Viral Photo: ಇದು ಕೊಚ್ಚೆ ಅಂಟಿಕೊಂಡ ಹರಿದ ಶೂ ಅಲ್ಲ! ಲಕ್ಷ ಬೆಲೆ ಬಾಳುವ ಬ್ರಾಂಡೆಡ್​ ಶೂ

ಸಾಮಾನ್ಯವಾಗಿ ಹರಿದ ಬಟ್ಟೆ, ಶೂಗಳಿದ್ದರೆ ಅದನ್ನು ಎಸೆದು ಬಿಡುತ್ತೇವೆ. ಆದರೀಗ ಹರಿದ ಶೂ, ಬಟ್ಟೆಯೆಂದರೆ ಫ್ಯಾಷನ್ ಆಗಿದೆ. ಬಹುತೇಕರು ಇಂತಹ ಫ್ಯಾಷನ್  ಅನ್ನು ಇಷ್ಟಪಟ್ಟಿದ್ದಾರೆ. ಇನ್ನು ಕೆಲವರು ಇಂತಹ ಸ್ಟೈಲಿಗೆ ಒಗ್ಗಿಕೊಳ್ಳುತ್ತಿದ್ದಾರೆ. ಅದರಂತೆಯೇ ಐಷಾರಾಮಿ ಫ್ಯಾಷನ್ ಬ್ರಾಂಡ್ ಆಗಿರುವ ಬಾಲೆನ್ಸಿಯಾಗ ಹರಿದ ಮತ್ತು ತುಂಬಾ ಹಳೆಯದಾಗಿ ಕಾಣುವ ಶೂ ಅನ್ನು ಮಾರುಕಗ್ಟೆಗೆ ಪರಿಚಯಿಸಿದೆ.

ಅಚ್ಚರಿಯ ವಿಚಾರವೆಂದರೆ, ಈ ಶೂವಿನ ಬೆಲೆ ಎಷ್ಟೆಂದರೆ ಜನರು ಇದನ್ನು ಖರೀದಿ ಮಾಡುವ ಹಣದಲ್ಲಿ ದ್ವಿಚಕ್ರ ವಾಹನ ಖರೀದಿಸಬಹುದು. ಹೌದು, Balenciaga ಅವರ ಹೊಸ ಸೂಪರ್-ಡಿಸ್ಟ್ರೆಸ್ಡ್ ಶೂಗಳನ್ನು ನೋಡಿದ ನಂತರ, ಬಳಕೆದಾರರು ಸಾಮಾಜಿಕ ಮಾಧ್ಯಮದಲ್ಲಿ ಟ್ರೋಲ್ ಮಾಡಲು ಪ್ರಾರಂಭಿಸಿದ್ದಾರೆ.

ಬಾಲೆನ್ಸಿಯಾಗ ಶೂಗಳನ್ನು 'ಪ್ಯಾರಿಸ್ ಸ್ನೀಕರ್' ಸಂಗ್ರಹ ಎಂದು ಕರೆಯಲಾಗುತ್ತದೆ. ಸಂಪೂರ್ಣ ಹರಿದಿರುವ ನೂರು ಜೋಡಿ ಶೂಗಳನ್ನು ಮಾತ್ರ ಕಂಪನಿ ಮಾರುಕಟ್ಟೆಗೆ ತಂದಿದೆ ಎಂದು ಹೇಳಲಾಗುತ್ತಿದೆ. ಹರಿದ ಬಾಲೆನ್ಸಿಯಾಗ ಶೂಗಳ ಬೆಲೆ 1,43,000 ಆಗಿದೆ.

ಹರಿದ ಬೂಟುಗಳು ಪ್ರಪಂಚದಾದ್ಯಂತ ಮುಂಗಡ-ಬುಕ್ ಮಾಡುವ ಅವಕಾಶವಿದೆ. ಒಂದು ವೇಳೆ 1.43 ಲಕ್ಷ ಮೌಲ್ಯದ ಹರಿದ ಬೂಟುಗಳನ್ನು ಖರೀದಿಸಲು ಬಯಸುವಿರಾದರೆ, ಬಾಲೆನ್ಸಿಯಾಗ ಸ್ನೀಕರ್ಸ್ ಸೈಟ್​ಗೆ ಹೋಗಿ ನಂತರ ಬುಕ್ಕಿಂಗ್ ಮಾಡಬಹುದಾಗಿದೆ.

ಈ ಹರಿದಿರುವ ಶೂಗಳು ಶತಮಾನದ ಮಧ್ಯಭಾಗದ ಅಥ್ಲೆಟಿಸಮ್ ಅನ್ನು ಹೋಲುವ ಶ್ರೇಷ್ಠ ವಿನ್ಯಾಸವನ್ನು ಹೊಂದಿದೆ. ಈ ಬೂಟುಗಳು ಕಪ್ಪು, ಬಿಳಿ ಮತ್ತು ಕೆಂಪು ಬಣ್ಣಗಳಲ್ಲಿದ್ದು, ಬಿಳಿ ರಬ್ಬರ್ ಬ್ಯಾಂಡ್​ಗಳೊಂದಿಗೆ ಮತ್ತು ಟೋ ಭಾಗಗಳು ಗೋಚರಿಸುತ್ತವೆ.

ಬಾಲೆನ್ಸಿಯಾಗ ಅಧಿಕೃತ ಸೈಟ್​ನಲ್ಲಿನ ವಿವರಣೆಯ ಪ್ರಕಾರ, ಸ್ನೀಕರ್ಗಳನ್ನು ಸಂಪೂರ್ಣವಾಗಿ ಕೊಳೆತ ಹತ್ತಿ ಮತ್ತು ರಬ್ಬರ್​ನಿಂದ ತಯಾರಿಸಲಾಗುತ್ತದೆ. Balenciaga ದ ಈ ಸ್ನೀಕರ್​ಗಳು ತಮ್ಮ ವೆಬ್​ಸೈಟ್ ಮೂಲಕ ವಿಶ್ವಾದ್ಯಂತ ಲಭ್ಯವಿರುತ್ತವೆ. ಇದು ಈಗಾಗಲೇ ಯುರೋಪಿಯನ್ ಮಾರುಕಟ್ಟೆಗಳಲ್ಲಿ ಲಭ್ಯವಿದೆ. ಮೇ 16 ರಂದು ಯುನೈಟೆಡ್ ಸ್ಟೇಟ್ಸ್ ಮತ್ತು ಮಧ್ಯಪ್ರಾಚ್ಯದಲ್ಲಿ ಮತ್ತು ಮೇ 23 ರಂದು ಜಪಾನ್​​ನಲ್ಲಿ ಅಂಗಡಿಗಳಲ್ಲಿ ಲಭ್ಯವಿರುತ್ತದೆ.