Travel: ಟಿಕೆಟ್ ಇಲ್ಲದೇ 3 ಸಾವಿರ ಕಿ.ಮೀ. ವಿಮಾನದಲ್ಲಿ ಪ್ರಯಾಣಿಸಿದ ಬಾಲಕ: ಹೇಗೆ ಗೊತ್ತಾ?

ಬ್ರೆಜಿಲ್ ನಲ್ಲಿ ಅಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದೆ. 9 ವರ್ಷದ ಬಾಲಕನೋರ್ವ ವಿಮಾನದಲ್ಲಿ ಸುಮಾರು 3 ಸಾವಿರ ಕಿಲೋ ಮೀಟರ್ ದೂರ ಪ್ರಯಾಣಿಸಿದ್ದಾನೆ. ಅದು ಯಾವುದೇ ಟಿಕೆಟ್ ಇಲ್ಲದೇ ಅಂದ್ರೆ ನೀವು ನಂಬಲೇಬೇಕು. (ಸಾಂದರ್ಭಿಕ ಚಿತ್ರ)

9 ವರ್ಷದ ಇಮ್ಯಾನುಯೆಲ್ ಮಾರ್ಕ್ವೆಸ್ ಒಲಿವೇರಾ ಟಿಕೆಟ್ ಇಲ್ಲದೇ ಪ್ರಯಾಣ ಬೆಳಸಿದ ಬಾಲಕ. ತನ್ನ ಕುಟುಂಬಸ್ಥರನ್ನು ಭೇಟಿಯಾಗಲು ಪ್ರಯಾಣ ಬೆಳೆಸಿರೋದಾಗಿ ಬಾಲಕ ಹೇಳಿದ್ದಾನೆ. (ಸಾಂದರ್ಭಿಕ ಚಿತ್ರ)

ವಾಯುವ್ಯ ಬ್ರೆಜಿಲ್‌ನ ಮನೌಸ್ ‌ನಲ್ಲಿರುವ ತನ್ನ ಮನೆಯಿಂದ ಶನಿವಾರ ಬೆಳಗ್ಗೆ ಆಗ್ನೇಯ ರಾಜ್ಯವಾದ ಸಾವೊ ಪಾಲೊದಲ್ಲಿರುವ ಗೌರುಲ್ಹೋಸ್‌ ಗೆ ಪ್ರಯಾಣ ಬೆಳೆಸಿದ್ದನು.  (ಸಾಂದರ್ಭಿಕ ಚಿತ್ರ)

ಈ ಕುರಿತು ನ್ಯೂಸ್ ಫ್ಲಾಶ್ ವರದಿ ಮಾಡಿದೆ. ಪುತ್ರ ಈ ರೀತಿ ಪ್ರಯಾಣ ಬೆಳೆಸಿರೋದನ್ನು ಖಚಿತ ಪಡಿಸಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಈ ಕುರಿತು ಮಾತನಾಡಿರು ತಾಯಿ ಡೇನಿಯಲ್, ನಾನು ಬೆಳಗ್ಗೆ 5.30 ಕ್ಕೆ ಎಚ್ಚರಗೊಂಡಾಗ ಮಗನ ಕೋಣೆಗೆ ಹೋದೆ. ಆತ ಇನ್ನೂ ಮಲಗಿದ್ದನು. ಸ್ವಲ್ಪ ಸಮಯದ ಬಳಿಕ ಮೊಬೈಲ್ ನೋಡುತ್ತಿದ್ದನು ಎಂದು ಹೇಳಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಮತ್ತೆ 7.30ಕ್ಕೆ ಆತನ ಕೋಣೆಗೆ ಹೋದಾಗ ಮಗ ಅಲ್ಲಿರಲಿಲ್ಲ. ಮನೆಯಲ್ಲಿ ಹುಡುಕಾಡಿದೆ. ಆದರೆ ಮಗ ಎಲ್ಲಿಯೂ ಕಾಣಲಿಲ್ಲ ಎಂದು ಡೇನಿಯಲ್ ಮಾಹಿತಿ ನೀಡಿದ್ದಾರೆ.  (ಸಾಂದರ್ಭಿಕ ಚಿತ್ರ)

ಸ್ಥಳೀಯ ಮಾಧ್ಯಮ ವರದಿಗಳ ಪ್ರಕಾರ, ಬಾಲಕ ಟಿಕೆಟ್ ಇಲ್ಲದೆ ವಿಮಾನದಲ್ಲಿ ಹೋಗುವ ಮಾರ್ಗಗಳ ಬಗ್ಗೆ ಗೂಗಲ್ ನಲ್ಲಿ ಹುಡುಕಾಡಿದ್ದನು ಎಂದು ತಿಳಿದು ಬಂದಿದೆ.  (ಸಾಂದರ್ಭಿಕ ಚಿತ್ರ)

ಮನೌಸ್ ವಿಮಾನ ನಿಲ್ದಾಣವನ್ನು ಬಾಲಕ ಹೇಗೆ ಪ್ರವೇಶಿದ ಮತ್ತು ವಿಮಾನದೊಳಗೆ ಹೇಗೆ ಮತ್ತು ಎಲ್ಲಿ ಕುಳಿತಿದ್ದ ಎಂಬುದರ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ.  (ಸಾಂದರ್ಭಿಕ ಚಿತ್ರ)