ಸಾವು-ಬದುಕಿನ ನಡುವೆ ಹೋರಾಡುತ್ತಿರುವ ತಿಕಿರಿ ಆನೆ; ಈ ಪರಿಸ್ಥಿತಿ ಕಾರಣವೇನು ಗೊತ್ತಾ?

ಶ್ರೀಲಂಕಾದ ಪೆರೆಕಾರ ವಾರ್ಷಿಕೊತ್ಸವದಲ್ಲಿ ಭಾಗಿಯಾಗಿದ್ದ ವೃದ್ಧ ಆನೆಯೊಂದು ಈಗಾ ಸಾಕಷ್ಟು ಚರ್ಚೆಗೆ ಕಾರಣವಾಗುತ್ತಿದೆ. ಅನಾರೋಗ್ಯದಿಂದಾಗಿ ಬಡಕಲಾಗಿದ್ದ ಆನೆಯ ಮೇಲೆ ವರ್ಣ ರಂಜಿತ ಬಟ್ಟೆಯನ್ನು ಧರಿಸಿ ಅಲ್ಲಿನ ಮೆರೆವಣಿಗೆಯಲ್ಲಿ ಬಳಸಿಕೊಳ್ಳಲಾಗಿತ್ತು. ಈ ಬಗ್ಗೆ ಸಾಮಾಜಿಕ ತಾಣದಲ್ಲಿ ವ್ಯಾಪಕವಾದ ಆಕ್ರೋಶ ಕೇಳಿ ಬಂದ ಹಿನ್ನಲೆಯಲ್ಲಿ ಅಲ್ಲಿನ ಸರ್ಕಾರ ಸೂಕ್ತ ತನಿಖೆಗೆ ಆದೇಶಿಸಿದೆ.

ಅಸ್ಥಿ ಪಂಜರ ಕಾಣುವಷ್ಟು ಬಡಕಲಾಗಿದ್ದ ಈ ಆನೆಯ ಹೆಸರು ತಿಕಿರಿ. 70 ವರ್ಷ ವಯಸ್ಸಾಗಿದೆ. ಪ್ರತಿ ವರ್ಷಶ್ರೀಲಂಕಾದಲ್ಲಿ ನಡೆಯುವ ಬೌಧ ಹಬ್ಬವಾದ ಪೆರೆಹಾರ ಉತ್ಸವದಲ್ಲಿ ಪಾಲ್ಗೊಳ್ಳುವ 60 ಆನೆಗಳಲ್ಲಿ ಈ ಆನೆಯು ಒಂದು. ಸಡಗರದಿಂದ ಕೂಡಿದ ಈ ಹಬ್ಬದಲ್ಲಿ ತಿಕಿರಿ ಆನೆಯನ್ನು ಬಳಸಿಕೊಳ್ಳಲಾಗಿದೆ. 10 ದಿನಗಳ ಕಾಲ ನಡೆಯುವ ಪೆರೆಹಾರ ಉತ್ಸವದ ಮೆರೆವಣೆಗೆಯಲ್ಲಿ ಆನೆಗಳು ಕಿ.ಲೋ ಮೀಟರ್​ಗಳಷ್ಟು ಹೆಜ್ಜೆ ಹಾಕುತ್ತವೆ.

ಅನಾರೋಗ್ಯದಿಂದ ಬಡಲಾಗಿದ್ದ ತಿಕಿರಿ ಆನೆಗೆ ವರ್ಣ ರಂಜಿತ ಬಟ್ಟೆಯನ್ನು ಧರಿಸಿ ಮೆರವಣಿಗೆಯಲ್ಲಿ ಬಳಸಿಕೊಳ್ಳಲಾಗಿದೆ.

ಬಡಕಲಾಗಿದ್ದ ತಿಕಿರಿ ಆನೆಯನ್ನು ಪೆರೆಹಾರ ಉತ್ಸವದಲ್ಲಿ ಬಳಸಿಕೊಂಡಿದ್ದಾಗಿ ಹಾಗೂ ಇನ್ನೊಬ್ಬರಿಗೆ ತೊಂದರೆ ನೀಡಬಾರದು ಎಂಬ ಬುದ್ಧನ ಮಾತಿನಲ್ಲಿ ನಂಬಿಕೆ ಇಟ್ಟಿರುವ ನಾವು ಮೂಕಪ್ರಾಣಿಯ ರೋಧನೆಯನ್ನು ಗಮನಿಸಲೇ ಇಲ್ಲ ಎಂದು ಸೇವ್ ಎಲಿಫ್ಯಾಂಟ್ ಫೌಂಡೇಶನ್ ತನ್ನ ಫೇಸ್ಬುಕ್ ಖಾತೆಯಲ್ಲಿ ತಿಕಿರಿ ಆನೆಯ ಕುರಿತ ನೋವನ್ನು ಹಂಚಿಕೊಂಡಿದೆ.

ತಿಕಿರಿ ಆನೆಯ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ಸಾಕಷ್ಟು ಪ್ರಾಣಿ ಪ್ರೀಯರು ತಮ್ಮ ಆಕ್ರೋಶದ ಮಾತುಗಳನ್ನು ವ್ಯಕ್ತ ಪಡಿಸಿದ್ದಾರೆ. ಅಲ್ಲದೆ, ಈ ಬಗ್ಗೆ ಸೂಕ್ತ ಕ್ರಮ ತೆಗೆದುಕೊಳ್ಳಬೇಕಾಗಿ ಶ್ರೀಲಂಕಾದ ಪ್ರವಾಸೋದ್ಯಮ ಹಾಗೂ ಅರಣ್ಯ ಸಚಿವ ಅಮರತುಂಗಾಗೆ ಮನವಿ ಮಾಡಿದ್ದಾರೆ.

70 ವರ್ಷದ ತಿಕಿರಿ ಆನೆ ಪೆರೆಹಾರ ಮೆರವಣಿಗೆಯ ವೇಳೆ ಕುಸಿದು ಬಿದ್ದಿದ್ದು, ಬದುಕಿಗಾಗಿ ಹೋರಾ ನಡೆಸುತ್ತಿದೆ ಎಂದು ಹೇಳಲಾಗಿದೆ.