Photos: ಈಕೆ ಯಾರಿಗಿಂತಲೂ ಕಡಿಮೆಯಿಲ್ಲ! 6 ತಿಂಗಳು ಟ್ರಕ್​ ಓಡಿಸಿ 60 ಲಕ್ಷ ಎಣಿಸುತ್ತಾಳೆ!

ಚಾಲಕ ಮತ್ತು ವಾಹನ ಚಲಾಯಿಸುವ ಕೆಲಸ ಸುಲಭದ ಕೆಲಸವೇನಲ್ಲ. ಅದರಲ್ಲೂ ಬಸ್, ಟ್ರಕ್ ಚಲಾಯಿಸುವ ಕೆಲಸ ಅತಿ ಕಷ್ಟಕರವಾದದ್ದು. ಟ್ರಕ್ ಚಲಾಯಿಸುವವರು ದಿನನಿತ್ಯ ಪ್ರಯಾಣದಲ್ಲೇ ಇರುತ್ತಾರೆ. ಊರು, ರಾಜ್ಯಗಳನ್ನು ದಾಡುತ್ತಾ ಪ್ರಯಾಣ ಮಾಡುವವರೂ ಇದ್ದಾರೆ. ಅಂದಹಾಗೆಯೇ ಇಲ್ಲೊಬ್ಬಳು ಮಹಿಳಾ ಟ್ರಕ್ ಡ್ರೈವರ್ ಜೀವನದ ಕಥೆ ತುಂಬಾ ಚೆನ್ನಾಗಿದೆ. ಅಂದಹಾಗೆಯೇ ಈಕೆಯ ಹೆಸರು ಆಶ್ಲಿಯಾ. ಡೈಲಿ ಸ್ಟಾರ್ ಪ್ರಕಾರ, ಆಶ್ಲಿಯಾ 6 ತಿಂಗಳ ಕಾಲ ಟ್ರಕ್ ಅನ್ನು ಓಡಿಸುತ್ತಾರೆ. ಆದರೆ ಆಶ್ಲಿಯಾ ಬರೀ ಆರು ತಿಂಗಳಿಗೆ £ 63k ಗಳಿಸುತ್ತಾರೆ. ಭಾರತೀಯ ಕರೆನ್ಸಿಯ ಪ್ರಕಾರ ಆರು ತಿಂಗಳಿಗೆ ಈಕೆ 60 ಲಕ್ಷ 25 ಸಾವಿರ ರೂಪಾಯಿಗಳಷ್ಟು ದುಡಿಯುತ್ತಾರೆ.

ಆಶ್ಲಿಯಾ ಫ್ಲೈ ಇನ್ ಫ್ಲೈ ಔಟ್ ವರ್ಕರ್ ಆಗಿ ಕೆಲಸ ಮಾಡುತ್ತಾಳೆ. ಇಲ್ಲಿ ನೌಕರರನ್ನು ಅಲ್ಪಾವಧಿಗೆ ದೂರದ ಪ್ರದೇಶಗಳಿಗೆ ಕಳುಹಿಸಲಾಗುತ್ತದೆ. ಆಶ್ಲಿಯಾ ಯಾವುದೇ ಅನುಭವವಿಲ್ಲದೆ ರಿಮೋಟ್ ಗಣಿಯಲ್ಲಿ ಕೆಲಸ ಮಾಡಲು ಪ್ರಾರಂಭಿಸುತ್ತಾಳೆ. ಇರೊಂದಿಗೆ ಈಕೆ ಟಿಕ್ಟಾಕ್ ಮಾಡುತ್ತಾಳೆ. ಹೀಗಾಗಿ ಆಶ್ಲಿಯಾ ಇವೆಲ್ಲವನ್ನು ಸೇರಿಸಿ ಆರು ತಿಂಗಳಿಗೆ 60 ಲಕ್ಷಕ್ಕಿಂತ ಹೆಚ್ಚು ಗಳಿಸುತ್ತಿದ್ದಾಳೆ.

ಡೈಲಿ ಸ್ಟಾರ್ ವರದಿಯ ಪ್ರಕಾರ, ಆಶ್ಲಿಯಾ £ 24.84 ಅಂದರೆ ಗಂಟೆಗೆ ಸುಮಾರು 2375 ರೂ. ಗಳಿಸುತ್ತಾಳೆ. ಆಕೆ ಟ್ರಕ್ ಡ್ರೈವರ್ ಆಗಿ ಮೊದಲ ವರ್ಷದಲ್ಲಿ ಸುಮಾರು £ 54k ಅಂದರೆ ರೂ 51 ಲಕ್ಷಕ್ಕಿಂತ ಹೆಚ್ಚು ಗಳಿಸಿದರು. ಈಗ ಅವರು ಗಂಟೆಗೆ ಡ್ರೈವಿಂಗ್ ದರವನ್ನು £ 29.41 ಕ್ಕೆ ಹೆಚ್ಚಿಸಿದ್ದಾರೆ ಅಂದರೆ 2800 ರೂ. ಆಗಿದೆ.

ಇದಲ್ಲದೆ, ಅವರ ಕಂಪನಿಯು ಅವರಿಗೆ ಪ್ರತಿ ತಿಂಗಳು ಬೋನಸ್ ಮತ್ತು ಲಾಯಲ್ಟಿ ಬಹುಮಾನಗಳನ್ನು ಸಹ ನೀಡುತ್ತದೆ. ಈ ಬೋನಸ್ ಪ್ರತಿ ದಿನ £1,142 ಅಂದರೆ 1 ಲಕ್ಷ ರೂಪಾಯಿಗಳವರೆಗೆ ಇರುತ್ತದೆ. ಮೊದಲ ವರ್ಷದಲ್ಲಿ ಈ ಎರಡೂ ಬೋನಸ್​ಗಳಿಂದ ಸುಮಾರು 66 ಲಕ್ಷ ರೂ. ನೀಡಲಾಗಿದೆ.

ಆಶ್ಲಿಯಾ ಅವರು 14 ದಿನ ಕೆಲಸ ಮಾಡುತ್ತಾರೆ ಮತ್ತು ಮುಂದಿನ 14 ದಿನಗಳು ರಜೆ ಎಂದು ಹೇಳುತ್ತಾರೆ. ವರ್ಷದಲ್ಲಿ 6 ತಿಂಗಳು ಕೆಲಸ ಮಾಡಬೇಕು, ಅದರ ಬಗ್ಗೆ ಅವರು ಸಾಕಷ್ಟು ತೃಪ್ತಿ ಹೊಂದಿದ್ದಾರೆ.

ತನ್ನ ರಜಾದಿನಗಳಲ್ಲಿ, ಆಶ್ಲಿಯಾ ಪ್ರಪಂಚದ ವಿವಿಧ ಸ್ಥಳಗಳಿಗೆ ಪ್ರಯಾಣಿಸುತ್ತಾಳೆ ಮತ್ತು ಅವಳ Instagram ಖಾತೆಯಿಂದ ಅವಳಿಗೆ ಸಂಬಂಧಿಸಿದ ಮನಮೋಹಕ ಚಿತ್ರಗಳನ್ನು ಹಂಚಿಕೊಳ್ಳುತ್ತಲೇ ಇರುತ್ತಾಳೆ. ಆಕೆಯ ಫೋಟೋ ನೋಡಿದ ತುಂಬಾ ಜನ ಈಕೆಯ ಜೀವನ ಶೈಲಿಯ ಬಗ್ಗೆ ಅಸೂಯೆ ಪಡುತ್ತಾರೆ. ಅವರು ಇನ್ಸ್ಟಾಗ್ರಾಂನಲ್ಲಿ 14 ಸಾವಿರಕ್ಕೂ ಹೆಚ್ಚು ಫಾಲೋವರ್ಸ್ಗಳನ್ನು ಹೊಂದಿದ್ದಾರೆ.