Weird Marriage: 23 ವರ್ಷದ ಯುವತಿಯನ್ನು ಮದುವೆಯಾದ 65ರ ವೃದ್ಧ, ಕಾರಣ ಅಷ್ಟೇ ವಿಚಿತ್ರ!

ಜೀವನದಲ್ಲಿ ನೂರಾರು ಜನರ ಮದುವೆ ಆಗುತ್ತಲೇ ಇರುತ್ತದೆ. ಆದರೆ ಚಿತ್ರ ವಿಚಿತ್ರವಾಗಿ ಮದುವೆ ಆಗುವವರ ಸಂಖ್ಯೆ ಕಡಿಮೆ. ಇಂದು ಒಂದು ಮದುವೆ ಸಖತ್​ ವೈರಲ್​ ಆಗ್ತಾ ಇದೆ.

ವಯಸ್ಸಾದ ವಯಸ್ಸಿನಲ್ಲಿ ಮದುವೆಯಾಗುವುದು ಅಥವಾ ಮರುಮದುವೆಯಾಗುವುದು ಹೊಸದೇನಲ್ಲ. ಆದರೆ ಮದುವೆಯಾಗಿ 6 ​​ಮಕ್ಕಳ ತಂದೆಯಾಗಿರುವ ವೃದ್ಧನೊಬ್ಬ ತನ್ನ ಮಗಳ ವಯಸ್ಸಿನ ಯುವತಿಯನ್ನು ಮದುವೆಯಾಗಿ ಅಚ್ಚರಿ ಮೂಡಿಸಿದ್ದಾರೆ.

ಉತ್ತರ ಪ್ರದೇಶದ ಬಾರಾಬಂಕಿ ಜಿಲ್ಲೆಯ ಪ್ಯೂರ್ ಚೌಧರಿ ಗ್ರಾಮದ 65 ವರ್ಷದ ವ್ಯಕ್ತಿಯೊಬ್ಬರು 23 ವರ್ಷದ ಯುವತಿಯನ್ನು ವಿವಾಹವಾಗಿದ್ದಾರೆ. ಇದಕ್ಕೆ ಸಾಮಾಜಿಕ ಜಾಲತಾಣದ ಲ್ಲಿ ಶಾಕಿಂಗ್​ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ನಖೇದ್ ಯಾದವ್ ಅವರ ಮೊದಲ ಪತ್ನಿ ನಿಧನರಾಗಿದ್ದಾರೆ. ಅವಳಿಂದ ಅವನಿಗೆ 6 ಹೆಣ್ಣು ಮಕ್ಕಳಿದ್ದಾರೆ. ಈ ಆರು ಜನರೂ ಮದುವೆಯಾಗಿದ್ದಾರೆ. ಹೆಣ್ಣುಮಕ್ಕಳ ಮದುವೆಯ ನಂತರ ಅವನೂ ಮತ್ತೆ ಮದುವೆಯಾದ.

ರಾಮನಗರಿ ಅಯೋಧ್ಯೆಯ ಕಾಮಾಖ್ಯ ದೇವಿ ದೇವಸ್ಥಾನದಲ್ಲಿ ಹಿಂದೂ ಸಂಪ್ರದಾಯದ ಪ್ರಕಾರ ನಖೇದ್ ಮತ್ತು ನಂದನಿ ವಿವಾಹವಾದರು. ಅವರ ಕುಟುಂಬ ಮತ್ತು ಸಂಬಂಧಿಕರು ಮದುವೆಯಲ್ಲಿ ಭಾಗವಹಿಸಿದ್ದರು.

ಎರಡನೇ ಮದುವೆಗೆ ಕಾರಣಗಳನ್ನು ನೀಡಿದ ನಖೇದ್, ಎಲ್ಲಾ ಹುಡುಗಿಯರು ಮದುವೆಯಾಗಿ ಅವರವರ ಮನೆಗೆ ಹೋದರು. ನನಗೆ ಅಡುಗೆ ಮಾಡಲು ಬರುತ್ತಿರಲಿಲ್ಲ. ಹಾಗಾಗಿ ಮತ್ತೆ ಮದುವೆಯಾದೆ.

ಇದೇ ವೇಳೆ   ಮದುಮಗಳಾದ  ನಂದಾನಿ ಇಷ್ಟು ವಯಸ್ಸಾದ ವ್ಯಕ್ತಿಯನ್ನು ಮದುವೆಯಾದ ಮೇಲೂ ತುಂಬಾ ಖುಷಿಯಾಗಿದ್ದೇನೆ ಎಂದಿದ್ದಾರೆ. ಇದಂತೂ ಎಲ್ಲರ ಹುಬ್ಬೇರಿಸುವಂತ ಸುದ್ಧಿ ಅಂತಲೇ ಹೇಳಬಹುದು.