Flight Benefits: ವಿಮಾನದಲ್ಲಿ ಮಗು ಹುಟ್ಟಿದ್ರೆ ಲೈಫ್​ ಟೈಮ್​ ಫ್ರೀಯಾಗಿ ಪ್ರಯಾಣಿಸಬಹುದಾ? ಇಲ್ಲಿದೆ ಕಂಪ್ಲೀಟ್​​ ಡೀಟೇಲ್ಸ್​

ವಿಮಾನದಲ್ಲಿ ಪ್ರಯಾಣಿಸುವಾಗ ಮಗು ಜನನವಾದರೆ ಏನು ಮಾಡಬೇಕು? ಅದು ಯಾವ ದೇಶಕ್ಕೆ ಸೇರುತ್ತೆ ಇಂತಹ ಪ್ರಶ್ನೆಗಳು ಹಲವಾರು ಬಾರಿ ನಮ್ಮಲ್ಲಿ ಮೂಡುತ್ತದೆ. ಇದರ ಬಗ್ಗೆ ತಿಳಿಯೋಣ ಬನ್ನಿ.

ವಿಮಾನದಲ್ಲಿ ಮಗು ಜನನವಾದರೆ ಇನ್ನು ಮುಂದೆ ವಿಮಾನದಲ್ಲಿ ಓಡಾಡುವಾಗ ಫ್ರೀ ಟಿಕೆಂಟ್ ಅಂತೆ, ಹೌದಾ? ವ್ಯಕ್ತಿಯು ಯಾವುದೇ ದೇಶಕ್ಕೆ ಹೋಗಲು ವೀಸಾ ತೆಗೆದುಕೊಳ್ಳಬೇಕಾಗಿಲ್ಲ. ಅಷ್ಟೇ ಅಲ್ಲ, ಹುಟ್ಟಿದ ಸಮಯದಲ್ಲಿ ಮಗುವಿಗೆ ವಿಮಾನವು ಹಾರಿದ ದೇಶದ ಪೌರತ್ವವನ್ನು ನೀಡಲಾಗುತ್ತದೆ ಎಂದೆಲ್ಲಾ ಮಾತುಗಳು ಕೇಳಿ ಬರುತ್ತಿತ್ತು. ಆದರೆ ಈ ಮಾತುಗಳೆಲ್ಲಾ ಸುಳ್ಳು. ಗಾಳಿ ಸುದ್ಧಿ ಅಂತಲೇ ಹೇಳಬಹುದು.

ವಿಮಾನದಲ್ಲಿಯೇ ಮಗು ಜನಿಸಿದರೆ ಬಹುಶಃ ಆ ವಿಮಾನ ಸಂಸ್ಥೆ ವತಿಯಿಂದ ಏನಾದ್ರೂ ಸ್ಪೆಷಲ್​ ಗಿಫ್ಟ್​ಗಳನ್ನು ನೀಡಬಹುದೇ ಹೊರತು ಫ್ರೀ ಎಂಟ್ರಿ ಅಥವಾ ವೀಸಾ ಇಲ್ಲದೆ ಪ್ರಯಾಣ ಎಲ್ಲ ಇಲ್ಲ.

ಈ ಹಿಂದೆ 2016 ರಲ್ಲಿ ಸೆಬು ಪೆಸಿಫಿಕ್ ಏರ್ ತನ್ನ ವಿಮಾನದಲ್ಲಿ ಜನಿಸಿದ ಮಗುವಿಗೆ 1,000,000 ಗೆಟ್ ಗೋ ಪಾಯಿಂಟ್‌ಗಳನ್ನು ನೀಡುವುದಾಗಿ ಘೋಷಿಸಿತ್ತು. ಇದರ ಸಹಾಯದಿಂದ, ಆ ಮಗು ಯಾವುದೇ ಸಮಯದಲ್ಲಿ ತನಗಾಗಿ ಟಿಕೆಟ್ ಖರೀದಿಸಬಹುದಾಗಿದೆ.

ವೈದ್ಯರ ಸಲಹೆಯ ಪ್ರಕಾರ ಗರ್ಭಿಣಿಯರು ವಿಮಾನ ಮಾಡುವುದು ಸೇಫ್​ ಅಲ್ಲ. ಅನಿವಾರ್ಯ ಸಮಯದಲ್ಲಿ 6 ತಿಂಗಳ ಒಳಗೆ ಇದ್ದಲ್ಲಿ ಪ್ರಯಾಣಿಸಬಹುದು. 7 ತಿಂಗಳುಗಳಿಗಿಂತ ಹೆಚ್ಚಿನ ಅವಧಿಯ ಗರ್ಭಿಣಿಯರು ಭಾರತದ ವಿಮಾನದಲ್ಲಿ ಪ್ರಯಾಣಿಸಲು ಅನುಮತಿ ಇಲ್ಲ.

ವಿಮಾನದಲ್ಲಿ ಮಗುವಿನ ಜನನದ ಸಮಯದಲ್ಲಿ, ಹುಟ್ಟಿದ ಸಮಯ ಮತ್ತು ಅದು ಯಾವ ದೇಶದ ಗಡಿಯಿಂದ ಹಾರುತ್ತದೆ ಎಂಬುದನ್ನು ಮೊದಲು ಗಮನಿಸಬೇಕು. ವಿಮಾನ ಬಂದಿಳಿದ ವಿಮಾನ ನಿಲ್ದಾಣ ಪ್ರಾಧಿಕಾರವು ಮಗುವಿನ ಜನನ ಪ್ರಮಾಣಪತ್ರವನ್ನು ಕೇಳುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಮಗುವಿನ ಜನನ ಪ್ರಮಾಣಪತ್ರದಲ್ಲಿ ಮಗು ಹುಟ್ಟಿದ ಗಡಿಯ ಆಧರಿಸಿ ಪೌರತ್ವ ನೀಡಬಹದು. ಆದಾಗ್ಯೂ, ಮಗುವಿಗೆ ಪೋಷಕರ ದೇಶದ ಪೌರತ್ವವನ್ನು ಪಡೆಯುವ ಹಕ್ಕನ್ನು ಸಹ ಹೊಂದಿದೆ.

ಇಷ್ಟು ರೂಲ್ಸ್​ಗಳು ಇದೇ ಹೊರತು ಫ್ರೀಯಾಗಿ ಪ್ರಯಾಣಿಸುವಂತಹ ಯಾವುದೇ ನೀತಿಗಳು ಇಲ್ಲ. ಇದೆಲ್ಲ ಸುಳ್ಳು ಸುದ್ಧಿ ಅಂತ ಹಲವಾರು ವಿಮಾನ ಸಂಸ್ಥೆಯವರೇ ತಿಳಿಸಿದ್ದಾರೆ.