China: ಕೊರೊನಾದಿಂದ ಕಂಗೆಟ್ಟ ಚೀನಾದಲ್ಲಿ ಹೊಸ ಡೇಟಿಂಗ್ ಸಂಸ್ಕೃತಿ, ಮಾಸ್ಕ್ ಹಾಕೊಳ್ಳಿ ಅನ್ನೋ ಬದ್ಲು ಕಿಸ್ ಮಾಡಿ ಅಂತಿದ್ದಾರೆ ಇಲ್ಲಿನ ಪ್ರೇಮಿಗಳು!

ಕೋವಿಡ್​ ಅಂತ ಹೇಳಿದ ಕೂಡಲೇ ನಮಗೆ ಮೊದಲು ನೆನಪಿಗೆ ಬರೋದು ಚೀನಾ. ಯಾಕೆಂದರೆ ಈ ಮಹಾಮಾರಿಯು ಆರಂಭವಾಗಿದ್ದೇ ಈ ಚೀನಾದಿಂದ ಅಂತಾನೇ ಹೇಳ್ಬೋದು.

ಎಲ್ಲೆಡೆ ಲಾಕ್​ಡೌನ್​ ಮಾಡಿ ಸುಮ್ಮನೆ ಮನೆಯಲ್ಲೇ ಕೂರುವ ಹಾಗೆ ಮಾಡಿಬಿಟ್ಟಿತ್ತು ಈ ಕೊರೋನ. ಅದಲ್ಲದೇ ಎಲ್ಲಿ ಹೋಗೋದಾದ್ರೂ ಕೂಡ ಮಾಸ್ಕ್​ ಕಡ್ಡಾಯವಾಗಿಬಿಟ್ಟಿತ್ತು. ಇದಕ್ಕೆಲ್ಲಾ ಮೂಲ ಕಾರಣವಾಗಿರೋದು ಚೀನಾ ಅಲ್ವಾ? ಹಾಗಾಗಿಯೇ  ನಮಗೂ ಅವರಿಗೂ ಸಂಬಂಧವೆಲ್ಲವೂ ಕಟ್​ . ಹಾಗೆಯೇ ಚೀನಾದಲ್ಲಿಯೂ ಕೇಸ್​ಗಳು ಏರುತ್ತಲೇ ಇತ್ತು. ಇದರಿಂದ ಅಲ್ಲಿನ ನಿಯಮಗಳು ಕೂಡ ಬಿಗಿಬಂದಸ್ತು ಮಾಡಲಾಗಿತ್ತು.

ಭಯಂಕರವಾಗಿ ಹೆಚ್ಚಾಗಿದ್ದ ಈ ಮಹಾಮಾರಿ ಇದೀಗ ಸ್ವಲ್ಪ ಕೂಲ್​ ಆಗ್ತಾ ಇದೆ ಅನ್ನುವಷ್ಟರಲ್ಲಿ ಮತ್ತೆ ಅಣ್ಣನ ಆಗಮನವಾಗಿದೆ. ತಂಗಿಯನ್ನು ನೋಡಲು ಅಣ್ಣ ಮನೆಗೆ ಬಂದ ಹಾಗೆ ಆಗೊಮ್ಮೆ ಈಗೊಮ್ಮೆ ಈ ಕೊರೋನ ಬರ್ತಾನೇ ಇರುತ್ತೆ ನೋಡಿ. ಇದರ ನಡುವೆ ಕೊರೋನವನ್ನು ಹುಟ್ಟುಹಾಕಿದ ಚೀನಾದಲ್ಲಿ ಹೊಸ ಡೇಟಿಂಗ್​ ನಿಯಮವನ್ನು ಮಾಡಲಾಗಿದೆ. ಇದಂತೂ ಕೊರೋನಾ ನಿಯಮಗಳ ತದ್ವಿರುದ್ಧವಾದ ಡೇಟಿಂಗ್​ ಸಂಸ್ಕ್ರತಿ ಅಂತ ಹೇಳಿದ್ರೂ ತಪ್ಪಾಗೋಲ್ಲ ಬಿಡಿ. ಯಾಕೆ ಅಂತ ಕೇಳ್ತೀರಾ? ಮುಂದೆ ಓದಿ.

ಯಾಕೆ ಅಂದ್ರೆ, ಸಾಮಾಜಿಕ ಅಂತರ ಕಾಪಾಡಿಕೊಳ್ಳಬೇಕು, ಮಾಸ್ಕ್​ ಹಾಕಬೇಕು ಅಂತ ರೂಲ್ಸ್​ ಇದ್ರೆ, ಚೀನಾ ಸರ್ಕಾರ ಮಾಡಿದ ಹೊಸ ಡೇಟಿಂಗ್​ ಸಂಸ್ಕೃತಿಯು ಇದರ ವಿರುದ್ಧವಾಗಿದೆ.

ಹೌದು. ಮದುವೆಯ ಮೊದಲು ಗಂಡು ಹೆಣ್ಣು ಒಬ್ಬರನ್ನೊಬ್ಬರು ಚೆನ್ನಾಗಿ ಅರ್ಥ ಮಾಡಿಕೊಳ್ಳಬೇಕು ಅಂತ ಡೇಟಿಂಗ್​ಗಳನ್ನು ಮಾಡುತ್ತಾರೆ. ಮೊದಲ ಭೇಟಿಯಲ್ಲಿ ಅಪರಿಚಿತರ ಜೊತೆ ಕಿಸ್ ಮಾಡುವ ಮೂಲಕ ಪರಿಚಯಿಸಿಕೊಳ್ಳುವುದು ಈ ಡೇಟಿಂಗ್‌ನ ವಿಧಾನವಾಗಿದೆ. ಇದಕ್ಕೆ ಚೀನಾದಲ್ಲಿ ‘ಸುಯಿ ಯು’ ಎಂದು ಹೆಸರಿಸಲಾಗಿದೆ.

ಇದಕ್ಕೆ ಬಹುತೇಕ ಮಂದಿ ಈ ವಿಧಾನವನ್ನು ವಿರೋಧಿಸುತ್ತಿದ್ದಾರೆ. ಅಪರಿಚಿತರನ್ನು ಚುಂಬಿಸುವ ಮೂಲಕ ಬ್ಯಾಕ್ಟೀರಿಯಾ ಮತ್ತು ವೈರಸ್‌ಗಳಿಂದ ರೋಗಗಳು ಹರಡಲು ಕಾರಣವಾಗುತ್ತದೆ ಎಂದು ಹೇಳುತ್ತಿದ್ದಾರೆ.

ಮತ್ತೆ ಹೆಚ್ಚಾಗುತ್ತಿರುವ ಕೊರೋನದ ನಡುವೆ ಇಂತಹ ಸಂಸ್ಕೃತಿಯು ಬೇಕಿತ್ತಾ ಅಂತ ಇಲ್ಲಿನ ಕೆಲವು ಜನರು ಅಭಿಪ್ರಾಯ ಪಡುತ್ತಾ ಇದ್ದಾರೆ. ಬಹುಶಃ ಮುಂಬರುವ ದಿನಗಳಲ್ಲಿ ಈ ನಿಯಮ ಬದಲಾಗಬಹುದೇನೋ ಗೊತ್ತಿಲ್ಲ.