Zomato: ನೀವು ಜೊಮ್ಯಾಟೋದಲ್ಲಿ ಫುಡ್​ ಆರ್ಡರ್​ ಮಾಡ್ತೀರಾ? ಇನ್ನು ಮುಂದೆ ಹುಷಾರ್​!

ಬೆಂಗಳೂರು, ಮಂಗಳೂರು ಸೇರಿದಂತೆ ರಾಜ್ಯದ ವಿವಿಧ ಭಾಗಗಳಲ್ಲಿ ಜೊಮ್ಯಾಟೋ ಡೆಲಿವರಿ ಲಭ್ಯವಿದೆ. ಅಡುಗೆ ಮಾಡಲು ಸೋಂಬೇರಿ ಆದ್ರೆ ಅಥವಾ ಮನೆಯಲ್ಲಿ ತರಕಾರಿಗಳು  ಖಾಲಿ ಆಗಿದ್ರೆ ಜೊಮ್ಯಾಟೋ, ಸ್ವಿಗ್ಗಿನೇ ಪಂಚಾಮೃತ. ಅಲ್ವಾ?

ಆರ್ಡರ್​ ಮಾಡಿದ ಕೆಲವೇ ಕ್ಷಣಗಳಲ್ಲಿ ಮನೆಯ ಬಾಗಿಲಿಗೆ ತಂದು ಕೊಡುತ್ತವೆ. ಆದರೆ ಜೊಮ್ಯಾಟೋದಲ್ಲಿ ಫುಡ್​ ಆರ್ಡರ್​ ಮಾಡುವವರು ಇನ್ನು ಮುಂದೆ ಹುಷಾರ್​ ಆಗಿ ಇರಬೇಕು. ಯಾಕೆ ಅಂತ ಕೇಳ್ತೀರಾ? ಈ ಸುದ್ದಿಯನ್ನು ಸಂಪೂಣರ್ವಾಗಿ ಓದಿ.

ಇದೀಗ ಜೊಮ್ಯಾಟೋದ ಒಂದು ಹಗರಣ ಬೆಳಕಿಗೆ ಬಂದಿದೆ. ಲಿಂಕ್ಡ್​ಇನ್​ ನಲ್ಲಿ ವೈರಲ್​ ಆಗ್ತಾ ಇರುವ ಈ ಸುದ್ಧಿಯನ್ನು ಸ್ವತಃ ಜೊಮ್ಯಾಟೋದ CEO ದೀಪಿಂದರ್​ ಗೋಯಲ್​ ಅವರೇ ಪ್ರತಿಕ್ರಿಯಿಸಿದ್ದಾರೆ.

ಉದ್ಯಮಿಯಾದ ವಿನಯ್​ ಸತಿ ಎಂಬುವವರು ರೆಸ್ಟೋರೆಂಟ್​ನಿಂದ ಬರ್ಗರ್​ಗಳನ್ನು ಆರ್ಡರ್​ ಮಾಡಿದ್ದಾರೆ. ಜೊಮ್ಯಾಟೋ ಡೆಲಿವರಿ ಬಾಯ್​ ಆ ಮನೆಯ ಬಾಗಿಲಿಗೆ ಬರ್ಗರ್​ ಹೊತ್ತು ತಂದಿದ್ದಾರೆ. ಈ ಉದ್ಯಮಿ  ಆಗಲೇ ಆನ್ಲೈನ್​ ಕ್ಯಾಶ್​ ಮಾಡಿದ್ದರು. ಆದರೆ, ಡೆಲಿವರಿ ಮ್ಯಾನ್​ ಆನ್​ಲೈನ್​ ನಲ್ಲಿ ಹಣ ಪಾವತಿಸದಂತೆ ಬದಲಿಗೆ ಕ್ಯಾಶ್​ ಆನ್​ ಡೆಲಿವರಿ ಆಯ್ಕೆಯನ್ನು ಆರಿಸುವಂತೆ ಸಲಹೆಯನ್ನು ನೀಡಿದ್ದಾರೆ.

ಇದಕ್ಕೆ ವಿನಯ್​ ಸತಿ ಅವರು ಕಾರಣವನ್ನು ಕೇಳಿದ್ದಾರೆ. ಆನ್​ಲೈನ್​ನಲ್ಲಿ 700 ಅಥವಾ 800ರೂ. ಗೆ ಆರ್ಡರ್​ ಮಾಡುವ ಫುಡ್​ನ ದರ ಕೇವಲ 200ರೂ.ಗಳು ಮಾತ್ರ ಅಂತ ಫುಡ್​ ಡೆಲಿವರಿ ಮ್ಯಾನ್​ ವಿವರಿಸಿದ್ದಾರೆ. ಇದನ್ನು ಕೇಳಿದ ವಿನಯ್​ ಸತಿ ಅವ್ರು ಶಾಕ್​ ಆಗಿದ್ದಾರೆ.

ಈ ಪೋಸ್ಟ್​ಗೆ 600 ಕ್ಕೂ ಹೆಚ್ಚು ಲೈಕ್ಸ್​ ಬಂದಿದೆ. ಅದೂ ಅಲ್ಲದೆ 18ಬಾರಿ ಮರುಪೋಸ್ಟ್​ ಮಾಡಲಾಗಿದ್ದು, ಜೊಮ್ಯಾಟೋನ ವ್ಯವಸ್ಥೆಗೆ ಗೊಂದಲ ವನ್ನು ಸೃಷ್ಠಿಯಾಗಿದೆ.

ಇದಕ್ಕೆ ಜೊಮ್ಯಾಟೋವಿನ CEO ದೀಪೇಂದರ್​ ಗೋಯಲ್​, ಈ ಹಗರಣದ ಬಗ್ಗೆ ಅರಿವಿದ್ದು, ಲೋಪದೋಷಕ್ಕೆ ತೆರೆ ಎಳೆಯುವ ಕೆಲಸ ಮಾಡುತ್ತಿರುವುದಾಗಿ ತಮ್ಮ ಗ್ರಾಹಕರಿಗೆ ಭರವಸೆ ನೀಡಿದ್ದಾರೆ. ಇನ್ನಾದ್ರೂ  ನೀವು ಫುಡ್​ಗಳನ್ನು ಆರ್ಡರ್​ ಮಾಡುವಾಗ  ಹುಷಾರಾಗಿರಿ.