Tourist Places: ಜುಲೈ ತಿಂಗಳಿನಲ್ಲಿ ಸುತ್ತಾಡುವ ಪ್ಲಾನ್ ಇದೆಯಾ? ಹಾಗಿದ್ರೆ ಈ ಪ್ರವಾಸಿ ತಾಣಗಳಿಗೆ ಭೇಟಿ ನೀಡಿ

ಸಾಮಾನ್ಯವಾಗಿ ಪ್ರಯಾಣದ ವಿಷಯಕ್ಕೆ ಬಂದಾಗ, ಅನೇಕ ಜನರು ತಮ್ಮ ಸ್ನೇಹಿತರೊಂದಿಗೆ ವಿಹಾರಕ್ಕೆ ಹೋಗಲು ಬಯಸುತ್ತಾರೆ.  ಇನ್ನು ಕೆಲವರು ಕುಟುಂಬ ಸದಸ್ಯರೊಂದಿಗೆ ಪ್ರಯಾಣಿಸಲು ಇಷ್ಟಪಡುತ್ತಾರೆ. ಅದರಲ್ಲೂ ಜುಲೈ ತಿಂಗಳಿನಲ್ಲಿ ಪ್ರವಾಸಕ್ಕೆ ಪ್ಲಾನ್ ಮಾಡುತ್ತಾರೆ. ಅದರಂತೆಯೇ ಈ ತಿಂಗಳಲ್ಲಿ ಯಾವ ಜಾಗಕ್ಕೆ ಹೋಗುವುದು ಒಳ್ಳೆಯದು ಎಂದು ಯೋಚಿಸುವವರಿಗೆ ಆನಂದಿಸಲು ಯೋಗ್ಯವಾದ ಕೆಲವು ಪ್ರವಾಸಿ ಸ್ಥಳಗಳ ಬಗ್ಗೆ ಮಾಹಿತಿ ಇಲ್ಲಿದೆ.

ಚಿರಾಪುಂಜಿಯ ಹೆಸರನ್ನು ವಿಶ್ವದ ಅತ್ಯಂತ  ಜನಪ್ರಿಯ ಸ್ಥಳವಾಗಿದೆ. ಇಲ್ಲಿ ಯಾವಾಗಲೂ ಮಳೆಯಾಗುತ್ತದೆ. ವಿಶೇಷವಾಗಿ ಜುಲೈ ತಿಂಗಳಲ್ಲಿ ಚಿರಾಪುಂಜಿಗೆ ಭೇಟಿ ನೀಡುವುದು ಉತ್ತಮ. ಚಿರಾಪುಂಜಿಯನ್ನು ಸೊಹ್ರಾ ಅಥವಾ ಕಿತ್ತಳೆ ಭೂಮಿ ಎಂದೂ ಕರೆಯಲಾಗುತ್ತದೆ. ಮೇಘಾಲಯದ ರಾಜಧಾನಿ ಶಿಲ್ಲಾಂಗ್​ನಿಂದ ಕೇವಲ 58 ಕಿಮೀ ದೂರದಲ್ಲಿರುವ ಚಿರಾಪುಂಜಿಯು ತನ್ನ ಲೈವ್ ಬ್ರಿಡ್ಜ್​​ಗೆ​​ ಹೆಸರುವಾಸಿಯಾಗಿದೆ.

ನೀವು ಶಾಂತ ಮತ್ತು ಆಹ್ಲಾದಕರ ಸ್ಥಳಗಳನ್ನು ಆನಂದಿಸಲು ಬಯಸಿದರೆ ಹಿಮಾಚಲ ಪ್ರದೇಶ ರಾಜ್ಯದ ಕೆಲವು ಪ್ರಸಿದ್ಧ ಸ್ಥಳಗಳಿಗೆ ಭೇಟಿ ನೀಡುವುದು ಉತ್ತಮವಾಗಿದೆ. ಹಿಮಾಚಲದ ರಾಜಧಾನಿ ಶಿಮ್ಲಾ, ಮನಾಲಿ ಪ್ರವಾಸಿಗರ ಮೊದಲ ಆಯ್ಕೆಯಾಗಿದೆ.

ಅಲ್ಲದೆ, ಹಿಮಾಚಲದಲ್ಲಿರುವ ಖಜ್ಜಿಯಾರ್ ಅನ್ನು ಭಾರತದ ಸ್ವಿಟ್ಜರ್ಲೆಂಡ್ ಎಂದು ಕರೆಯಲಾಗುತ್ತದೆ. ಇದಲ್ಲದೇ ಧರ್ಮಶಾಲಾದಲ್ಲಿರುವ ಮಠಗಳನ್ನು ಸಹ ಪ್ರವಾಸಿ ಆಕರ್ಷಣೆಯಾಗಿ ಪರಿಗಣಿಸಲಾಗಿದೆ.

ಮೌಂಟ್ ಅಬು, ರಾಜಸ್ಥಾನದ ಏಕೈಕ ಗಿರಿಧಾಮ. ಜುಲೈ ತಿಂಗಳಲ್ಲಿ ಬಹಳ ಆಕರ್ಷಕವಾಗಿ ಕಾಣುತ್ತದೆ. ಮೋಡಗಳು ಮತ್ತು ಅರಾವಳಿಯ ಮಡಿಲಲ್ಲಿರುವ ಮೌಂಟ್ ಅಬು ಪ್ರವಾಸಿಗರಿಗೆ ಮಾತ್ರವಲ್ಲದೆ ರಾಕ್ ಕ್ಲೈಂಬಿಂಗ್, ಟ್ರೆಕ್ಕಿಂಗ್ ಮತ್ತು ಕ್ಯಾಂಪಿಂಗ್​ನಂತಹ ಸಾಹಸ ಚಟುವಟಿಕೆಗಳಿಗೂ ಜನಪ್ರಿಯವಾಗಿದೆ.

ಉತ್ತರಾಖಂಡದಲ್ಲಿ ಪ್ರವಾಸಿ ಸ್ಥಳಗಳಿಗೆ ಕೊರತೆಯಿಲ್ಲದಿದ್ದರೂ, ಪರ್ವತಗಳ ರಾಣಿ ಎಂದು ಪರಿಗಣಿಸಲ್ಪಟ್ಟಿರುವ ಮಸ್ಸೂರಿಯು ಉತ್ತರಾಖಂಡದ ಅತ್ಯಂತ ಸುಂದರವಾದ ಸ್ಥಳಗಳಲ್ಲಿ ಒಂದಾಗಿದೆ. ಕಂಪ್ಟಿ ಜಲಪಾತ, ಭಟ್ಟ ಜಲಪಾತ, ಕನತಾಲ್ ಸಹ ಇಲ್ಲಿ ಅತ್ಯಂತ ಜನಪ್ರಿಯ ಪ್ರವಾಸಿ ಸ್ಥಳಗಳಾಗಿವೆ.

ಮಳೆಯನ್ನು ಇಷ್ಟಪಡುವವರಿಗೆ ಮಹಾರಾಷ್ಟ್ರದ ಮಹಾಬಲೇಶ್ವರ ಅತ್ಯುತ್ತಮ ಆಯ್ಕೆಯಾಗಿದೆ. ಸಾಮಾನ್ಯವಾಗಿ, ಮಹಾಬಲೇಶ್ವರದಲ್ಲಿ ವರ್ಷವಿಡೀ ಮಳೆಯಾಗುತ್ತದೆ.

ಆದರೆ ಜುಲೈ ತಿಂಗಳಿನಲ್ಲಿ ಮುಂಗಾರು ಮಳೆಯಿಂದಾಗಿ, ಮಹಾಬಲೇಶ್ವರದಲ್ಲಿ ಭಾರಿ ಮಳೆಯಾಗುತ್ತದೆ. ಅಲ್ಲದೆ, ಸರೋವರಗಳು ಮತ್ತು ಕಲ್ಲಿನ ಪರ್ವತಗಳನ್ನು ಆನಂದಿಸಲು, ಮಹಾರಾಷ್ಟ್ರದ ಮಲ್ಶೆಜ್ ಘಾಟ್ಗೆ ಪ್ರವಾಸವು ನಿಮ್ಮ ಪ್ರವಾಸವನ್ನು ಜೀವಮಾನಕ್ಕೆ ಸ್ಮರಣೀಯವಾಗಿಸುತ್ತದೆ.