರು ಅಷ್ಟೇ, ಪ್ರಾಣಿಗಳಾದರೂ ಅಷ್ಟೇ. ಆಹಾರಕ್ಕಾಗಿ ಸಿಕ್ಕ ಪ್ರಾಣಿಗಳನ್ನು ತಿನ್ನುತ್ತದೆ.

ಅದರಂತೆ ಮೊಸಳೆಯೊಂದು  300 ಜನರನ್ನು ತಿಂದ ಘಟನೆಯಿದೆ. ಗುಸ್ಟಾವ್ ಜಾತಿಯ ಮೊಸಳೆಯ ಬಾಯಿಗೆ ಸಾಕಷ್ಟು ಜನರು ಬಲಿಯಾಗಿದ್ದಾರೆ.

ಗಾತ್ರದಲ್ಲಿ ಹಿರಿಯದಾದ ಗುಸ್ಟಾವ್ ಮೊಸಳೆ ಒಂದು ಟನ್ ತೂಕ ಮತ್ತು 18 ಅಡಿಗಳಷ್ಟು ಉದ್ದವಾಗಿ ಬೆಳೆಯುತ್ತದೆ.

ಗುಸ್ಟಾವ್ ಮೊಸಳೆ ಆಫ್ರಿಕಾದಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಅಲ್ಲಿನ ಬುರುಂಡಿ, ರುಜಿಜಿ ನದಿ ಮತ್ತು ಟ್ಯಾಂಗನಿಕಾ ಸರೋವರದಲ್ಲಿ ಈ ಮೊಸಳೆಗಳು ಕಾಣಸಿಗುತ್ತವೆ.

2004ರಲ್ಲಿ ಬಂದ ‘ಕ್ಯಾಪ್ಚರಿಂಗ್ ದಿ ಕಿಲ್ಲರ್ ಕ್ರೋಕ್’ ಎಂಬ ಸಾಕ್ಷಚಿತ್ರದ ಮೂಲಕ ಗುಸ್ಟಾವ್ ಎಂಬ ನರಭಕ್ಷಕ ಮೊಸಳೆಗ ಬಗ್ಗೆ ಪ್ರಪಂಚದಾದ್ಯಂತ ಗೊತ್ತಾಗುತ್ತದೆ. ಪ್ಯಾಟಿಸ್ ಫಾಯೆ ಎಂಬ ಹರ್ಪಿಟಾಲಜಿಸ್ಟ್ ಈ ಮೊಸಳೆಯನ್ನು ದೃಶ್ಯ ರೂಪದಲ್ಲಿ ಸೆರೆಹಿಡಿಯಲು ಶ್ರಮಪಡುತ್ತಾರೆ.

ಗುಸ್ಟಾವ್ ಮೊಸಳೆಯನ್ನು ಸೆರೆ ಹಿಡಿಯಲು ಅಲ್ಲಿನ ಜನರು ಸಾಕಷ್ಟು ಶ್ರಮಪಟ್ಟಿದ್ದಾರೆ. ಜೀವಂತ ಮೇಕೆಯನ್ನು ನದಿ ತೀರದಲ್ಲಿ ಕಟ್ಟಿ ಮೊಸಳೆಯನ್ನು ಹಿಡಿಯಲು ಪ್ರಯತ್ನಿಸಿದ್ದರು.

ಈ ಮೊಸಳೆಯಿಂದಾಗಿ ಸಾಕಷ್ಟು ಮೀನುಗಾರರ ಜೀವ ಕಳೆದುಕೊಂಡಿದ್ದಾರೆ. ಕೊನೆಗೂ ಕ್ಯಾಪ್ಚರಿಂಗ್ ದಿ ಕಿಲ್ಲರ್ ಕ್ರೋಕ್ ಸಾಕ್ಷಚಿತ್ರದಲ್ಲಿ ಈ ಮೊಸಳೆ ಕ್ಯಾಮೆರಾದ ಕಣ್ಣಿಗೆ ಬಿದ್ದಿತ್ತು.

Crocodile Gustave