Sunday Outing in Bengaluru: ಬೆಂಗಳೂರಿನಲ್ಲಿ ಭಾನುವಾರ ಸುತ್ತಾಡೋಕೆ ಸಖತ್ ಐಡಿಯಾಗಳು: ಟ್ರಿಪ್ ಬಜೆಟ್ 5 ರೂಪಾಯಿಂದ ಶುರು!

01. ವಂಡರ್​ ಲಾ , ಬಜೆಟ್​ - 970ರೂ. : ಮನೆಯಲ್ಲೇ ಇದ್ದು ಬೋರ್​ ಆಗಿದ್ದರೆ, ಫ್ಯಾಮಿಲಿ ಸಮೇತ ಸಂಡೇ ವಂಡರ್​ ಲಾಗೆ ಹೋಗಬಹುದು. ಇದಕ್ಕೆ ನೀವು ಹೆ್ಚು ದೂರ ಟ್ರಾವೆಲ್​ ಮಾಡುವ ಅವಶ್ಯಕತೆ ಇಲ್ಲ. ಬೆಂಗಳೂರಿನಿಂದ 20 ರಿಂದ 30 ನಿಮಿಷ ಪ್ರಯಾಣ ಮಾಡಿದರೆ ಸಾಕು ವಂಡರ್​ ಲಾ ಸಿಗುತ್ತೆ. ಈ ಅಮ್ಯೂಸ್​​ಮೆಂಟ್​ ಪಾರ್ಕ್​ಗೆ ಭೇಟಿ ನೀಡಿ ರಿಲ್ಯಾಕ್ಸ್​ ಆಗಿ.

2. 1947 ಹೋಟೆಲ್​ ರಾಜಾಜಿನಗರ, ಬಜೆಟ್​ -  327ರೂ. : ಮನೆಯಲ್ಲೇ ಅಡುಗೆ ಮಾಡಿ, ತಿಂದು ಬೋರ್​ ಆಗಿದ್ಯಾ? ಹಾಗಿದ್ರೆ ರಾಜಾಜಿನಗರದಲ್ಲಿರೋ 1947 ರೆಸ್ಟೋರೆಂಟ್​ಗೆ ಭೇಟಿ ನೀಡಿ. ಇಲ್ಲಿ ನೀವು ಡಿಫ್ರೆಂಟ್​ ಡಿಫ್ರೆಂಟ್ ಊಟವನ್ನು ಸವಿಯಬಹುದು. ಭಾನುವಾರ ಲಂಚ್​, ಅಥವಾ ಡಿನ್ನರ್​ಗೆ ಪ್ಲ್ಯಾನ್​ ಮಾಡಿಕೊಳ್ಳಿ.

3. ಮಂಚಿನಬೆಲೆ ಡ್ಯಾಮ್​ ​, ಬಜೆಟ್​ - 1,500 ರೂ. : ಕೆಲಸದ ಒತ್ತಡದಿಂದ ಎಲ್ಲೂ ಹೋಗಲು ಸಾಧ್ಯವಾಗಿಲ್ವಾ?. ಭಾನುವಾರದಂದು ರಜೆ ಸಿಕ್ಕಾಗ ಎಲ್ಲಾದರೂ ಹೋಗೋಣ ಅಂದುಕೊಂಡಿದ್ರೆ, ಮಂಚಿನಬೆಲೆ ಡ್ಯಾಮ್​ಗೆ ಭೇಟಿ ನೀಡಿ. ಸೈಕ್ಲಿಂಗ್​, ಬೈಕ್​ ರೈಡ್​ ಮಾಡಿಕೊಂಡು ಇಲ್ಲಿಗೆ ಹೋಗಬಹುದು. ಬೆಂಗಳೂರಿನಿಂದ ಕೇವಲ 30 ಕಿಮೀ ದೂರವಿದೆ.

4.ಇನೋವೆಟಿವ್ ಫಿಲ್ಮ್ ಸಿಟಿ, ಬಜೆಟ್​ - 225 ರೂ. : ಇನ್ನೂ ಬಿಡದಿ ಸಮೀಪವಿರುವ ಇನೋವೆಟಿವ್​ ಫಿಲ್ಮ್​ ಸಿಟಿಗೆ ಹೋಗಲು ನೀವು ಸಂಡೇ ಪ್ಲಾನ್​ ಮಾಡಬಹುದು. ಇದೊಂದು ಅಮ್ಯೂಸ್​ಮೆಂಟ್​ ಹಾಗೂ ಥೀಮ್​ ಪಾರ್ಕ್. ಭಾನುವಾರದಂದು ಫ್ಯಾಮಿಲಿ ಜತೆ ಹ್ಯಾಂಗ್​ಔಟ್​ ಮಾಡಲು ಒಳ್ಳೆಯ ಜಾಗ.

5 . ಗೋಲ್ಡನ್ ಅಮೂನ್ ರೆಸಾರ್ಟ್ಸ್, ಬಜೆಟ್​- 1065 ರೂ. : ಯಾವುದಾದರೂ ಒಳ್ಳೆ ರೆಸಾರ್ಟ್​ಗೆ ಹೋಗಬೇಕು ಅಂದುಕೊಂಡಿದ್ದೀರಾ? ಹೊಸಕೋಟೆ, ಓಲ್ಡ್​ ಮದ್ರಾಸ್​ ರೋಡ್​​ನಲ್ಲಿರುವ ಗೋಲ್ಡ್​ನ್​ ಅಮೂನ್ ರೆಸಾರ್ಟ್​ಗೆ ಹೋಗಿ.  ಇಲ್ಲಿ ಈಜಿಪ್ಟ್​ ಥೀಮ್​ ರೆಸಾರ್ಟ್​ ಮಾಡಲಾಗಿದೆ. ಬೆಂಗಳೂರಿನಿಂದ ಅಷ್ಟೇನೂ ದೂರವಿಲ್ಲ. 50 ಕಿಮೀ ಕ್ರಮಿಸಿದರೆ ಸಾಕು.

6. ಹಟ್ಟಿಕಾಫಿ ಏರ್​ಪೋರ್ಟ್​, ಬಜೆಟ್​- 100ರೂ. : ಸುಮ್ನೆ ಹಾಗೇ ಒಂದ್​ ರೈಡ್​ ಹೋಗೋಣ ಅಂದುಕೊಳ್ಳುವವರಿಗೆ ಕೆಂಪೇಗೌಡ ಇಂಟರ್​ ನ್ಯಾಷನಲ್​ ಏರ್​ಪೋರ್ಟ್​ನಲ್ಲಿರುವ ಹಟ್ಟಿಕಾಫಿ ಬೆಸ್ಟ್​ ಚಾಯ್ಸ್​​. ರೈಡ್ ಮಾಡಿದ ಹಾಗೇಯೂ ಆಗುತ್ತೆ. ಏರ್​​ಪೋರ್ಟ್​ ನೋಡವುದು ಆಗುತ್ತೆ. ಜೊತೆಗೆ ಒಂದೊಳ್ಳೆ ಕಾಫಿ. ಇನ್ನೇನು ಬೇಕು ಹೇಳಿ..

7. ಉತ್ತರಿ ಬೆಟ್ಟ, ಬಜೆಟ್​- 1200  ರೂ. ಹೌದು ಬೆಂಗಳೂರಿನಿಂದ 75 ಕಿಮೀ ದೂರದಲ್ಲಿ ಈ ಉತ್ತರಿ ಬೆಟ್ಟ ಇದೆ. ಕುಣಿಗಲ್​-ಮಾಗಡಿ ರಸ್ತೆ ಮಾರ್ಗವಾಗಿ ಹೋಗಬೇಕು. ಮುಂಜಾನೆ ಇಲ್ಲಿ ಭೇಟಿ ನೀಡಿದರೆ. ಸೂಯೋರ್ದಯದ ಕ್ಷಣಗಳನ್ನು ಕಣ್ತುಂಬಿಕೊಳ್ಳಬಹುದು

8. ಇಸ್ಕಾನ್​ ದೇಗುಲ, ಬಜೆಟ್​ - 100 ರೂ. : ಎಲ್ಲೂ ಬೇಡ ನಾವು ದೇವಸ್ಥಾನಕ್ಕೆ ಹೋಗ್ತಿವಿ ಅನ್ನುವವರು ಇಸ್ಕಾನ್​ಗೆ ಭೇಟಿ ನೀಡಬಹುದು. ಇಲ್ಲಿಗೆ ತಲುಪಲು ಆಟೋ, ಬಸ್ ಹಣ ಬಿಟ್ಟರೆ ಇನ್ಯಾವ ಖರ್ಚು ಇಲ್ಲ. ಸಂಡೇ ಶ್ರೀ ಕೃಷ್ಣನ ದರ್ಶನ ಮಾಡಿ, ಭಜನೆ ಮಾಡಬಹುದು. ಮುಂದಿನ ವಾರ ಮತ್ತಷ್ಟು ಬೆಂಗಳೂರು ಸ್ಥಳಗಳ ಬಗ್ಗೆ ಮಾಹಿತಿ ಕೊಡುತ್ತೇವೆ.