ಮಾಸ್ಕ್ ಧರಿಸು ಎಂದಿದ್ದಕ್ಕೆ ಬಟ್ಟೆಯನ್ನೇ ಎತ್ತಿ ಬಿಟ್ಟಳು!; ಮಹಿಳೆಯ ಅಶ್ಲೀಲ ವರ್ತನೆ ಕಂಡು ಪೊಲೀಸರ ಮೊರೆಹೋದ ಶಾಪ್​ ಮಾಲೀಕ

ಕೊರೋನಾ ಅವಾಂತರ ದಿನೇ ದಿನೇ ಹೆಚ್ಚಾಗುತ್ತಲೇ ಇದೆ. ಭಾರತ ಸೇರಿ ವಿಶ್ವದಾದ್ಯಂತ ಮಹಾಮಾರಿ ಕೊರೋನಾ ದಾಂಗುಡಿ ಇಡುತ್ತಿದೆ. ಅನೇಕರು ಕೋವಿಡ್-19 ವೈರಾಣುಗೆ ಬಲಿಯಾಗಿದ್ದಾರೆ. ಮತ್ತೊಂದೆಡೆ ಸರ್ಕಾರ ಕೂಡ ಈ ಬಗ್ಗೆ ಹೆಚ್ಚಿನ ಕ್ರಮ ಕೈಗೊಳ್ಳುತ್ತಿದ್ದು, ನಿಯಂತ್ರಣಕ್ಕೆ ತರಲು ಪ್ರಯಸ್ನಿಸುತ್ತಿದೆ. ಮಾಸ್ಕ್ ಧರಿಸಿ , ಸ್ಯಾನಿಟೈಸರ್ ಬಳಸಿ  ಕೋವಿಡ್​ನಿಂದ ದೂರವಿರಿ ಎಂದು ಜಾಗೃತಿ ಸಾರುತ್ತಿದೆ.

ಆದರೆ ಕೆಲವರು ಮಾತ್ರ ಇದಾವುದಕ್ಕೆ ಕ್ಯಾರೆ ಅನ್ನದೆ ಓಡಾಡುತ್ತಿದ್ದಾರೆ. ಮಾಸ್ಕ್ ಧರಿಸದೆ ಸಾರ್ವಜನಿಕ ಸ್ಥಳದಲ್ಲಿ ಓಡಾಡುತ್ತಾ ತೊಂದರೆ ನೀಡುತ್ತಿದ್ದಾರೆ. ಅದರಂತೆ ಇಲ್ಲೊಬ್ಬಳು ಮಹಿಳೆ ಮಾಸ್ಕ್ ಧರಿಸದೆ ಶಾಪ್​ವೊಂದಕ್ಕೆ ಭೇಟಿ ನೀಡಿದ್ದಾಳೆ. ತಡೆಯಲು ಬಂದು ಮಾಲೀಕನಿಗೆ ಅಶ್ಲೀಲ ವರ್ತನೆ ತೋರಿಸಿದ್ದಾಳೆ.

ಈ ಘಟನೆ ನಡೆದಿರುವುದು ಕ್ಯಾಲಿಫೋರ್ನಿಯಾದಲ್ಲಿ. ಅಲ್ಲಿನ ವೆರಜಾನ್ ಸ್ಟೋರ್​ಗೆ ಮಹಿಳೆಯೊಬ್ಬಳು ಭೇಟಿ ನೀಡುತ್ತಾಳೆ. ಆದರೆ ಆಕೆ ಮಾಸ್ಕ್ ಧರಿಸಿದೆ ಸ್ಟೋರ್ ಒಳಕ್ಕೆ ಪ್ರವೇಶ ಮಾಡಲು ಮುಂದಾಗುತ್ತಾಳೆ.

ಆದರೆ ಶಾಪ್ ಮಾಲೀಕ ಆಕೆಗೆ ಶಾಪ್ ಒಳಕ್ಕೆ ಪ್ರವೇಶವನ್ನು ನೀಡಲು ನಿರಾಕರಿಸುತ್ತಾನೆ.ಇದರಿಂದ ಕೋಪಗೊಂಡ ಮಹಿಳೆ ದೊಡ್ಡ ಅವಾಂತರವನ್ನೇ ಸೃಷ್ಠಿಸುತ್ತಾಳೆ.

ಸ್ಟೋರ್ ಮಾಲೀಕ ಎಷ್ಟೇ ಹೇಳಿದರು ಆಕೆ ಮಾಸ್ಕ್ ಧರಿಸದೆ ಆತನೊಂದಿಗೆ ಜಗಳ ಮಾಡುತ್ತಾಳೆ. ಅಷ್ಟು ಮಾತ್ರವಲ್ಲದೆ, ಬಟ್ಟೆ ಎತ್ತಿ ಮೂತ್ರ ವಿಸರ್ಜನೆ ಮಾಡಲು ಮುಂದಾಗುತ್ತಾಳೆ.

ಇದರಿಂದ ಸಿಟ್ಟುಗೊಂಡ ಶಾಪ್ ಮಾಲೀಕ ಪೊಲೀಸರಿಗೆ ಕರೆ ಮಾಡಿ ವಿಚಾರ ತಿಳಿಸುತ್ತಾನೆ. ತಕ್ಷಣವೇ ಪೊಲೀಸರು ಸ್ಥಳಕ್ಕೆ ಧಾವಿಸಿದ್ದಾರೆ. ಅಲ್ಲಿನ ಸಿಸಿ ಟಿವಿ ದೃಶ್ಯವಳಿಯನ್ನು ತೆಗೆದುಕೊಂಡು ಹೋಗಿದ್ದಾರೆ. ಸದ್ಯ ತನಿಖೆ ಮುಂದುವರಿಯುತ್ತಿದೆ.

ಅಮೆರಿಕದಲ್ಲಿ ಕೊರೋನಾ ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಕ್ಯಾಲಿಫೋರ್ನಿಯಾದಲ್ಲಿ 3, 91, 460 ಪ್ರಕರಣಗಳು ಈವರೆಗೆ ಬೆಳಕಿಗೆ ಬಂದಿದೆ. 7,710 ಜನರು ಮೃತ ಪಟ್ಟಿದ್ದಾರೆ.

ಕೊರೋನಾದ ಬಗ್ಗೆ ಎಷ್ಟೇ ಜಾಗೃತಿ ಮೂಡಿಸಿದರು, ಜನರು ಮಾಸ್ಕ್, ಸ್ಯಾನಿಟೈಸರ್ ಬಳಸದೇ ಓಡಾಡುತ್ತಿದ್ದಾರೆ. ಸರಿಯಾಗಿ ಈ ಸೂಕ್ತ ಕ್ರಮಗಳನ್ನು ಪಾಲಿಸಿದರೆ ಕೊರೋನಾ ವಿಶ್ವದಿಂದಲೇ ಹೋಗುವುದರಲ್ಲಿ ಅನುಮಾನವೇ ಇಲ್ಲ.