ನಿದ್ರೆ ಮಾಡಿದ್ರೆ 1 ಲಕ್ಷ ರೂ ಸಂಬಳ; ಬೆಂಗಳೂರು ಮೂಲದ ಕಂಪನಿ ಹೊರಡಿಸಿದೆ ಹೀಗೊಂದು ಆಫರ್

ಕೆಲಸದ ಸಮಯದಲ್ಲಿ ನಿದ್ದೆ ಮಾಡಿದರೆ ಕೆಲಸವೇ ಕೈ ತಪ್ಪಿ ಹೋಗುವ ಸ್ಥಿತಿ ನಿರ್ಮಾಣವಾಗಬಹುದು. ಆದರೆ ನಿದ್ದೆ ಮಾಡುವುದೇ ಒಂದು ಕೆಲಸವಾದರೆ ಹೇಗೆ ?

ಹೌದು. ಪ್ರಪಂಚ ಅಚ್ಚರಿಯ ಕೆಲಸಗಳಲ್ಲಿ ನಿದ್ದೆ ಮಾಡುವ ಕೆಲಸ ಕೂಡ ಒಂದು. ಸದ್ಯ ಬೆಂಗಳೂರಿನ ಕಂಪೆನಿಯೊಂದು  ಇಂತಹದೇ ಕೆಲಸವನ್ನ ಆಫರ್ ಮಾಡಿದೆ. ಅಚ್ಚರಿ ಎಂದರೆ ನಿದ್ದೆ ಮಾಡುವವರಿಗೆ  1 ಲಕ್ಷ ರೂ ಸಂಬಳ ಕೊಡಲಿದೆಯಂತೆ!

ಬೆಂಗಳೂರು ಮೂಲದ ವೇಕ್​ಫಿಟ್​​​ ಎಂಬ ಕಂಪನಿ ಹಿಗೋಂದು ಉದ್ಯೋಗ ಪ್ರಕಟನೆಯನ್ನು ಹೊರಡಿಸಿದೆ. ಒಬ್ಬ ವ್ಯಕ್ತಿ ರಾತ್ರಿ 9 ಗಂಟೆಗಳ ಕಾಲ ನಿದ್ದೆ ಮಾಡಿದರೆ ಆತನಿಗೆ 1 ಲಕ್ಷ ರೂಪಾಯಿ ನೀಡಲಿದೆಯಂತೆ.

ವೇಕ್ ಫಿಟ್ ಕಂಪನಿಯಲ್ಲಿ ಕೆಲಸ ಸಿಕ್ಕ ಉದ್ಯೋಗಿಗಳಿಗೆ ನುರಿತ ತಜ್ಞರು ನಿದ್ರೆ, ಫಿಟ್ನೆಸ್, ಪೌಷ್ಠಿಕತೆಯ ಬಗ್ಗೆ ಮಾರ್ಗದರ್ಶನವನ್ನು ನೀಡಲಿದ್ದಾರೆ.

ವೇಕ್​ಫಿಟ್​ ಕಂಪನಿ ಇಂಟರ್ನ್​​ಶಿಪ್​​​​​​​ ಮಾಡುವವರಿಗೆ ಮೊದಲ ಆದ್ಯತೆಯನ್ನು ನೀಡುತ್ತಿದೆ. ಅದರೆ ಉದ್ಯೋಗ ಆಕಾಂಕ್ಷಿ ಈ ಕೆಲಸವನ್ನು ಪಡೆಯಬೇಕಾದರೆ ಕೆಲವು ಅರ್ಹತೆಯನ್ನು ಹೊಂದಿರಬೇಕು ಎಂದು ಕಂಪನಿ ತಿಳಿಸಿದೆ.

1.ಮೊದಲನೆಯದಾಗಿ ಕೆಲಸ ಗಿಟ್ಟಿಸಿಕೊಳ್ಳುವ ಅಭ್ಯರ್ಥಿಯು ಪದವಿಯನ್ನು ಹೊಂದಿರಬೇಕು. ಶಾಲೆ ಮತ್ತು ಕಾಲೇಜಿನಲ್ಲಿ ಉಪನ್ಯಾಸದ ಮೇಲೆ ಹೆಚ್ಚು ನಿದ್ರಿಸುತ್ತಿದ್ದರೆ. ಅಂತವರಿಗೆ ಹೆಚ್ಚುವರಿ ಬೋನಸ್ ಅನ್ನು ಕಂಪನಿ ನೀಡುತ್ತದೆ.

2. ಹಾಸಿಗೆ ಮೇಲೆ ಮಲಗಿದ 10-20 ನಿಮಿಷಗಳಲ್ಲಿ ನಿದ್ರಿಸಲು ಸಾಧ್ಯವಾಗಬೇಕು.

3. ಗದ್ದಲದ ವಾತವರಣದಲ್ಲಿ ನಿದ್ರಿಸುವ ಅನುಭವವೂ ಇರಬೇಕು

4. ಇದರಲ್ಲಿ ಒಬ್ಬರು ತಂಡ ಆಟಗಾರರಾಗಿದ್ದು, ಬಲವಾದ ಜ್ನಾನವನ್ನು ಹೊಂದಿರಬೇಕು.

5. ಮಲಗುವ ವಿಧಾನ ಮತ್ತು ಅದನ್ನು ವಿಶ್ಲೇಷಿಸಲು ನುರಿತಾಗಿರಬೇಕು.

6. ಕ್ಯಾಮೊಮೈಲ್ ಬಗ್ಗೆ ಅಭಿರುಚಿ ಇದ್ದರೆ, ಸಾಮಾಜಿಕ ಜಾಲತಾಣವನ್ನು ಹ್ಯಾಂಡಲ್ ಮಾಡುವವರಾಗಿದ್ದರೆ ಅವರಿಗೆ ಮೊದಲ ಅವಕಾಶವನ್ನು ನೀಡಲಾಗುತ್ತದೆ.

ವೇಕ್​ಫಿಟ್​​ ಖಾಲಿ ಇರುವ ಹುದ್ದೆಗಳಿಗೆ ಪ್ರಕಟನೆ ಹೊರಡಿಸಿರುವುದು ಇದೇ ಮೊದಲೇನಲ್ಲ. ಈ ಮೊದಲು ಸಾಕಷ್ಟು ಬಾರಿ ಉದ್ಯೋಗ ಅವಕಾಶವನ್ನು ಕಲ್ಪಿಸಿದೆ.

ಕಳೆದ ಬಾರಿ ಸುಮಾರು 1.7 ಲಕ್ಷ ಜನರು ನಿದ್ರೆ ಮಾಡುವ ಕೆಲಸಕ್ಕೆ ಹೆಸರು ನೋಂದಾಯಿಸಿಕೊಂಡಿದ್ದರು. ಅದರಲ್ಲಿ 23 ಜನರನ್ನು ಆಯ್ಕೆ ಮಾಡಲಾಗಿದೆ. 21 ಜನರು ಉದ್ಯೋಗಿಗಳು ಭಾರತೀಯರಾದರೆ 2 ಜನರು ವಿದೇಶಿಗರಾಗಿದ್ದರು ಎಮದು ಕಂಪೆನಿ ಹೇಳಿದೆ.