Amazing News: ಈ ಪ್ರಾಣಿಗಳಿಗೆ ನಿದ್ರೆಯೇ ಬರಲ್ವಂತೆ! ಆದ್ರೂ ಆಕ್ಟಿವ್ ಆಗಿರುತ್ತೆ

ಪ್ರಪಂಚದಾದ್ಯಂತ ಅನೇಕ ಪ್ರಾಣಿಗಳು ಮತ್ತು ಪಕ್ಷಿಗಳು ಈ ಭೂಮಿಯಲ್ಲಿ ವಾಸಿಸುತ್ತವೆ. ಆದರೆ ಅದರಲ್ಲಿ ಕೆಲವು ಪ್ರಾಣಿಗಳು ನಿದ್ರೆ ಮಾಡದೆಯೇ ಭೂಮಿ ಮೇಲೆ ಜೀವಿಸುತ್ತಿವೆ. ಇನ್ನೂ ಕೆಲವು ಪ್ರಾಣಿಗಳು ಸ್ವಲ್ಪ ಹೊತ್ತು ಮಾತ್ರ ಮಲಗುತ್ತವೆ.

ನೀರಿನಲ್ಲಿ ಹಲವಾರು ಜೀವಿಗಳು ವಾಸಿಸುತ್ತವೆ. ಅದರಲ್ಲಿ ಡಾಲ್ಫಿನ್ ಸಹ ಒಂದು. ನೀರಿನಲ್ಲಿರುವ ಡಾಲ್ಫಿನ್ ಸಂಪೂರ್ಣವಾಗಿ ನಿದ್ರಿಸುವುದಿಲ್ಲ. ಇದು ಒಂದು ಕಣ್ಣು ತೆರೆದು ಮತ್ತು ಇನ್ನೊಂದು ಕಣ್ಣು ಮುಚ್ಚಿ ಮಲಗುತ್ತವೆ.

ನೀರನಲ್ಲಿ ವಾಸಿಸುವ ಅತಿದೊಡ್ಡ ಜೀವಿಗಳಲ್ಲಿ ಇದು ಸಹ ಒಂದು. ಆದರೆ ಡಾಲ್ಫಿನ್‌ಗಳು ಒಂದೇ ಕಣ್ಣಿನಿಂದ ಮಲಗುತ್ತವೆ, ಇದನ್ನು ಯುನಿಹೆಮಿಸ್ಪಿರಿಕ್ ಸ್ಲೀಪ್ ಎಂದು ಕರೆಯಲಾಗುತ್ತದೆ.

ನಾವು ದಿನನಿತ್ಯ ಹಲವಾರು ಪಕ್ಷಿಗಳನ್ನು ಪ್ರಕೃತಿಯಲ್ಲಿ ನೋಡುತ್ತೇವೆ. ಆದರೆ ಹಕ್ಕಿಗಳ ಬಗ್ಗೆ ತಿಳಿದಿರದ ಹಲವಾರು ವಿಷಯಗಳಿವೆ. ಅವುಗಳಲ್ಲಿ ಫ್ರಿಗೇಟ್ ಹಕ್ಕಿ ಕೂಡ ಸಂಪೂರ್ಣವಾಗಿ ನಿದ್ರಿಸುವುದಿಲ್ಲ. ಈ ಹಕ್ಕಿಗೆ ಒಂದು ಗಂಟೆ ನಿದ್ರೆ ಮಾಡಿದ್ರೆ ಸಾಕು.

ಗಾಳಿಗೆ ಹಾರುವ ಈ ಫ್ರಿಗೇಟ್ ಪಕ್ಷಿಯೂ ಸಮುದ್ರದಲ್ಲಿ ಡಾಲ್ಫಿನ್ ನಂತೆ ಒಂದು ಕಣ್ಣು ಮುಚ್ಚಿ ಮಲಗುತ್ತದೆ. ಆದ್ದರಿಂದ ಈ ಹಕ್ಕಿಗೆ ಅಲ್ಪಾವಧಿ ನಿದ್ರೆ ಮಾಡಿದ್ರೆ ಸಾಕಾಗುತ್ತದೆ.

ಇನ್ನು ನೊಣ ಕೂಡ ಬಹಳ ಕಡಿಮೆ ಸಮಯ ನಿದ್ರಿಸುತ್ತದೆ ಎಂದು ವರದಿಗಳು ಹೇಳಿವೆ. ಈ ಕೀಟವು ಕೇವಲ 72 ನಿಮಿಷಗಳ ಕಾಲ ಮಾತ್ರ ನಿದ್ರಿಸುತ್ತವಂತೆ. ಆದ್ದರಿಂದ ಈ ರೀತಿಯ ನೊಣಗಳು ಸರಿಯಾಗಿ ನಿದ್ರಿಸುವುದೇ ಇಲ್ಲ.

ಕಪ್ಪೆಗಳಲ್ಲಿ ಬುಲ್‌ಫ್ರಾಗ್ ಕೂಡ ಒಂದು ವಿಧವಾಗಿದೆ. ಈ ಕಪ್ಪೆ ಸರಪೂರ್ಣವಾಗಿ ನಿದ್ರೆ ಮಾಡೋದೆ ಇಲ್ಲ. ಕಪ್ಪೆಗಳಲ್ಲಿ ಇದು ವಿಶಿಷ್ಟ ಜಾತಿಯಾಗಿದೆ.