Zeeshan Khan: ಪೂರ್ತಿ ಬೆತ್ತಲೆಯಾಗಿ ನೋಡಬೇಕು ಅಂದಿದ್ದರು; ಕಾಸ್ಟಿಂಗ್ ಕೌಚ್ ಬಗ್ಗೆ ಬಾಯ್ಬಿಟ್ಟ Bigg Boss ಸ್ಪರ್ಧಿ

ಸಿನಿ ಅಂಗಳದಲ್ಲಿರುವ ಖ್ಯಾತ ನಿರ್ಮಾಣ ಸಂಸ್ಥೆಯ ನಿರ್ದೇಶಕರ (Director) ಬಳಿ ಆಡಿಶನ್ ಗೆ ತೆರಳಿದ್ದೆ. ನಮ್ಮನ್ನು ಆಡಿಶನ್ ಮಾಡುತ್ತಿದ್ದ ನಿರ್ದೇಶಕರು ಖ್ಯಾತನಾಮರು. ನನ್ನನ್ನು ಅವರ ಪ್ರೊಜೆಕ್ಟ್ ಗೆ ಆಯ್ಕೆ ಮಾಡುವ ಮುನ್ನ ಸಭೆ ನಡೆಸೋದಾಗಿ ಹೇಳಿದ್ದರು. ಸಭೆಯಲ್ಲಿ ನನಗಾದ ಅನುಭವ ಹೇಳಿಕೊಳ್ಳಲು ಸಾಧ್ಯವಿಲ್ಲ ಅಂತ ಹೇಳಿದ್ದಾರೆ.

ನಾನು ಆ ವೇಳೆಗೆ ಒಂದು ಶೋನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಕಿರುತೆರೆಯಲ್ಲಿ ಗುರುತಿಸಿಕೊಂಡಿದ್ದೆ. ಅದು ನನ್ನ ಎರಡನೇ ಶೋ ಆಗಿತ್ತು. ಹಾಗಾಗಿ ನನ್ನನ್ನು ಆಡಿಶನ್ ಗೆ ಆಹ್ವಾನಿಸಲಾಗಿತ್ತು. ನಿರ್ದೇಶಕರು ನನ್ನನ್ನು ನೋಡುತ್ತಿದ್ದಂತೆ ಇವನು ಕಾಲೇಜಿನ ಹುಡುಗನ ರೀತಿ ಕಾಣಿಸುತ್ತಾನೆ ಎಂದು ಹೇಳಿದರು.

ನೀವು ಎಷ್ಟು ಫಿಜಿಕಲಿ ಫಿಟ್ ಆಗಿದ್ದೀಯಾ ಎಂದು ನೋಡಲು ಇಷ್ಟಪಡುತ್ತೇನೆ. ಹಾಗಾಗಿ ನಿನ್ನ ಟೀ ಶರ್ಟ್ ಕಳಚು ಎಂದು ಹೇಳಿದರು. ನಾನು ನಿರ್ದೇಶಕರ ಮಾತಿನಂತೆ ಟಿ ಶರ್ಟ್ ಬಿಚ್ಚಿ ಕಟ್ಟುಮಸ್ತಾದ ದೇಹ ತೋರಿಸಿದೆ.

ಆನಂತರ ನಾನು ನಿನ್ನ ಕಾಲುಗಳನ್ನು ನೋಡಬೇಕು. ಬಹಳಷ್ಟು ಜನ ಕೇವಲ ದೇಹವನ್ನು ಮಾತ್ರ ಫಿಟ್ ಆಗಿ ಇಟ್ಟುಕೊಳ್ಳುತ್ತಾರೆ. ಕಾಲುಗಳತ್ತ ಗಮನ ನೀಡಲ್ಲ. ಲೋವರ್ ಬಾಡಿಯನ್ನು ನಾವು ಗಮನಿಸಬೇಕು ಎಂದು ಹೇಳುತ್ತಿದ್ದಂತೆ ಜೀನಾಶ್ ಗೆ ಮಧ್ಯಪ್ರವೇಶಿಸಿ ಅವರ ಮಾತುಗಳಿಗೆ ಬ್ರೇಕ್ ಹಾಕಿದ್ದಾರೆ. ಜಿಶಾನ್ ಗೆ ಅಲ್ಲಿ ಎಲ್ಲವೂ ಸರಿ ಇಲ್ಲ ಅನ್ನೋದು ಖಾತ್ರಿಯಾಗಿತ್ತು.

ಜೀಶಾನ್ ಅಲ್ಲಿ ಏನು ನಡೆಯುತ್ತಿದೆ ಅನ್ನೋದನ್ನ ಅರ್ಥ ಮಾಡಿಕೊಂಡಿರೋದು ಕಾಸ್ಟಿಂಗ್ ನಿರ್ದೇಶಕರ ಗಮನಕ್ಕೆ ಬಂದಿದೆ. ಸರಿ ಇನ್ನು ಮುಂದೆ ನಾನು ಹೆಚ್ಚು ಹೇಳಲ್ಲ ಎಂದು ನಿರ್ದೇಶಕರು ಹೇಳಿದಾಗ ನಾನು ನೀವು ತಿಳಿದುಕೊಂಡಿರುವ ರೀತಿಯ ಹುಡುಗನಲ್ಲ ಎಂದೆ.

ಇಂತಹ ವಿಷಯಗಳ ಜೊತೆ ಹೊಂದಾಣಿಕೆ ಮಾಡಿಕೊಳ್ಳಲಾರೆ ಎಂದು ಹೇಳಿ ಹೊರಡಲು ಸಿದ್ಧರಾಗುತ್ತಿದ್ದಂತೆ ನಿರ್ದೇಶಕರು, ಈ ಸ್ಥಾನದಲ್ಲಿ ಬಂದು ಕುಳಿತವರು ಏನಾಗಿದ್ದಾರೆ ಎಂಬುವುದು ನಿನಗೆ ಗೊತ್ತಿದೆ ಎಂದು ಹೇಳುತ್ತಾ ಹಲವು ನಟಿಯರ ಹೆಸರು ಹೇಳಿದರು. ಆದ್ರೆ ಇದ್ಯಾವುದನ್ನ ಒಪ್ಪಿಕೊಳ್ಳದ ನಾನು ಹೊರಬಂದೆ ಎಂದು ಜೀಶಾನ್ ಹೇಳಿಕೊಂಡಿದ್ದಾರೆ.

ಅಂದಿನ ಘಟನೆ ನನ್ನನ್ನು ಇಂದೂ ಸಹ ನನ್ನನ್ನು ನೆಮ್ಮದಿಯಾಗಿ ನಿದ್ದೆ ಮಾಡಲು ಬಿಡಲ್ಲ. ಆದ್ರೆ ನನ್ನ ಪ್ರತಿಭೆ ಗುರುತಿಸಿ ಹಲವರು ಕೆಲಸ ನೀಡಿದ್ದಾರೆ. ನಾನು ತುಂಬಾ ಸರಳವಾಗಿ ಜೀವನ ನಡೆಸಬೇಕು ಅಂದುಕೊಂಡಿದ್ದೇನೆ ಎಂದು ಜೀಶಾನ್ ಹೇಳಿದ್ದಾರೆ. (ವರದಿ: ಮೊಹ್ಮದ್ ರಫೀಕ್ ಕೆ)