Malenadu: ಮಲೆನಾಡಿನ ಕಡೆ ಟ್ರಿಪ್ ಹೋಗ್ತಿದ್ದೀರಾ? ಹಾಗಿದ್ರೆ ತೀರ್ಥಹಳ್ಳಿಯ ಈ ಸ್ಥಳಗಳನ್ನು ಮಿಸ್ ಮಾಡದೇ ನೋಡ್ಕೊಂಡ್ ಬನ್ನಿ

ಮಲೆನಾಡಿನ ಪ್ರದೇಶಗಳಿಗೆ ಟ್ರಿಪ್​ ಹೋಗೋ ಆಸೆನಾ? ಹಾಗಾದ್ರೆ ಈ ಯಾವುದೆಲ್ಲಾ ಸ್ಥಳಗಳಿಗೆ ನೀವು ಹೋಗಬಹುದು ಎಂಬುದಾಗಿ ಇಂದು ತಿಳಿಯೋಣ ಬನ್ನಿ.

ತೀರ್ಥಹಳ್ಳಿ ಅಂತ ಹೇಳಿದ ಕೂಡಲೇ ಮೊದಲಿಗೆ ನೆನಪಾಗೋದು ಕುಪ್ಪಳ್ಳಿ. ರಾಷ್ಟ್ರಕವಿ ಕುವೆಂಪು ಜನಿಸಿದ ಊರು ಈ ಕುಪ್ಪಳ್ಳಿ. ಇಲ್ಲಿ ಇವರ ಅದ್ಭುತ ಮನೆಯೇ ಒಂದು ಪ್ರವಾಸಿ ಸ್ಥಳ. ಮನೆಯ ಹತ್ತಿರವೇ ಒಂದು ಕಲ್ಲಿನ ಬೆಟ್ಟವಿದೆ. ಅದನ್ನು ಕವಿಶೈಲಿ ಎಂದು ಕರೆಯಲಾಗುತ್ತೆ. ಮನಮೋಹಕ ದೃಶ್ಯಗಳನ್ನು ನೀವು ಕಾಣಬಹುದು. ತೀರ್ಥಹಳ್ಳಿ ಪಟ್ಟಣದಿಂದ ಕೇವಲ 16 ಕಿ.ಮೀ ದೂರ ಸಾಗಿದ್ರೆ ಸಿಗುತ್ತೆ ಕುಪ್ಪಳ್ಳಿ.

ನಗರ ಕೋಟೆ: ತೀರ್ಥಹಳ್ಳಿಯ ನದಿಯ ಬಳಿ ಇರುವುದೇ ಈ ಕೋಟೆ. ಹಚ್ಚ ಹಸಿರಿನ ನಡುವೆ ಈ ಕೋಟೆ ಇದೆ. ಕಲ್ಲಿನಿಂದ ಕಟ್ಟಲಾದ ಈ ನಗರ ಕೋಟೆಗೆ ನೂರಾರು ವರ್ಷಗಳ ಇತಿಹಾಸವಿದೆ.

ತಾವರೆಕೊಪ್ಪ: ಈ ನಗರದಲ್ಲಿ 1988ರಲ್ಲಿ 200 ಹೆಕ್ಟೇರ್​ ಪ್ರದೇಶದಲ್ಲಿ ಸಿಂಹ ಮತ್ತು ಹುಲಿಯ ಸಫಾರಿ ಆರಂಭವಾಗಿದೆ. ಈ ಪ್ರಾಣಿಗಳನ್ನು ನೋಡಿ ನೀವು ಆನಂದಿಸಬಹುದು.

ಚಿಬ್ಬಲಗುಡ್ಡೆ: ತೀರ್ಥಹಳ್ಳಿಯಿಂದ ಕೇವಲ 10ಕಿ.ಮೀ ಸಾಗಿದರೆ ಸಾಕು ಈ ಚಿಬ್ಬಲಗುಡ್ಡೆ ನಿಮಗೆ ಸಿಗುತ್ತದೆ. ಶ್ರೀ ಗಣೇಶನ ದೇವಸ್ಥಾನ ಇಲ್ಲಿದೆ. ಹಲವಾರು ಭಕ್ತಾದಿಗಳು ಇಲ್ಲಿಗೆ ಆಗಮಿಸುತ್ತಾರೆ.

ಮಂಡಗದ್ದೆ ಪಕ್ಷಿಧಾಮ: ಶಿವಮೊಗ್ಗ ಪಟ್ಟಣದಿಂದ ಸುಮಾರು 32 ಕಿ.ಮೀ ಸಾಗಿದರೆ ಸಾಕು ಈ ಪಕ್ಷಿಧಾಮ ಸಿಗುತ್ತೆ. ತುಂಗಾ ನದಿಯ ಮೇಲಿರುವ ಒಂದು ಸುಂದರವಾದ ದ್ವೀಪವಾಗಿದೆ. ನಾನಾರೀತಿಯ ಪಕ್ಷಿಗಳನ್ನು ನೀವಿಲ್ಲಿ ಕಾಣಬಹುದು. ಮೈಂಡ್​ ರಿಫ್ರೆಶ್​ ಆಗೋದು ಪಕ್ಕಾ.

ಕವಲೇ ದುರ್ಗ: ಇದೊಂದು ಟ್ರಕ್ಕಿಂಗ್​ ಪ್ಲೇಸ್​. ಟ್ರಕ್ಕಿಂಗ್​ ಆಸಕ್ತಿ ಇದ್ದರೆ ನೀವಿಲ್ಲಿಗೆ ಹೋಗಬಹುದು. ತೀರ್ಥಹಳ್ಳಿ ಪಟ್ಟಣದಿಂದ 20ಕಿ.ಮೀ ಸಾಗಿದರೆ ಸಾಕು ಟ್ರಕ್ಕಿಂಗ್​ ಆರಂಭಿಸಬಹುದು. ಕೋಟೆಯ ವರಾಹಿ ನದಿ ಮತ್ತು ಪಶ್ಚಿಮ ಘಟ್ಟಗಳ ರಮಣೀಯ ಪರಿಸರಗಳನ್ನು ನೀವು ಕಾಣಬಹುದು.

ಮಲೆನಾಡಿನಲ್ಲಿ ನೀವು ಭೇಟಿ ನೀಡಲೇಬೇಕಾದಂತಹ ಸುಂದರ ಸ್ಥಳಗಳಿವು. ಜೊತೆಗೆ ಇಲ್ಲಿನ ಆಹಾರ ಪದ್ಧತಿ, ಜನರ ಜೀವನಶೈಲಿ ಕೂಡ ಅಷ್ಟೇ ವಿಭಿನ್ನವಾಗಿರುತ್ತದೆ.