Cashew Shaped Egg: ಗೋಡಂಬಿ ಆಕಾರದ ಮೊಟ್ಟೆ ಇಟ್ಟ ಕೋಳಿ, ಫೋಟೋಸ್ ವೈರಲ್

ಪ್ರಕೃತಿ ಎನ್ನುವುದೇ ಒಂದು ವಿಸ್ಮಯವಾಗಿದ್ದು, ಇಲ್ಲಿರುವ ಪ್ರತಿಯೊಂದು ಜೀವರಾಶಿಯೂ ಒಂದಕ್ಕಿಂತ ಒಂದು ಭಿನ್ನವಾಗಿದೆ. ಈ ಭಿನ್ನತೆಗಳ ನಡುವೆ ಕೆಲವೊಂದು ಘಟನೆಗಳು ಇವೆಲ್ಲಕ್ಕಿಂತ ಭಿನ್ನ ಎನ್ನುವುದನ್ನು ರೂಪಿಸುತ್ತದೆ.

ಈ ಭಿನ್ನತೆ ಮನುಷ್ಯ, ಪ್ರಾಣಿ-ಪಕ್ಷಿ ಎಲ್ಲಾ ವಿಭಾಗದಲ್ಲಿ ಕಂಡು ಬರುತ್ತಿದ್ದು, ಇಂಥಹುದೇ ಒಂದು ವಿಸ್ಮಯದ ಘಟನೆ ಘಟನೆ ದಕ್ಷಿಣಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಲಾಯಿಲಾ ಗ್ರಾಮದಲ್ಲಿ ನಡೆದಿದೆ.

ಲಾಯಿಲ ಗ್ರಾಮದ ಬೇಲಾಜೆ ನಿವಾಸಿಯಾಗಿರಹಚ ಪ್ರಶಾಂತ್ ಎಂಬವರ ಮನೆಯ ಕೋಳಿಯೊಂದು ಈ ರೀತಿಯ ವಿಸ್ಮಯ ಮೂಡಿಸುವ ಮೂಲಕ ಸುದ್ಧಿಯಲ್ಲಿದೆ. ಪ್ರಶಾಂತ್ ಸಾಕಿದ ಕೋಳಿಯೊಂದು ಈ ವರ್ಷ ಮೊದಲ ಬಾರಿಗೆ ಮೊಟ್ಟೆ ಇಡಲು ಆರಂಭಿಸಿದೆ.

ಈ ಕೋಳಿ ಇಟ್ಟ ಮೊಟ್ಟೆ ಎಲ್ಲಾ ಮೊಟ್ಟೆಗಳಂತೆ ಇದ್ದಿದ್ದರೆ , ಈ ಕೋಳಿ ಇಷ್ಟೊಂದು ಫೇಮಸ್ ಆಗ್ತಿರಲಿಲ್ಲವೇನೋ. ಆದರೆ ಈ ಕೋಟಿ ಇಟ್ಟ ಮೊಟ್ಟೆ, ಮೊಟ್ಟೆಯ ಆಕಾರದಂತೆ ದುಂಡಗಾಗಿರದೆ ಗೋಡಂಬಿ ಆಕಾರದಲ್ಲಿದೆ.

ಈ ಹಿಂದೊಮ್ಮೆ ಮಾವಿನ ಆಕಾರದ ಮೊಟ್ಟೆ ವೈರಲ್ ಆಗಿತ್ತು. ಇದೀಗ ಬೆಳ್ತಂಗಡಿಯಲ್ಲಿ ಮೊದಲಿಗೆ ಈ ಕೋಳಿಯ ಮೊಟ್ಟೆಗಳನ್ನು ಅಷ್ಟೊಂದು ಗಮನಿಸದ ಪ್ರಶಾಂತ್ ಮನೆ ಮಂದಿ, ಏನೋ ಸಮಸ್ಯೆಯಿಂದ ಈ ರೀತಿಯಾಗಿರಬಹುದೆಂದು ಈ ವಿಚಾರವನ್ನು ನಿರ್ಲಕ್ಷ್ಯ ಮಾಡಿದ್ದ ಮನೆ ಮಂದಿ ಎರಡನೇ ದಿನ ಕೋಳಿ ಇಟ್ಟ ಮೊಟ್ಟೆಯೂ ಗೋಡಂಬಿಯಾಕಾರದಲ್ಲಿ ಮೂಡಿ ಬಂದಾಗ ಕೊಂಚ ಅಲರ್ಟ್ ಆಗಿದ್ದಾರೆ.

ಮೂರನೇ ದಿನವೂ ಇದೇ ರೀತಿಯ ಮೊಟ್ಟೆ ಇಟ್ಟಾಗ ಈ ಕೋಳಿಯಲ್ಲೇನೋ ವಿಶೇಷವಿದೆ ಎಂದು ತಿಳಿದ ಮನೆ ಮಂದಿ ಬಳಿಕದ ದಿನಗಳಲ್ಲಿ ಕೋಳಿಯ ಮೊಟ್ಟೆಯನ್ನು ಪ್ರತೀ ದಿನವೂ ಪರಿಶೀಲನೆಗೆ ಒಳಪಡಿಸಿದ್ದಾರೆ.

ಈ ಪರಿಶೀಲನೆಯಿಂದ ಮನೆ ಮಂದಿಗೆ ಕೋಳಿ ಇಟ್ಟಿರುವ ಮೊಟ್ಟೆಗಳೆಲ್ಲಾ ಗೋಡಂಬಿ ಆಕಾರದಲ್ಲೇ ಮೂಡಿ ಬಂದಿರುವುದು ಆಶ್ವರ್ಯಕ್ಕೂ ಕಾರಣವಾಗಿದೆ.

ಪ್ರಶಾಂತ್ ಈ ವಿಚಾರವನ್ನು ಸ್ಥಳೀಯರ ಗಮನಕ್ಕೂ ತಂದ ಹಿನ್ನಲೆಯಲ್ಲಿ ಗೋಡಂಬಿಯಾಕಾರದ ಮೊಟ್ಟೆ ಇಡುವ ಕೋಳಿಯ ವಿಚಾರ ಊರೆಲ್ಲಾ ಹರಿದಾಡಿದೆ.

ಪ್ರಕೃತಿಯಲ್ಲಿ ಹಲವು ವಿಸ್ಮಯಗಳು ಪ್ರತೀ ನಿತ್ಯವೂ ಒಂದಲ ಒಂದು ರೂಪದಲ್ಲಿ ಗಮನಕ್ಕೆ ಬರುತ್ತಿದ್ದು, ಈ ವಿಸ್ಮಯಗಳ ಸಾಲಿಗೆ ಇದೀಯ ಬೆಳ್ತಂಗಡಿ ತಾಲೂಕಿನ ಈ ಕೋಳಿ ಇಟ್ಟ ಗೋಡಂಬಿಯಾಕಾರದ ಮೊಟ್ಟೆಯೂ ಸೇರ್ಪಡೆಗೊಂಡಿದೆ.