Golden Man: ಮೈಮೇಲೆ 5 ಕೆಜಿ ಚಿನ್ನ ಇಲ್ದೇ ಈತ ಮನೆಯಿಂದ ಹೊರಹೋಗಲ್ವಂತೆ

ಭಾರತದಲ್ಲಿ ಚಿನ್ನಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ಇದೆ. ಅದನ್ನು ಖುಷಿಯಿಂದ ಖರಿದಿ ಮಾಡಿದ ಹಾಗೆ ಧರಿಸಿ ಹೊರ ಹೋಗುವಾಗ ಹೆದರುತ್ತೇವೆ. ಏಕೆಂದರೆ ಅದೊಂದು ಅಮೂಲ್ಯವಾದ ವಸ್ತು.  ಕಳ್ಲಕಾಕರ ಭಯ ಇರುತ್ತದೆ. ಆದರೆ ಇಲ್ಲೊಬ್ಬ ವ್ಯಕ್ತಿಯ ಕಥೆ ಉಲ್ಟಾ.

ಆಂಧ್ರಪ್ರದೇಶದ ವಿಶಾಖಪಟ್ಟಣಂನ ಸೀತಮ್ಮಧಾರ ಎಂಬ ಊರಿನ ರಿಯಲ್ ಎಸ್ಟೇಟ್ ಏಜೆಂಟ್ ಮುಕ್ಕ ಶ್ರೀನಿವಾಸ್ ಅವರು ತಮ್ಮ ಚಿನ್ನದ ಆಭರಣಗಳನ್ನು ಸಾರ್ವಜನಿಕವಾಗಿ ಧರಿಸಲು ಹೆದರುವುದಿಲ್ಲ.

ಹೌದು, ವಾಸ್ತವವಾಗಿ, ರಿಯಲ್ ಎಸ್ಟೇಟ್ ಏಜೆಂಟ್ ಐದು ಕಿಲೋಗ್ರಾಂಗಳಿಗಿಂತ ಹೆಚ್ಚು ತೂಕದ ಚಿನ್ನಾಭರಣಗಳನ್ನು ಧರಿಸದೆ ತನ್ನ ಮನೆಯಿಂದ ಹೊರಬರುವುದಿಲ್ಲ.

ಇನ್ನು ಇವರು ತಮ್ಮ ಹತ್ತಿರ ಬಂದ ಜನರ ಜೊತೆಗೆ ಸೆಲ್ಫಿಗೆ ಸಹ ಪೋಸ್ ಕೊಡುತ್ತಾರೆ. ಅನೇಕ ಜನರ ಪ್ರಕಾರ ಈ ವ್ಯಕ್ತಿಗೆ ಚಿನ್ನದ ಆಭರಣಗಳ ಗೀಳು. ಆದರೆ ಇದಕ್ಕೊಂದು ಕಥೆ ಇದೆ ಎನ್ನಲಾಗುತ್ತದೆ.

ಶ್ರೀನಿವಾಸ್ ಇಷ್ಟು ದೊಡ್ಡ ಪ್ರಮಾಣದ ಚಿನ್ನವನ್ನು ಬಳಸುವುದರ ಹಿಂದೆ ಒಂದು ನೋವಿನ ಕಥೆಯಿದೆ ಮತ್ತು ಅದು ಅವರ ಮೃತ ತಾಯಿಗೆ ಸಂಬಂಧಪಟ್ಟಿದ್ದು ಎಂದು ತಿಳಿದುಬಂದಿದೆ.

ಬಾಲ್ಯದಲ್ಲಿ, ಶ್ರೀನಿವಾಸ್ ಬಹಳ ಕೋಪದ ಸ್ವಭಾವದ ವ್ಯಕ್ತಿಯಾಗಿದ್ದರು. ಆಕ್ರಮಣಕಾರಿ ಮನೋಭಾವ ಹೊಂದಿದ್ದರು. ಹಾಗಾಗಿ ಮಗನ ಕೋಪವನ್ನು ನಿಯಂತ್ರಿಸಲು, ಅವನ ತಾಯಿ ಅವನಿಗೆ ಚಿನ್ನದ ಸರ ಮತ್ತು ಎರಡು ಉಂಗುರಗಳನ್ನು ಧರಿಸಲು ಸಲಹೆ ನೀಡಿದ್ದರು. ಚಿನ್ನಾಭರಣ ಧರಿಸಿದ ನಂತರ ಅವರ ವರ್ತನೆ ಮತ್ತು ನಡವಳಿಕೆಯಲ್ಲಿ ಆಮೂಲಾಗ್ರ ಬದಲಾವಣೆಯಾಗಿದೆ ಎಂದು ಶ್ರೀನಿವಾಸ್ ಹೇಳುತ್ತಾರೆ.

ಶ್ರೀನಿವಾಸ್ ಈಗ ವಿಶಾಖಪಟ್ಟಣಂ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ "ಬಂಗಾರದ ಮನುಷ್ಯ" ಎಂದು ಪ್ರಸಿದ್ಧರಾಗಿದ್ದಾರೆ. ಅವರು ತಮ್ಮ ಚಿನ್ನಾಭರಣಗಳನ್ನು ಧರಿಸದೆ ತಮ್ಮ ಮನೆಯಿಂದ ಹೊರಹೋಗಲ್ಲ ಎಂಬುದು ವಿಶೇಷ.