Emotional Story: ಐಸಿಯುನಲ್ಲಿರುವ ಅಮ್ಮನ ಜೊತೆ ಹಾಡು ಹೇಳಿ, ಹೋಳಿ ಆಡಿದ ಮಗಳು; ಎಂಥವರಿಗಾದ್ರೂ ಹೃದಯ ಕರಗದೇ ಇರದು!

ತಾಯಿ ಮಕ್ಕಳ ಸಂಬಂಧ ಅವಿನಾಭಾವ. ಎಷ್ಟು ವಿವರಿಸಿದರೂ ಸಾಲದು. ಆಕೆ ಎಷ್ಟೇ ಕಷ್ಟದಲ್ಲಿ ಇದ್ರೂ ಕೂಡ ತನ್ನ ಮಕ್ಕಳನ್ನು ಚೆನ್ನಾಗಿ ನೋಡಿಕೊಳ್ಳುತ್ತಾಳೆ. ಮಕ್ಕಳು ಕೂಡ ದೊಡ್ಡವರಾದ ಮೇಲೆ ಅಷ್ಟೇ ಚೆನ್ನಾಗಿ ನೋಡಿಕೊಳ್ಳಬೇಕು. ಇದೀಗ ಅಂತದ್ದೇ ಒಂದು ಸುದ್ಧಿ ವೈರಲ್​ ಆಗ್ತಾ ಇದೆ.

ಇದು ಕಾರವಾರದ ಆಸ್ಪತ್ರೆಯೊಂದಲ್ಲಿ ನಡೆದ ಘಟನೆ. ಹೋಳಿ ಹಬ್ಬವನ್ನು ಆಚರಿಸಿದ ತಾಯಿ ಹಾಗೇ ಮಗಳು. ನಿಜಕ್ಕೂ ಭಾವನಾತ್ಮಕವಾಗಿದೆ.

ಐಸಿಯುದಲ್ಲಿದ್ದ ಅಮ್ಮನೊಂದಿಗೆ ಹಾಡು ಹೇಳಿ ಹೋಳಿ ಆಚರಿಸಿದ್ದಾರೆ ವೈದ್ಯೆ. ಅನಾರೋಗ್ಯದಿಂದ ತುರ್ತು ನಿಗಾ ಘಟಕದಲ್ಲಿದ್ದ ಅಮ್ಮನಿಗೆ ಬಣ್ಣ ಹಚ್ಚಿ ಹೋಳಿ ಸಂಭ್ರಮಿಸಿದ್ದಾರೆ ಮಗಳು.

ಹಾಡು ಹೇಳುವ‌ ಮೂಲಕ ಮಗಳು ವೈದ್ಯೆ ಅಮ್ಮನ ಮೊಗದಲ್ಲಿ ಮಂದಹಾಸ ತರಿಸಿದ ಫೋಟೋ ವೈರಲ್ ಆಗಿದೆ. ಇದು ಉತ್ತರ ಕನ್ನಡ ಜಿಲ್ಲೆಯ ಶಿರಸಿಯಲ್ಲಿ ನಡೆದ ಘಟನೆಯಾಗಿದೆ.

ವೈದ್ಯೆಯ ಹೆಸರು ಪೆಥಾಲಜಿಸ್ಟ್​ ಡಾ.‌ಸುಮನ್ ದಿನೇಶ ಹೆಗಡೆ. ತನ್ನ ಅಮ್ಮನಿಗಾಗಿ ಹಾಡಿ ಹೋಳಿ ಸಂಭ್ರಮಿಸಿದ್ದಾರೆ. ಮಹಾಲಕ್ಷ್ಮೀ ನರ್ಸಿಂಗ್ ಹೋಮ್​ನಲ್ಲಿ ಈ ಘಟನೆ ನಡೆದಿದೆ.

ಆಸ್ಪತ್ರೆಯಲ್ಲಿ ದಾಖಲಾದ ಅಮ್ಮನಿಗೆ ಚಿಕಿತ್ಸೆ‌ ಕೊಡಿಸುವ ಜೊತೆಗೆ ಅಪ್ಪ ಅಮ್ಮನ ಜೊತೆ ಅಮ್ಮನ ಆಶಯದಂತೆ ಹೋಳಿ ಆಚರಿಸಿದ್ದಾರೆ. ಅನಾರೋಗ್ಯದ ಅಮ್ಮನ ಮೊಗದಲ್ಲಿ‌ ನಗು ತರಿಸಿದ ಮಗಳು ನಿಜಕ್ಕೂ ಗ್ರೇಟ್​ ಅಲ್ವಾ?

ಈ‌ ಮಾನವೀಯ ದೃಶ್ಯವು ಹೋಳಿ ಸಂಭ್ರಮಕ್ಕೆ ಸಾಕ್ಷಿಯಾಗಿದೆ. ಸೊಗಸಾಗಿ ಹಾಡು ಹೇಳಿದ ಮಗಳು ತನ್ನ ತಾಯಿಯ ಮುಖದಲ್ಲಿ ನಗು ತರಿಸಿದ್ದಾರೆ. ತಾಯಿಗೂ ಸ್ವಲ್ಪ ಹೋಳಿ ಬಣ್ಣವನ್ನು ಹಚ್ಚಿದ್ದಾರೆ.