Foreign Trip: ಹೊಸ ವರ್ಷಕ್ಕೆ ಫಾರಿನ್​ ಟ್ರಿಪ್​ ಪ್ಲ್ಯಾನ್​ ಮಾಡ್ತಿದ್ದೀರಾ? ಜಗತ್ತಿನಲ್ಲಿ ರೂಪಾಯಿಗೆ ಅತಿಹೆಚ್ಚು ಬೆಲೆ ಇರೋ ಇಲ್ಲಿಗೆ ಹೋಗಿ

ಎಲ್ಲರಿಗೂ ಫಾರಿನ್‌ ಟೂರ್‌ ಮಾಡೋ ಆಸೆ ಅಂತೂ ಇದ್ದೇ ಇರುತ್ತದೆ. ಆದರೆ ಭಾರತೀಯ ಹಣ ಬೇರೆ ಕೆಲವು ದೇಶಗಳಲ್ಲಿ ಕಡಿಮೆ ಮೌಲ್ಯದ್ದಾಗಿರುತ್ತದೆ, ಆದರೆ ಇನ್ನು ಕೆಲ ದೇಶಗಳಲ್ಲಿ ಹೀಗಿಲ್ಲ. ಬದಲಿಗೆ ಅಲ್ಲಿನ ಕರೆನ್ಸಿಗಿಂತ ಭಾರತದ ರೂಪಾಯಿ ಹೆಚ್ಚು ಬಲಿಷ್ಠವಾಗಿದೆ. ಖರ್ಚು ಕಡಿಮೆ ಆಗಿ ವಿದೇಶಿ ಟ್ರಿಪ್‌ ಹೋಗಬೇಕು ಎನ್ನುವವರಿಗೆ ಈ ಕೆಲ ದೇಶಗಳು ಸಹಕಾರಿ. ಹೀಗಾಗಿ ಆ ದೇಶಗಳಿಗೆ ಪ್ರಯಾಣ ಹೋಗುವುದು, ರಜೆಯ ಮಜಾ ಮಾಡಬಹುದು.

ಇಂಡೋನೆಷ್ಯಾ - (1 ಐಎನ್‌ಆರ್ = 198.88 ಇಂಡೋನೇಷ್ಯಾ ರುಪಿಯಾ) ಇಂಡೋನೆಷ್ಯಾ ಪ್ರಯಾಣಕ್ಕೂ ಹಿತವಾಗಿದೆ, ಭಾರತೀಯರಿಗೂ ಅನುಕೂಲಕರವಾಗಿದೆ. ದ್ವೀಪಗಳ ರಾಷ್ಟ್ರ, ನೀಲಿ ಬಣ್ಣದ ಸುಂದರ ಸಮುದ್ರ ಹಾಗೂ ಹಿತವಾದ ವಾತಾವರಣ ಹೊಂದಿರುವ ಇಂಡೋನೇಷ್ಯಾದಲ್ಲಿ ಭಾರತದ ರೂಪಾಯಿ ಅಲ್ಲಿನ ಕರೆನ್ಸಿಗಿಂತ ಬಲಿಷ್ಠವಾಗಿದೆ. ಹೀಗಾಗಿ ಕಡಿಮೆ ಖರ್ಚಿನಲ್ಲಿ ಫಾರಿನ್‌ ಟೂರ್‌ ಮಾಡಬಹುದು.

ಕಾಂಬೋಡಿಯಾ (1 ಐಎನ್‌ಆರ್ = 49.68 ಕಾಂಬೋಡಿಯನ್ ರೈಲ್) ಕಾಂಬೋಡಿಯಾ ರಜೆಯ ಮೋಜು ಕಳೆಯಲು ಉತ್ತಮ ಸ್ಥಳ. ಅಂಕೋರ ವಾಟ್ ದೇವಾಲಯ ಸೇರಿ ಇನ್ನೂ ಕೆಲ ದೇಶಗಳನ್ನು ನೋಡಬಹುದಾಗಿದೆ. ಇಲ್ಲಿ ಭಾರತೀಯರು ಹೆಚ್ಚು ಖರ್ಚು ಇಲ್ಲದೇ ಟೂರ್‌ ಮಾಡಬಹುದು.

ವಿಯೆಟ್ನಾಂ (1 INR = 285.30 ವಿಯೆಟ್ನಾಮೀಸ್ ಡಾಂಗ್) ಭಾರತದ ಕರೆನ್ಸಿ ಹೆಚ್ಚು ಪ್ರಾಬಲ್ಯವಾಗಿರುವ ಮತ್ತೊಂದು ಸ್ಥಳ ಎಂದರೆ ವಿಯೆಟ್ನಾಂ. ಭಾರತಕ್ಕೆ ಹತ್ತಿರದಲ್ಲಿರುವ ಈ ದೇಶಕ್ಕೆ ಪ್ರವಾಸ ಕೈಗೊಳ್ಳುವುದು ದುಬಾರಿ ಏನಿಲ್ಲ. ಅತ್ಯುತ್ತಮ ಸ್ಥಳಗಳನ್ನು ನೋಡಲು ನೀವು ಕಡಿಮೆ ಖರ್ಚಿನಲ್ಲಿ ಹೋಗಬಹುದು.

ನೇಪಾಳ (1 INR = 1.60 ನೇಪಾಳಿ ರೂಪಾಯಿ) ಹಸಿರು ತುಂಬಿದ ಭಾರತದ ನೆರೆ ದೇಶವು ಪ್ರಯಾಣಕ್ಕೆ ಉತ್ತಮ ದೇಶ. ಈ ದೇಶ ಮೌಂಟ್ ಎವರೆಸ್ಟ್ ಹಾಗೂ ಇನ್ನಿತರ ಏಳು ಪ್ರಮುಖ ಅತಿ ಎತ್ತರದ ಬೆಟ್ಟಗಳಿಗೆ ಹೆಸರುವಾಸಿಯಾಗಿದೆ. ಈ ದೇಶಕ್ಕೆ ಹೋಗಲು ಭಾರತೀಯರಿಗೆ ವೀಸಾ ಕೂಡ ಅವಶ್ಯಕತೆ ಇಲ್ಲ. ಹೀಗಾಗಿ ಕಡಿಮೆ ಖರ್ಚಿನಲ್ಲಿ ಒಂದೊಳ್ಳೆ ಪ್ರವಾಸವನ್ನು ಯಾವಾಗಬೇಕಾದರೂ ಮಾಡಬಹುದು.

ಶ್ರೀಲಂಕಾ (1 INR = 4.44 ಶ್ರೀಲಂಕಾ ರೂಪಾಯಿ) ನಿಮ್ಮ ಜೇಬಿನ ಹಣದಲ್ಲಿ ನೀವು ಭಾರತದ ಹತ್ತಿರದ ಈ ದೇಶಕ್ಕೆ ಪ್ರವಾಸ ಹೋಗಬಹುದು. ಬೆಟ್ಟ ಗುಡ್ಡ, ಕಾಡು ಹಾಗೂ ಐತಿಹಾಸಿಕ ಸ್ಮಾರಕಗಳಿಗೆ ಜನಪ್ರಿಯವಾಗಿರುವ ಇದು ಪ್ರವಾಸಕ್ಕೆ ಉತ್ತಮ.

ಹಂಗೇರಿ (1 INR = 4.63 FORINT) ಆಹಾರ, ವಸತಿ ಎಲ್ಲವೂ ಉತ್ತಮವಾಗಿರುವ ದೇಶ ಎಂದರೆ ಹಂಗೇರಿ. ಹಂಗೇರಿ ದೇಶವು ತನ್ನ ವಾಸ್ತು ಕಲೆ ಹಾಗೂ ರೋಮನ್, ಟರ್ಕಿ ಪ್ರಭಾವಿತ ಸಂಸ್ಕೃತಿಗೆ ಹೆಸರುವಾಸಿಯಾಗಿದೆ.

ಐಸ್ಲ್ಯಾಂಡ್ (1 INR = 1.71 ಐಸ್ಲ್ಯಾಂಡಿಕ್ ಕ್ರೋನಾ). ದ್ವೀಪ ರಾಷ್ಟ್ರವಾದ ಐಸ್‌ಲ್ಯಾಂಡ್ ಈ ಜಗತ್ತಿನ ಅತಿ ಸುಂದರ ತಾಣಗಳಲ್ಲೊಂದಾಗಿದೆ. ಭಾರತದ ರೂಪಾಯಿ ಬಲಿಷ್ಠವಾಗಿರುವ ಪಟ್ಟಿಗಳ ಸಾಲಿನಲ್ಲಿ ಐಸ್‌ಲ್ಯಾಂಡ್‌ ಕೂಡ ಇದೆ.

ಕೊಸ್ಟಾರಿಕಾ 1 ಐಎನ್‌ಆರ್ = (8.20 ಕೊಸ್ಟಾ ರಿಕಾ ಕೊಲೊನ್ ) ಶ್ರೀಮಂತ ಜೀವವೈವಿಧ್ಯತೆಯಿಂದಾಗಿ ಕೂಡಿರುವ, ಭೇಟಿ ನೀಡಲು ಸುಂದರವಾದ ಸ್ಥಳವಾಗಿದೆ. ಜಗತ್ತಿನ ಎಲ್ಲ ಭಾಗಗಳಿಂದ ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಾರೆ. ಜ್ವಾಲಾಮುಖಿಗಳು, ಅರಣ್ಯಗಳು ಮತ್ತು ವನ್ಯ ಜೀವಿ ಸಂಪತ್ತು ಇಲ್ಲಿನ ಪ್ರಮುಖ ಆಕರ್ಷಣೆಗಳಾಗಿವೆ.

ಪರಾಗ್ವೆ (1 INR = 86.78 ಪರಾಗ್ವಾಯನ್ ಗೌರಾನಿ) ಭಾರತೀಯ ರೂಪಾಯಿ ಬಲಿಷ್ಠವಾಗಿರುವ ಮತ್ತೊಂದು ಸ್ಥಳ ಪರಾಗ್ವೆ. ಎಲ್ಲ ಕಡೆ ಭೂಮಿಯಿಂದ ಸುತ್ತುವರೆದಿರುವ ಪರಾಗ್ವೆ ಸೌತ್ ಅಮೆರಿಕದಲ್ಲಿದೆ. ಆಧುನಿಕ ಹಾಗೂ ಸಾಂಪ್ರದಾಯಿಕ ಜೀವನ ಶೈಲಿಯ ವಿಶಿಷ್ಟ ಸಂಗಮವನ್ನು ಈ ದೇಶದಲ್ಲಿ ನೋಡಬಹುದು. 1 ಐಎನ್‌ಆರ್ = 82.99 ಪರಗ್ವೆ ಗೌರಾನಿ.