Viral Photo: ಬೇಯಿಸಿಟ್ಟ ಮೊಟ್ಟೆಯನ್ನು 20 ವರ್ಷ ಇಟ್ರೆ ಮಾಣಿಕ್ಯವಾಗಿ ಬದಲಾಗುತ್ತಂತೆ! ವೈರಲ್ ಆಯ್ತು ಫೋಟೋ

ಹೆಚ್ಚಿನವರು ಮಟ್ಟೆಯನ್ನು ಬೇಯಸಿ ತಿಂತಾರೆ. ಆದರೆ ಅದೇ ಬೇಯಿಸಿದ ಮೊಟ್ಟೆಯನ್ನು ಹೆಚ್ಚು ದಿನಗಳ ಕಾಲ ಇಟ್ಟರೆ ಹಾಳಾಗುತ್ತದೆ. ಆದರೆ ಇಲ್ಲೊಬ್ಬರು ಮಹಿಳೆ ಸುಮಾರು 20 ವರ್ಷಗಳ ಕಾಲ ಬೇಯಿಸಿದ ಮೊಟ್ಟೆಯನ್ನು ಇಟ್ಟುಕೊಂಡಿದ್ದಾಳೆ. ಆದರೆ ಆ ಮೊಟ್ಟೆ ಹಾಳಾಗದೇ, ಅದರ ಆಕಾರ ಈಗ ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ.

ಮಿಲೇಕಿ ಎಂಬ ಮಹಿಳೆ 20 ವರ್ಷಗಳ ಹಿಂದೆ ಬೇಯಿಸಿದ ಮೊಟ್ಟೆಯ ಫೋಟೋವನ್ನು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ವಿಚಿತ್ರ ಸೆಂಟ್ರಲ್ ನ್ಯೂಸ್ ಮಹಿಳೆಯನ್ನು ಸಂಪರ್ಕಿಸಿ ಮೊಟ್ಟೆಯ ಬಗ್ಗೆ ವಿಚಾರಿಸಿದೆ. ಇದೀಗ ಆ ಮೊಟ್ಟೆಯ ಬಗ್ಗೆ ಕುತೂಹಲಕಾರಿ ವಿಷಯವೊಂದು ಹೊರಬಿದ್ದಿದೆ.

ಇನ್ನು ಈ ಬಗ್ಗೆ ಮಹಿಳೆ ಮಾತನಾಡುತ್ತಿರುವಾಗ "ನಾನು ಶಾಲೆಯಲ್ಲಿದ್ದಾಗ ನನ್ನ ತಾಯಿ ಶಾಲೆಯಲ್ಲಿ ತಿನ್ನಲು ಮೊಟ್ಟೆಯನ್ನು ಬೇಯಿಸಿ ಬ್ಯಾಗ್‌ಗೆ ಹಾಕಿದರು. ಬೇಯಿಸಿದ ಮೊಟ್ಟೆಯನ್ನು ಶಾಲೆಗೆ ಕೊಂಡೊಯ್ಯುವ ಬ್ಯಾಗ್‌ನಲ್ಲಿ ಇಟ್ಟಿದ್ದರು. ಅದನ್ನು ನಾನು ಶಾಲೆಯ ವಿಶೇಷ ಕಪಾಟಿನಲ್ಲಿ ಇಟ್ಟಿದ್ದೆ, ನಂತರ ನಾನು ಅದನ್ನು ಗಮನಿಸಲಿಲ್ಲ" ಎಂದು ಅವರು ಹೇಳಿದರು.

"3 ದಿನಗಳ ನಂತರ ನಾನು ಚೀಲದಲ್ಲಿ ಮೊಟ್ಟೆಯನ್ನು ನೋಡಿದೆ. ಆದರೆ ನಾನು ಅದನ್ನು ತಿನ್ನಲಿಲ್ಲ ಅಥವಾ ಅದು ಹಾಳಾಗಿರಲಿಕ್ಕಿಲ್ಲ ಎಂದು ಎಸೆಯಲಿಲ್ಲ. ಬದಲಿಗೆ ನಾನು ಅದನ್ನು ಫ್ರಿಡ್ಜ್​​ನಲ್ಲಿ ಇಟ್ಟೆ" ಎಂದು ಅವಳು ಹೇಳಿದಳು.

ನಂತರ ಅವಳ ತಾಯಿ ಆ ಮೊಟ್ಟೆಯನ್ನು ನೋಡಿದರಂತೆ. ಮೊಟ್ಟೆಯ ಬಣ್ಣ ಬದಲಾಗಿದೆ. ಇದು ಕೆಂಪು ಬಣ್ಣದ್ದಾಗಿದೆ ಎಂದು ಅವಳು ಅದನ್ನು ತನ್ನ ಆಭರಣ ಪೆಟ್ಟಿಗೆಯಲ್ಲಿ ಇಟ್ಟರು ಎಂದು ಹೇಳಿದ್ದಾರೆ.

ಆದರೆ ನಂತರ ಇಬ್ಬರೂ ಸಹ ಮೊಟ್ಟೆಯನ್ನೇ ಮರೆತುಬಿಟ್ಟರು. ಒಂದು ದಿನ ಆಭರಣದ ಪೆಟ್ಟಿಗೆಯನ್ನು ಸ್ವಚ್ಛಗೊಳಿಸುತ್ತಿದ್ದಾಗ ಆ ಮೊಟ್ಟೆ ಪತ್ತೆಯಾಗಿದೆ. ಅದನ್ನು ನೋಡಿದ ತಾಯಿ ಮತ್ತು ಮಗಳು ಇಬ್ಬರೂ ಆಶ್ಚರ್ಯಚಕಿತರಾದರು.

ಏಕೆಂದರೆ 20 ವರ್ಷಗಳ ಹಿಂದೆ ಬೇಯಿಸಿದ ಮೊಟ್ಟೆ ಸಂಪೂರ್ಣವಾಗಿ ಕೆಂಪಾಗಿತ್ತು, ಅದರ ಮೇಲ್ಭಾಗದಲ್ಲಿ ಗೆರೆಗಳು ಹೊಳೆಯುತ್ತಿತ್ತು. ಮೊಟ್ಟೆಯನ್ನು ನೋಡುವಾಗ ಅಮೂಲ್ಯವಾದ ಮಾಣಿಕ್ಯ ರತ್ನದಂತೆ ಕಾಣುತ್ತದೆ. ಸದ್ಯ ಇದರ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.