Swiggy: ಸ್ವಿಗ್ಗಿ ಪಾರ್ಸೆಲ್​ನಲ್ಲಿ 2000 ರೂಪಾಯಿ ನಕಲಿ ನೋಟು ಪತ್ತೆ! ಗ್ರಾಹಕರು ಶಾಕ್

ಸ್ವಿಗ್ಗಿ ಕಂಪೆನಿ ಆಹಾರ ವಿತರಣಾ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಇದು ಆನ್​​ಲೈನ್​ ಮೂಲಕ ಆರ್ಡರ್​ ಮಾಡಿದ ನಂತರ ಕ್ಷಣ ಮಾತ್ರದಲ್ಲಿ ಮನೆಗೆ ಬರುತ್ತದೆ.

ಸ್ವಿಗ್ಗಿ ಇನ್‌ಸ್ಟಾಮಾರ್ಟ್ ಎಂಬ ಹೊಸ ಮಾರ್ಕೆಟಿಂಗ್ ತಂತ್ರವನ್ನು ಇತ್ತೀಚೆಗೆ ಜಾರಿಗೆ ತಂದಿದೆ. ಇದೀಗ ಈ ಸಂಸ್ಥೆ ಓಟಿಟಿ ಪ್ಲಾಟ್​​ಫಾರ್ಮ್​ನಲ್ಲಿ ಬಿಡುಗಡೆಯಾದ ಇತ್ತೀಚಿನ ಆಕ್ಷನ್ ಥ್ರಿಲ್ಲರ್ ವೆಬ್ ಸೀರಿಸ್​ 'Farzi' ಪ್ರಚಾರಕ್ಕಾಗಿ ಹೊಸ ಆಲೋಚನೆಯೊಂದಿಗೆ ಬಂದಿದೆ. ಈ ವೆಬ್​ಸೀರಿಸ್​ನ ಪ್ರಚಾರದ ಭಾಗವಾಗಿ, ತಮ್ಮ ಗ್ರಾಹಕರಿಗೆ ನಕಲಿ 2,000 ರೂ ನೋಟುಗಳನ್ನು ಪಾರ್ಸೆಲ್‌ಗಳಲ್ಲಿ ಕಳುಹಿಸಲಾಗಿದೆ. ಇದನ್ನು ನೋಡಿದ ಗ್ರಾಹಕರು ಆಶ್ಚರ್ಯಚಕಿತರಾಗಿದ್ದಾರೆ.

ಫರ್ಜಿ ಎಂದರೆ ತೆಲುಗಿನಲ್ಲಿ ನಕಲಿ, ಅಮಾನ್ಯ, ಕೃತಕ ಎಂದರ್ಥ. ಆ ಅರ್ಥವನ್ನು ಹೊಂದಿಸಲು Swiggy Instamart ನಕಲಿ 2,000 ರೂಪಾಯಿ ನೋಟುಗಳನ್ನು ಪಾರ್ಸೆಲ್‌ನಲ್ಲಿ ಕಳುಹಿಸುತ್ತಿದೆ. ಪಾರ್ಸೆಲ್ ತೆರೆದು ನೋಡಿದಾಗ ರೂ.2000 ದ ನೋಟುಗಳು ಕಂಡು ಗ್ರಾಹಕರು ಬೆಚ್ಚಿಬಿದ್ದರು. ಆದರೆ ನೋಡಿದ ತಕ್ಷಣವೇ ನಕಲಿ ನೋಟು ಎಂದು ಪತ್ತೆಹಚ್ಚದ್ದಾರೆ.

ಸ್ವಿಗ್ಗಿ ಪಾರ್ಸೆಲ್‌ನಲ್ಲಿ 2,000 ರೂಪಾಯಿ ನಕಲಿ ನೋಟುಗಳು ಬಂದಿವೆ ಎಂದು ಗ್ರಾಹಕರು ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಆ ನೋಟುಗಳ ಫೋಟೋಗಳನ್ನೂ ಟ್ವೀಟ್ ಮಾಡಿದ್ದಾರೆ. ಇನ್ನು ಮುಂಬೈ, ದೆಹಲಿ, ಗುರ್ಗಾಂವ್, ನೋಯ್ಡಾ, ಕೋಲ್ಕತ್ತಾ, ಬೆಂಗಳೂರು, ಪುಣೆ, ಚೆನ್ನೈ ಮತ್ತು ಹೈದರಾಬಾದ್‌ನಲ್ಲಿರುವ ಗ್ರಾಹಕರು ಸ್ವಿಗ್ಗಿ ಪಾರ್ಸೆಲ್‌ಗಳಲ್ಲಿ 2,000 ರೂಪಾಯಿ ನಕಲಿ ನೋಟುಗಳನ್ನು ಸ್ವೀಕರಿಸಿದ್ದಾರೆ.

ನಕಲಿ 2,000 ರೂಪಾಯಿ ನೋಟುಗಳು ಫರ್ಝಿ ವೆಬ್​ಸೀರಿಸ್​ನಲ್ಲಿ ನಟಿಸಿರುವ ಶಾಹಿದ್ ಕಪೂರ್ ಮತ್ತು ವಿಜಯ್ ಸೇತುಪತಿ ಅವರ ಫೋಟೋಗಳನ್ನು ಹೊಂದಿವೆ. ಸ್ವಿಗ್ಗಿ ಇನ್‌ಸ್ಟಾಮಾರ್ಟ್ ಮತ್ತು ಪ್ರೈಮ್ ವಿಡಿಯೋ ಲೋಗೋಗಳನ್ನು ಸಹ ಹೊಂದಿದೆ. ಇವುಗಳ ಜೊತೆಗೆ, Swiggy Instamart ರಿಯಾಯಿತಿ ಕೂಪನ್ ಕೋಡ್ ಸಹ ಇದರಲ್ಲಿ ಲಭ್ಯವಿದೆ. ಗ್ರಾಹಕರು ಆ ಕೋಡ್ ಅನ್ನು ಬಳಸಿಕೊಂಡು Swiggy Instamart ನಲ್ಲಿ ರಿಯಾಯಿತಿಯನ್ನು ಪಡೆಯಬಹುದು.

ಫರ್ಝಿ ವೆಬ್​ಸೀರಿಸ್ ಕಥೆ​ 500 ಮತ್ತು 2,000 ರೂಪಾಯಿ ನಕಲಿ ನೋಟುಗಳ ಸುತ್ತ ಸುತ್ತುತ್ತದೆ. ಅದಕ್ಕಾಗಿಯೇ ಫರ್ಝಿ(Farzi) ವೆಬ್ ಸೀರಿಸ್ ಪ್ರಚಾರಕ್ಕೆ 2,000 ರೂಪಾಯಿ ನಕಲಿ ನೋಟುಗಳನ್ನು ಬಳಸಲಾಗಿದೆ.

ಸ್ವಿಗ್ಗಿ ಇನ್‌ಸ್ಟಾಮಾರ್ಟ್ ಆಗಸ್ಟ್ 2020 ರಲ್ಲಿ ಪ್ರಾರಂಭವಾಯಿತು. Swiggy Instamart ಪ್ರಸ್ತುತ 25 ನಗರಗಳು ಮತ್ತು ಪಟ್ಟಣಗಳಲ್ಲಿ ದಿನಸಿ ಸೇವೆಗಳನ್ನು ಒದಗಿಸುತ್ತದೆ. Swiggy ತಂತ್ರಜ್ಞಾನ ಮತ್ತು ವಿತರಣಾ ವ್ಯವಸ್ಥೆಯನ್ನು ಬಳಸಿಕೊಂಡು, Swiggy ಭಾರತೀಯ ಗ್ರಾಹಕರಿಗೆ ದಿನಸಿ ಮತ್ತು ಅಗತ್ಯ ವಸ್ತುಗಳನ್ನು ತಲುಪಿಸುತ್ತದೆ.