Viral Photos: ಇವರ ಡ್ರಾಯಿಂಗ್ ನೋಡಿದ್ರೆ ತಕ್ಷಣ ಎರಡು ಗಿಡ ನೆಡ್ತೀರ! ಕಲಾವಿದನ ಕರಾಮತ್ತು ನೋಡಿ

ಇತ್ತೀಚಿನ ದಿನದಲ್ಲಿ ಮಾನವರ ಅಗತ್ಯಕ್ಕಾಗಿ ಮರಗಳನ್ನು ಕಡಿಯುತ್ತಿದ್ದಾರೆ. ಇದರಿಂದ ಎಷ್ಟೋ ಪ್ರಾಣಿ-ಪಕ್ಷಿಗಳು ನಾಶದ ಅಂಚಿಗೆ ತಲುಪುತ್ತಿದೆ. ಇದಕ್ಕಾಗಿ ಹಲವಾರು ಸಂಘ-ಸಂಸ್ಥೆಗಳು ಹೊಸ ಹೊಸ ರೀತಿಯಲ್ಲಿ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿರುತ್ತದೆ. ಅದೇ ರೀತಿ ಇಲ್ಲೊಬ್ಬರು ಮರಗಳ ರಕ್ಷಣೆಗಾಗಿ ಹೊಸ ರೀತಿಯಲ್ಲಿ ಜನರಿಗೆ ಸಂದೇಶವನ್ನು ನೀಡುತ್ತಿದ್ದಾರೆ.

ಪಶ್ಚಿಮ ಬಂಗಾಳದ ಪರಿಸರದ ಮಡಿಲಲ್ಲಿ ಹಲವಾರು ಮರಗಳು ಬೆಳೆದು ನಿಂತಿವೆ. ಆದರೆ ಆ ಮರಗಳು ಇದೀಗ ಕಲಾವಿದರ ಕ್ಯಾನ್ವಾಸ್ ಆಗಿ ಮಾರ್ಪಟ್ಟಿದೆ. ಹಬ್ರಾದ ಬನಿಪುರ ಪ್ರದೇಶದ ಕಲಾವಿದ ಸಂಜಯ್ ಸರ್ಕಾರ್ ಅವರ ಕೈಚಳಕದಿಂದ ಮರಗಳು ವಿಭಿನ್ನ ರೂಪ ಪಡೆದಿವೆ. ಸುತ್ತಲೂ ಮರಗಳು ನಾಶವಾಗುತ್ತಿರುವಾಗ, ಇಲ್ಲೊಬ್ಬರು ಕಲಾವಿದರು ಮರಗಳನ್ನು ಉಳಿಸಿ ಎಂಬ ಸಂದೇಶದ ಜೊತೆಗೆ, ಮರಗಳ ಮೇಲಿನ ಪರಿಸರದ ವಿವಿಧ ಸೃಷ್ಟಿಗಳನ್ನು ಚಿತ್ರಿಸಿದ್ದಾರೆ.

ಇನ್ನು ಬನಿಪುರ ಪ್ರದೇಶದ ಬಿಆರ್ ಅಂಬೇಡ್ಕರ್ ಕ್ರೀಡಾ ಶಾಲೆಯ ಮುಂಭಾಗದಲ್ಲಿ ಈ ಮರಗಳು ಕಾಣಸಿಗುತ್ತದೆ. ಇಲ್ಲಿ ದೇವಾನು ದೇವತೆಗಳ ಚಿತ್ರಗಳು, ಬೆಕ್ಕು, ಪ್ರಾಣಿ-ಪಕ್ಷಿಗಳ ಚಿತ್ರಗಳನ್ನು ರಚಿಸಲಾಗಿದೆ.

ದೂರದಿಂದ ನೋಡುವಾಗ ಮರದಲ್ಲಿ ಏನೋ ಪ್ರಾಣಿ-ಪಕ್ಷಿಗಳು ಕುಳಿತುಕೊಂಡಿರುವಂತೆ ಕಾಣುತ್ತದೆ. ಆದರೆ ಆ ಮರದ ಪಕ್ಕಕ್ಕೆ ಹೋದಾಗಲೇ ಅದು ಡ್ರಾಯಿಂಗ್ ಮಾಡಿದ್ದು ಎಮದು ತಿಳಿಯುತ್ತದೆ. ಇನ್ನು ಈ ಚಿತ್ರಗಳು ಬನಿಪುರ ಪ್ರದೇಶದ ಬಿಆರ್ ಅಂಬೇಡ್ಕರ್ ಕ್ರೀಡಾ ಶಾಲೆಯ ಮುಂಭಾಗದಲ್ಲಿರುವಂತಹ ಮರಗಳಲ್ಲಿ ಕಾಣಸಿಗುತ್ತದೆ.

ಸದ್ಯ ಈ ಮರಗಳ ಮೇಲೆ ಚಿತ್ರಿಸಿದ ಈ 3D ಚಿತ್ರವನ್ನು ನೋಡಲು ಆ ಪ್ರದೇಶದಲ್ಲಿ ಜನಸಂದಣಿ ಸೇರುತ್ತಿದೆ. ಇದಲ್ಲದೆ ಅಲ್ಲಿನ ಯುವಕ- ಯುವತಿಯರು ಮರಗಳ ಪಕ್ಕದಲ್ಲಿ ನಿಂತು ಸೆಲ್ಫಿ ಕೂಡ ತೆಗೆದುಕೊಳ್ಳುತ್ತಿದ್ದಾರೆ.

ಇನ್ನು ಇಲ್ಲಿ ಸೇರಿರುವಂತಹ ಜನರುನ್ನು ನೋಡಿ ಕಲಾವಿದರಿಗೂ ತುಂಬಾನೇ ಖುಷಿಯಾಗಿದೆ. ಪ್ರತಿಯೊಬ್ಬರೂ ಮರವನ್ನು ಪ್ರೀತಿಸಲಿ ಎಂಬ ಸಂದೇಶವನ್ನು ಈ ಕಲಾ ರಚನೆಯ ಮೂಲಕ ತಿಳಿಸುತ್ತಿದ್ದಾರೆ. ಸದ್ಯ ಈ ಮರದ ಚಿತ್ರಗಳು ಸೋಶಿಯಲ್​ ಮೀಡಿಯಾದಲ್ಲಿ ಫುಲ್ ವೈರಲ್ ಆಗಿದೆ.

ಈ ಮರಗಳ ನಾಶದ ಬಗ್ಗೆ ಸಂದೇಶಗಳನ್ನು ನೀಡುವಂತಹ ಈ ಹಿಂದೆಯೂ ಹಲವಾರು ಕಾರ್ಯಕ್ರಮಗಳು ನಡೆದಿವೆ. ಆದರೆ ಈ ಪ್ರಯೋಗ ಮಾತ್ರ ಹೊಸ ರೀತಿಯದ್ದಾಗಿದೆ. ಕಲಾವಿದರೊಬ್ಬರು ಈ ಕೈಚಳಕವನ್ನು, ಅವರ ಈ ಸಂದೇಶನ್ನು ನೀಡುವ ಚಿತ್ರಗಳನ್ನು ನೋಡಿ ಸೋಶಿಯಲ್​ ಮೀಡಿಯಾ ಬಳಕೆದಾರರು ಉತ್ತಮ ಪ್ರತಿಕ್ರಿಯೆಗಳನ್ನು ನೀಡುತ್ತಿದ್ದಾರೆ.