'ರಣ್ದೀಪ್' ಆದ್ರಾ ರಣ್​ವೀರ್ ಸಿಂಗ್ ಹಾಗೂ ದೀಪಿಕಾ? ದ್ವೀಪ ರಾಷ್ಟ್ರದಲ್ಲಿ `ರಾಮ್ ಲೀಲಾ' ಜೋಡಿ ನಿಶ್ಚಿತಾರ್ಥ?

ದೀಪಿಕಾ ಹಾಗೂ ರಣ್​ವೀರ್ ಸಿಂಗ್ ಬಹುಕಾಲದಿಂದ ಒಟ್ಟಾಗಿದ್ದಾರೆ. ಕೆಲವೊಮ್ಮೆ ಇಬ್ಬರೂ ತಮ್ಮಿಬ್ಬರ ನಡುವಿನ ಸಂಬಂಧವನ್ಗನು ಒಪ್ಪಿಕೊಂಡರೆ ಮತ್ತೆ ಕೆಲವು ಬಾರಿ ಇದು ಸುಳ್ಳು ಎನ್ನುತ್ತಾರೆ. ಇನ್ನು ಮಾಧ್ಯಮಗಳಲ್ಲೂ ಇಬ್ಬರ ಲವ್ ಅಫೇರ್ ಒಮ್ಮೆ ಸದ್ದು ಮಾಡಿದರೆ, ಕೆಲವೇ ದಿನಗಳಲ್ಲಿ ಬ್ರೇಕ್​ಅಪ್ ಆಗಿರುವ ವಿಚಾರ ಸದ್ದು ಮಾಡುತ್ತದೆ. ಜನವರಿ 5 ಇಂದು ದೀಪಿಕಾರವರ ಹುಟ್ಟು ಹಬ್ಬ, ಈ ಹಿನ್ನೆಲೆಯಲ್ಲಿ ಇಬ್ಬರೂ ಇಂದು ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎಂಬ ಮಾತುಗಳು ಕೇಳಿ ಬಂದಿವೆ. ಮುಂದಿನ ಸ್ಲೈಡ್​ಗಳಲ್ಲಿ ಈ ಪ್ರೇಮ್ ಕಹಾನಿ ಹಾಗೂ ನಿಶ್ಚಿತಾರ್ಥದ ಸಂಪೂರ್ಣ ವಿವರ

ಹೊಸ ವರ್ಷವನ್ನು ದೀಪಿಕಾ ಹಾಗೂ ರನ್​ವೀರ್​ ಸಿಂಗ್ ಇಬ್ಬರೂ ಶ್ರೀಲಂಕಾದಲ್ಲಿ ಆಚರಿಸಿದ್ದಾರೆ. ಇದಾದ ಬಳಿಕ ಇಂದು ತನ್ನ ಹುಟ್ಟು ಹಬ್ಬವನ್ನೂ ದೀಪಿಕಾ ರಣ್​ವೀರ್​ರೊಂದಿಗೆ ಆಚರಿಸುತ್ತಾರೆ ಎಂದು ತಿಳಿದು ಬಂದಿದೆ. ಆದರೆ ಇಷ್ಟಾಗಿದ್ದರೆ ವಿಶೇಷವಅಗುತ್ತಿರಲಿಲ್ಲ ಆದರೆ ಇಬ್ಬರೂ ವಿರಾಟ್ ಹಾಗೂ ಅನುಷ್ಕಾರಂತೆ ಸದ್ದಿಲ್ಲದೆ ನಿಶ್ಚಿತಾರ್ಥ ಮಾಡಿಕೊಳ್ಳುತ್ತಾರೆಂದು ಹೇಳಲಾಗುತ್ತಿದೆ.

ಇನ್ನು ತಮ್ಮಿಬ್ಬರ ನಡುವಿನ ಸಂಬಂಧದ ಕುರಿತಾಗಿ ಇಬ್ಬರೂ ಅಷ್ಟೇನೂ ಹೇಳಿಕೊಂಡಿಲ್ಲ. ಆದರೂ ಕೆಲ ದಿನಗಳ ಹಿಂದೆ ನಡೆದ ಸಂದರ್ಶನವೊಂದರಲ್ಲಿ ತಾನು ಹಾಗೂ ರಣ್​ವೀರ್ ಇದ್ದರೆ ತನಗೆ ಬೇರೆ ಯಾವುದೇ ವ್ಯಕ್ತಿಯ ಅಗತ್ಯವಿದೆ ಅಂತನಿಸುವುದಿಲ್ಲ. ಇವರ ಈ ಮಾತುಗಳಿಂದಲೇ ಇಬ್ಬರು ಪರಸ್ಪರ ಒಬ್ಬರನ್ನೊಬ್ಬರು ಇಷ್ಟಪಟ್ಟುಕೊಳ್ಳುತ್ತಿದ್ದಾರೆ ಎಂಬುವುದನ್ನು ಅಂದಾಜಿಸಿಕೊಳ್ಳಬಹುದು.

ಇನ್ನು ಕೆಲವೊಮ್ಮೆ ಇಬ್ಬರೂ ತಮ್ಮ ಕುಟುಂಬಸ್ಥರೊಂದಿಗೆ ಗೆಟ್​ ಟು ಗೆದರ್​ ಹಮ್ಮಿಕೊಂಡಿರುವುದೂ ಕಂಡು ಬಂದಿದೆ. ಈ ಸಂದರ್ಭದಲ್ಲೂ ಇಬ್ಬರ ಮದುವೆಯ ವಿಚಾರ ಕೇಳಲು ಸಿಕ್ಕಿದ್ದವು. ಸದ್ಯ ದೀಪಿಕಾ ಮಾತ್ರ 'ನಾನಿನ್ನೂ ಈ ಕುರಿಯತಾಗಿ ಯಾವುದೇ ಯೋಚನೆ ಮಾಡಿಲ್ಲ, ಆದರೆ ನಮ್ಮ ಸಂಬಂಧ ಆ ಮಟ್ಟಕ್ಕೆ ತಲುಪಿದಾಗ ಮದುವೆಯಾಗುತ್ತೇವೆ' ಎಂದಿದ್ದರು.

ಕಳೆದ ಕೆಲ ದಿನಗಳಿಂದ ಇಬ್ಬರೂ ತಮ್ಮ ಬಹು ವಿವಾದಿತ ಸಿನಿಮಾ 'ಪದ್ಮಾವತಿ'ಯಿಂದಾಗಿ ಚರ್ಚೆಯಲ್ಲಿದ್ದರು. ಈಗ ಈ ಹೆಸರನ್ನು ಬದಲಾಯಿಸಿ 'ಪದ್ಮಾವತ್' ಎಂದಿಡಲಾಗಿದೆ. ಇನ್ನು ಇವರಿಬ್ಬರೂ ಸಿನಿಮಾ ರಿಲೀಸ್​ಗೂ ಮೊದಲು ನಿಶ್ಚಿತಾರ್ಥ ಮಾಡಿಕೊಂಡರೆ ಸಭಿಮಾನಿಗಳು ಸಿನಿಮಾ ಮಂದಿರಗಳ ಕಡೆ ದೌಡಾಯಿಸುವುದರಲ್ಲಿ ಅನುಮಾನವಿಲ್ಲ ಎಂಬುವುದು ಹಲವರ ಅಭಿಪ್ರಾಯ.

ಇವರಿಬ್ಬರ ಲವ್​ ಸ್ಟೋರಿ ಗೋಲಿಯೋಂ ಕೀ ರಾಸ್​ಲೀಲಾ- ರಾಮ್​ ಲೀಲಾ ಸಿನಿಮಾ ಸೆಟ್​ನಲ್ಲಿ ಆರಂಭವಾಗಿತ್ತಂತೆ. ಇದಅದ ಬಳಿಕ ಇಬ್ಬರೂ ಪಟ್ಟಿಗೆ ಕಾಣಿಸಿಕೊಳ್ಳುವುದು ಸಾಮಾನ್ಯವಾಗಿದೆ.