Mother's Marriage: 50ರ ತಾಯಿಗೆ ಮರುಮದುವೆ ಮಾಡಿಸಿದ ಮಗಳು: ವರನಿಗೆ ಇದು ಮೊದಲನೇ ಕಲ್ಯಾಣ!

ಮಗಳೇ ಮುಂದೆ ನಿಂತು, ತನ್ನ ತಾಯಿಗೆ ಮರು ಮದುವೆ ಮಾಡಿಸಿರುವ ಘಟನೆ ಮೇಘಾಲಯದಲ್ಲಿ ನಡೆದಿದೆ. ರಿಯಾ ಚರ್ಕವರ್ತಿ ಎಂಬ ಮಗಳೇ ತನ್ನ 50 ವರ್ಷದ ತಾಯಿ ಮೌಸುಮಿ ಚಕ್ರವರ್ತಿಗೆ ಮದುವೆ ಮಾಡಿಸಿದ್ದಾಳೆ!

ರಿಯಾ ಚಿಕ್ಕವಳಿರುವಾಗಲೇ ತಂದೆ ತೀರಿಕೊಂಡಿದ್ದರು. ಆ ನಂತರದ ದಿನಗಳಲ್ಲಿ ತಾಯಿ ಕಷ್ಟಪಟ್ಟು ಮಗಳನ್ನು ಸಾಕಿದ್ದರು. ಒಂಟಿಯಾಗಿಯೇ ಮನೆಯ ಜವಾಬ್ದಾರಿ ಹೊತ್ತು ಶಿಕ್ಷಣವನ್ನು ಕೊಡಿಸಿದ್ದರು.

ತನ್ನ 25ನೇ ವರ್ಷದಿಂದ ಏಕಾಂಗಿಯಾಗಿದ್ದ ತಾಯಿ ಮೌಸುಮಿ ಚಕ್ರವರ್ತಿಗೆ ಇದೀಗ ಮಗಳೇ ಮುಂದೆ ನಿಂತು ಮರು ಮದುವೆ ಮಾಡಿಸಿದ್ದಾಳೆ. ಮಗಳ ಮಾತಿನಂತೆ ಮೌಸುಮಿ ಪಶ್ಚಿಮ ಬಂಗಾಳದ ನಿವಾಸಿ ಸ್ವಪನ್ ಅವರನ್ನು ವಿವಾಹವಾದರು.

ಮಗಳು ದೇವ್ ಆರ್ತಿ ಈಗ ಮುಂಬೈನಲ್ಲಿ ಫ್ರೀಲ್ಯಾನ್ಸಿಂಗ್ ಟ್ಯಾಲೆಂಟ್ ಮ್ಯಾನೇಜರ್ ಆಗಿದ್ದಾರೆ. ತನ್ನ 50 ವರ್ಷದ ತಾಯಿಗೆ ಮರುಮದುವೆ ಮಾಡಿಸುವ ಸಲುವಾಗಿ ಎಲ್ಲಾ ತಯಾರಿ ಮಾಡಿಕೊಂಡಿದ್ದಳು.

ರಿಯಾ ಚಿಕ್ಕಮ್ಮ ಕಾಲ್ ಮಾಡಿ, ನಿನ್ನ ತಂದೆಯ ನಿಧನದ ನಂತರ ತಾಯಿ ಒಬ್ಬಂಟಿಯಾಗಿ ಜೀವನ ಸಾಗಿಸುತ್ತಿದ್ದಾರೆ. ಇದೀಗ ನಿನ್ನ ತಾಯಿಯನ್ನು ಒಬ್ಬರು ಇಷ್ಟಪಡುತ್ತಿದ್ದಾರೆ. ವಿವಾಹವಾಗುವ ಬಗ್ಗೆಯೂ ಹೇಳಿಕೊಂಡಿದ್ದಾರೆ. ಅವರ ಜತೆಗೆ ವಿವಾಹ ಮಾಡಿಕೊಟ್ಟರೆ ಇಬ್ಬರೂ ನೆಮ್ಮದಿಯಿಂದ ಇರುತ್ತಾರೆ. ಈ ಬಗ್ಗೆ ಯೋಚಿಸು ಎಂದು ಹೇಳಿದ್ದರಂತೆ.

ಚಿಕ್ಕಮ್ಮನ ಮಾತುಗಳನ್ನು ರಿಯಾ ಚರ್ಕವರ್ತಿ ಗಂಭೀರವಾಗಿ ಪರಿಗಣಿಸಿದ್ದರು. ನಂತರ ತನ್ನ ತಾಯಿಯನ್ನು ಪ್ರೀತಿಸುತ್ತಿರುವವರ ಜತೆಗೆ ವಿವಾಹ ಮಾಡಲು ರಿಯಾ ನಿರ್ಧರಿಸಿದ್ದಾರೆ. ಕಷ್ಟಪಟ್ಟು ತಾಯಿಯನ್ನು ಒಪ್ಪಿಸಿದ್ದಾರೆ.

ಮೌಶುಮಿ ಅವರು ಪಶ್ಚಿಮ ಬಂಗಾಳದ ಸ್ವಪನ್ ಅವರನ್ನು ವಿವಾಹವಾದರು. ಇಬ್ಬರಿಗೂ 50 ವರ್ಷ. ಆದರೆ ಇದು ಸ್ವಿಪನ್ ಅವರಿಗೆ ಮೊದಲ ಮದುವೆಯಾಗಿದೆ.