Lodge Room: ಗೆಳತಿಯೊಂದಿಗೆ ಲಾಡ್ಜ್‌ನಲ್ಲಿ ಸಿಕ್ಕಿ ಬಿದ್ದವ್ರನ್ನೆಲ್ಲ ಅರೆಸ್ಟ್ ಮಾಡುವಂತಿಲ್ಲ! ಕಾನೂನು ಈ ಬಗ್ಗೆ ಏನು ಹೇಳುತ್ತೆ ಗೊತ್ತಾ?

ಸಾರ್ವಜನಿಕ ಉದ್ಯಾನವನ ಅಥವಾ ಯಾವುದೇ ಇತರ ಸ್ಥಳಗಳಿಗೆ ಹೋಗಲು ಕಪಲ್ಸ್​ ತುಂಬಾ ಭಯ ಪಟ್ಟುಕೊಳ್ಳುತ್ತಿದ್ದಾರೆ. ಯಾಕಂದರೆ ಪೊಲೀಸರು (Police) ಎಲ್ಲಿ ನಮ್ಮನ್ನು ಹಿಡಿಯುತ್ತಾರೆಯೋ ಎಂಬ ಭಯದಲ್ಲಿಯೇ ಇರುತ್ತಾರೆ. ಹೋಟೆಲ್ ಕೋಣೆಯಲ್ಲಿ (Hotel Room) ನಲ್ಲಿ ಉಳಿಯಲು ಇಚ್ಛಿಸುವವರು ಕಾನೂನಿನ ಬಗ್ಗೆ ಸ್ವಲ್ಪ ಜ್ಞಾನವಿದ್ದರೆ ಯಾವುದೇ ತೊಂದರೆಯಾಗುವುದಿಲ್ಲ.

ನೀವು ನಿಮ್ಮ ಗೆಳತಿಯೊಂದಿಗೆ ಹೋಟೆಲ್‌ನಲ್ಲಿ ಉಳಿದಾಗ ಪೊಲೀಸರು ಬಂದರೆ, ಗಾಬರಿಯಾಗಬೇಡಿ ಎಂಬುದು ಮೊದಲ ನಿಯಮ. ಮದುವೆಯಾಗದ ದಂಪತಿಗಳು ಹೋಟೆಲ್‌ನಲ್ಲಿ ಒಟ್ಟಿಗೆ ಇರುವುದು ಅಪರಾಧವಲ್ಲ. ಹಾಗಾಗಿ ಹೋಟೆಲ್‌ನಲ್ಲಿ ಉಳಿದಿರುವ ಯಾವುದೇ ಅವಿವಾಹಿತ ಜೋಡಿಯನ್ನು ಕಿರುಕುಳ ಅಥವಾ ಬಂಧಿಸುವ ಹಕ್ಕು ಪೊಲೀಸರಿಗೆ ಇಲ್ಲ.

ಅವಿವಾಹಿತ ದಂಪತಿಗಳು ಹೋಟೆಲ್‌ನಲ್ಲಿ ಒಟ್ಟಿಗೆ ವಾಸಿಸಲು ಮತ್ತು ಪರಸ್ಪರ ಒಪ್ಪಿಗೆಯೊಂದಿಗೆ ದೈಹಿಕ ಸಂಬಂಧವನ್ನು ಹೊಂದಲು ಮೂಲಭೂತ ಹಕ್ಕನ್ನು ಹೊಂದಿರುತ್ತಾರೆ. ಇದಾಗಿಯೂ, ಇಬ್ಬರೂ ವಯಸ್ಕರಾಗಿರಬೇಕು ಎಂಬುದು ಮುಖ್ಯವಾದ ನಿಯಮ.

ಸಂವಿಧಾನದ 21ನೇ ಪರಿಚ್ಛೇದದ ಅಡಿಯಲ್ಲಿರುವ ಮೂಲಭೂತ ಹಕ್ಕುಗಳು ಯಾರೊಂದಿಗೆ ಬೇಕಾದರೂ ಬದುಕುವ ಮತ್ತು ದೈಹಿಕ ಸಂಬಂಧ ಹೊಂದುವ ಹಕ್ಕನ್ನು ಒಳಗೊಂಡಿದೆ ಎಂದು ಸುಪ್ರೀಂ ಕೋರ್ಟ್ ಸ್ಪಷ್ಟವಾಗಿ ಹೇಳಿದೆ.

ಇದಕ್ಕಾಗಿ ಮದುವೆಯ ಅಗತ್ಯವಿಲ್ಲ. ಅಂದರೆ ಮದುವೆಯಾಗದ ದಂಪತಿ ಹೋಟೆಲ್‌ನಲ್ಲಿ ಒಟ್ಟಿಗೆ ವಾಸಿಸುವುದು ಮೂಲಭೂತ ಹಕ್ಕು. ಹೋಟೆಲ್‌ನಲ್ಲಿ ಉಳಿದುಕೊಂಡಿರುವ ಅವಿವಾಹಿತ ದಂಪತಿಗಳಿಗೆ ಪೊಲೀಸರು ಕಿರುಕುಳ ನೀಡಿದರೆ ಅಥವಾ ಬಂಧಿಸಿದರೆ ಅದು ಅವರ ಮೂಲಭೂತ ಹಕ್ಕುಗಳ ಉಲ್ಲಂಘನೆ ಎಂದು ಪರಿಗಣಿಸಲಾಗುತ್ತದೆ. ಈ ಪೊಲೀಸ್ ಕ್ರಮದ ವಿರುದ್ಧ ದಂಪತಿಗಳು ಸಂವಿಧಾನದ 32 ನೇ ವಿಧಿಯ ಅಡಿಯಲ್ಲಿ ನೇರವಾಗಿ ಸುಪ್ರೀಂ ಕೋರ್ಟ್ ಅಥವಾ ಸಂವಿಧಾನದ 226 ರ ಅಡಿಯಲ್ಲಿ ಹೈಕೋರ್ಟ್ ಅನ್ನು ಸಂಪರ್ಕಿಸಬಹುದು.

ಹೋಟೆಲ್‌ನಲ್ಲಿ ಉಳಿದಿರುವ ಅವಿವಾಹಿತ ದಂಪತಿಗೆ ಕಿರುಕುಳ ನೀಡುವ ಪೊಲೀಸರ ವಿರುದ್ಧ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಅಥವಾ ಉನ್ನತ ಪೊಲೀಸ್ ಅಧಿಕಾರಿಗೆ ದೂರು ನೀಡಬಹುದು. ಇದಲ್ಲದೆ, ನೊಂದ ದಂಪತಿಗಳು ಮಾನವ ಹಕ್ಕುಗಳ ಆಯೋಗಕ್ಕೆ ದೂರು ಸಲ್ಲಿಸುವ ಆಯ್ಕೆಯನ್ನು ಸಹ ಹೊಂದಿದ್ದಾರೆ.

ಹೋಟೆಲ್ ಮ್ಯಾನೇಜ್ ಮೆಂಟ್ ಕೂಡ ಅವಿವಾಹಿತ ಜೋಡಿಯನ್ನು ತಡೆಯಲು ಸಾಧ್ಯವಿಲ್ಲ. ಕಪಲ್ಸ್​ ಮದುವೆಯಾಗಿಲ್ಲ ಎಂಬ ಕಾರಣಕ್ಕಾಗಿ ಹೋಟೆಲ್‌ನಲ್ಲಿ ಅವಿವಾಹಿತ ದಂಪತಿಗಳಿಗೆ ಅವಕಾಶ ಕಲ್ಪಿಸಲಾಗುವುದಿಲ್ಲ ಎಂದು ಹೋಟೆಲ್ ಈ ರೀತಿ ಮಾಡಿದರೆ ಅದು ಮೂಲಭೂತ ಹಕ್ಕಿನ ಉಲ್ಲಂಘನೆ ಎಂದು ಪರಿಗಣಿಸಲಾಗುತ್ತದೆ.

ಪೊಲೀಸರು ಹೋಟೆಲ್‌ಗಳ ಮೇಲೆ ದಾಳಿ ಮಾಡುವುದೇಕೆ?: ಮದುವೆಯಾಗದ ದಂಪತಿಗಳನ್ನು ಬಂಧಿಸಲು ಅಥವಾ ಕಿರುಕುಳ ನೀಡಲು ಪೊಲೀಸರು ಹೋಟೆಲ್‌ಗಳ ಮೇಲೆ ದಾಳಿ ಮಾಡುವುದಿಲ್ಲ. ದೇಶದಲ್ಲಿ ವೇಶ್ಯಾವಾಟಿಕೆಯನ್ನು ಅಪರಾಧವೆಂದು ಪರಿಗಣಿಸಲಾಗಿದೆ. ಅಂತಹ ವೇಶ್ಯಾವಾಟಿಕೆಯ ವಿರುದ್ಧ ಅಥವಾ ಅಪರಾಧಿಗಳನ್ನು ಅಡಗಿಸಿಟ್ಟಿರುವ ಶಂಕೆಯ ಮೇಲೆ ಪೊಲೀಸರು ಹೋಟೆಲ್‌ಗಳ ಮೇಲೆ ದಾಳಿ ಮಾಡುತ್ತಾರೆ.

ಅವಿವಾಹಿತ ದಂಪತಿಗಳು ಹೋಟೆಲ್‌ನಲ್ಲಿ ಉಳಿದುಕೊಂಡಿದ್ದರೆ ಮತ್ತು ದಾಳಿಯ ಸಮಯದಲ್ಲಿ ಪೊಲೀಸರು ಅವರ ಬಳಿಗೆ ಬಂದರೆ ಅಂತಹ ದಂಪತಿಗಳು ಗಾಬರಿಯಾಗಬೇಕಾಗಿಲ್ಲ. ಪೊಲೀಸರ ಬೇಡಿಕೆಯಂತೆ, ಅಂತಹ ದಂಪತಿಗಳು ತಮ್ಮ ಗುರುತಿನ ಚೀಟಿಯನ್ನು ತೋರಿಸಬೇಕು. ಇಬ್ಬರೂ ಪರಸ್ಪರ ಒಪ್ಪಿಗೆಯೊಂದಿಗೆ ಹೋಟೆಲ್‌ನಲ್ಲಿ ಉಳಿದುಕೊಂಡಿದ್ದಾರೆ ಮತ್ತು ಯಾವುದೇ ರೀತಿಯ ವೇಶ್ಯಾವಾಟಿಕೆಯಲ್ಲಿ ಭಾಗಿಯಾಗಿಲ್ಲ ಎಂದು ಸಾಬೀತುಪಡಿಸಬೇಕು.