Most Dangerous Cities: ಲೈಫಲ್ಲಿ ಯಾವತ್ತೂ ಈ ಊರುಗಳಿಗೆ ಹೋಗ್ಲೇಬೇಡಿ, ವಾಪಸ್ ಬದುಕಿ ಬರೋದು ಡೌಟ್!

ಪ್ರಯಾಣ ಇಷ್ಟವಿಲ್ಲದವರು ಬಹಳ ಕಡಿಮೆ. ಒಂದು ದಿನ ರಜೆ ಸಿಕ್ಕರೂ ಪ್ರವಾಸ ಹೋಗೋಣ ಎನ್ನುತ್ತಾರೆ ಕೆಲವರು. ಅನೇಕ ಜನರು ತಮ್ಮ ಮನೆಗಳ ಆಚೆಗಿನ ಜಗತ್ತನ್ನು ನೋಡಲು ಬಯಸುತ್ತಾರೆ, ವಿಭಿನ್ನ ಸಂಸ್ಕೃತಿಗಳು ಮತ್ತು ಜನರ ಜೀವನ ವಿಧಾನಗಳ ಬಗ್ಗೆ ತಿಳಿಯುವುದೆಂದರೆ ಕೆಲವರಿಗೆ ಭಾರೀ ಕುತೂಹಲ. ಆದ್ರೆ ಈ ಕೆಳಗೆ ಲೇಖನದಲ್ಲಿ ನೀಡಿರುವ ಸ್ಥಳಗಳಿಗೆ ಹೋಗುವಾಗ ಬಹಳ ಜಾಗೃತರಾಗ್ಬೇಕು. ಏಕೆಂದರೆ ಇವುಗಳೇ ವಿಶ್ವದ ಅತ್ಯಂತ ಅಪಾಯಕಾರಿ ಸ್ಥಳಗಳು.

ವಿದೇಶಿ ಸ್ಥಳಗಳಿಗೆ ಪ್ರಯಾಣಿಸುವುದು ನಿಮಗೆ ಬಹಳಷ್ಟು ತಿಳುವಳಿಕೆಯನ್ನು ನೀಡುತ್ತದೆ. ಇದು ಕೆಲವೊಮ್ಮೆ ಜೀವನವನ್ನು ಬದಲಾಯಿಸಬಹುದು. ಜಗತ್ತು ಯಾವಾಗಲೂ ಬದಲಾಗುತ್ತಿರುತ್ತದೆ. ಕೆಲವು ಸ್ಥಳಗಳು ತುಂಬಾ ಅದ್ಭುತವಾಗಿವೆ ಆದರೆ ಕೆಲವೊಂದು ಸಂದರ್ಭಗಳಿಂದ ನಾವು ಅಲ್ಲಿಗೆ ಹೋಗಲು ಸಾಧ್ಯವಿಲ್ಲ. ಅಲ್ಲಿಗೆ ಹೋದರೂ ನಮಗೆ ಇಷ್ಟವಾಗುವುದಿಲ್ಲ. ಹಾಗಿದ್ರೆ ಈಗ ಜಗತ್ತಿನಲ್ಲಿರುವಂತಹ 10 ಭಯಾನಕ ನಗರಗಳನ್ನು ನೋಡೋಣ.

ಅಲೆಪ್ಪೊ, ಸಿರಿಯಾ: ಅಲೆಪ್ಪೊ ಒಂದು ಕಾಲದಲ್ಲಿ ಸಿರಿಯಾದ ಅತಿದೊಡ್ಡ ನಗರ ಮತ್ತು ಪ್ರಾಚೀನ ಇತಿಹಾಸ, ಕಲೆ, ಸಂಸ್ಕೃತಿ, ಕ್ರೀಡೆ ಮತ್ತು ಶಿಕ್ಷಣದ ಕೇಂದ್ರವಾಗಿತ್ತು. ಈ ನಗರವು 2011 ರಲ್ಲಿ ಪ್ರಾರಂಭವಾದ ಸಿರಿಯನ್ ಅಂತರ್ಯುದ್ಧದ (Civil War) ಮುಂಚೂಣಿಯಲ್ಲಿದೆ. ನಗರದ ಕೆಲವು ಭಾಗಗಳು ಹಲವು ವರ್ಷಗಳಿಂದ ಮುತ್ತಿಗೆಗೆ ಒಳಗಾಗಿದ್ದವು. ಅಂತರ್ಯುದ್ಧದ ಕಾರಣ, ನಗರದಲ್ಲಿನ ಅನೇಕ ಮನೆಗಳು ಬಾಂಬ್ ದಾಳಿ ಸೇರಿದಂತೆ ಹಲವಾರು ದಾಳಿಗಳಿಂದ ನಾಶವಾದವು. ಆದರೆ ಈಗ ನಗರವು ಚೇತರಿಸಿಕೊಳ್ಳುತ್ತಿದೆ. ಆದರೂ ಸಿರಿಯಾ ಇನ್ನೂ ಯುದ್ಧ ವಲಯವಾಗಿದೆ. ಈ ನಗರವು ವಿದೇಶಿಯರಿಗೆ ಪ್ರಯಾಣಿಸಲು ಸುರಕ್ಷಿತವಲ್ಲ.

ಕಾಬೂಲ್, ಅಫ್ಘಾನಿಸ್ತಾನ: ಅಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್ ಬಹುಶಃ ವಿಶ್ವದ ಅತ್ಯಂತ ಎತ್ತರದ ರಾಜಧಾನಿಯಾಗಿದೆ. ವಾಸ್ತವವಾಗಿ ಈ ನಗರವು ತುಂಬಾ ಸುಂದರವಾಗಿದೆ. ಒಂದು ಕಾಲದಲ್ಲಿ, ಅದರ ಬಜಾರ್‌ಗಳು, ಅರಮನೆಗಳು ಮತ್ತು ಉದ್ಯಾನವನಗಳು ಭವ್ಯವಾಗಿದ್ದವು. ಆದರೆ ಅಫ್ಘಾನಿಸ್ತಾನವು ತಾಲಿಬಾನ್‌ನ ಕೈಗೆ ಸಿಕ್ಕಿದ್ದರಿಂದ, ನಗರವು ಈಗ ತುಂಬಾ ಅಪಾಯಕಾರಿಯಾಗಿದೆ. ಇಲ್ಲಿ ನಿರಂತರವಾಗಿ ಬಾಂಬ್ ದಾಳಿ, ಅಪಹರಣಗಳು ಸಂಭವಿಸುತ್ತಾ ಇರುತ್ತದೆ.

ಜುಬಾ, ದಕ್ಷಿಣ ಸುಡಾನ್: ಆಫ್ರಿಕಾದ ದಕ್ಷಿಣ ಸುಡಾನ್ ದೇಶವು 2013 ರಿಂದ ಅದ್ಭುತ ಪ್ರಾಣಿಗಳ ವಲಸೆ ತಾಣವಾಗಿದ್ದರೂ ಸದ್ಯ ಯುದ್ಧದ ಸ್ಥಿತಿಯಲ್ಲಿದೆ. ನಡೆಯುತ್ತಿರುವ ಸಶಸ್ತ್ರ ಸಂಘರ್ಷ ಮತ್ತು ಹಿಂಸಾಚಾರದಿಂದಾಗಿ ದಕ್ಷಿಣ ಸುಡಾನ್‌ನ ರಾಜಧಾನಿ ಜುಬಾಗೆ ಪ್ರಯಾಣಿಸಲು ಅಸುರಕ್ಷಿತವಾಗಿದೆ. ಪ್ರಸ್ತುತ ದಕ್ಷಿಣ ಸುಡಾನ್‌ನಲ್ಲಿರುವ ವಿದೇಶಿಯರಿಗೆ ಆದಷ್ಟು ಬೇಗ ಹೊರಡಲು ಸೂಚಿಸಲಾಗಿದೆ.

ಸನಾ, ಯೆಮೆನ್: ಯೆಮೆನ್‌ನ ರಾಜಧಾನಿ ಸನಾ. ಈ ದೇಶದ ನಾಲ್ಕು ವಿಶ್ವ ಪರಂಪರೆಯ ತಾಣಗಳಲ್ಲಿ ಸನಾ ಸಹ ಒಂದಾಗಿದೆ. ಯೆಮೆನ್‌ನ ಸನಾದಲ್ಲಿನ ರಾಜಕೀಯ ಪರಿಸ್ಥಿತಿಯು ಪ್ರಸ್ತುತ ಬಹಳ ಅಸ್ಥಿರವಾಗಿದೆ. 2015 ರಲ್ಲಿ ಸನಾ ಹಳೆಯ ನಗರವನ್ನು ಬಾಂಬ್ ಮೂಲಕ ಸ್ಫೋಟಿಸಲಾಯಿತು. ವಿದೇಶಿಗರು ಈ ನಗರಕ್ಕೆ ಭೇಟಿ ನೀಡುವುದು ಒಳ್ಳೆಯದಲ್ಲ. ಭಯೋತ್ಪಾದಕ ಚಟುವಟಿಕೆಗಳು ಮತ್ತು ಅಪಹರಣಕ್ಕೆ ಬಲಿಯಾಗುವ ಅಪಾಯವು ತುಂಬಾ ಹೆಚ್ಚಾಗಿದೆ.

Kinshasa (Kinshasa), ಡೆಮಾಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೋ (DRC): Kinshasa ಒಂದು ದೊಡ್ಡ ವಿಸ್ತಾರವಾದ ರಾಜಧಾನಿ ನಗರವಾಗಿದೆ. ಡೆಮಾಕ್ರಟಿಕ್ ರಿಪಬ್ಲಿಕ್ ಆಫ್ ಕಾಂಗೋ (DRC) ಬದಲಾವಣೆ ಮತ್ತು ಸಂಘರ್ಷದ ಸುದೀರ್ಘ ರಾಜಕೀಯ ಇತಿಹಾಸವನ್ನು ಹೊಂದಿದೆ. ಯಾತ್ರಿಕರು ಗೊರಿಲ್ಲಾಗಳನ್ನು ನೋಡಲು ವಿರುಂಗಾ ಪರ್ವತಗಳ ಪೂರ್ವ ಗಡಿಗೆ ಚಾರಣ ಮಾಡುತ್ತಿದ್ದರು. ಇನ್ನು ಮುಂದೆ ಹಾಗೆ ಮಾಡುವುದು ಸುರಕ್ಷಿತವಲ್ಲ.

ಖಾರ್ಟೂಮ್, ಸುಡಾನ್ : ಖಾರ್ಟೂಮ್ ಸುಡಾನ್‌ನ ರಾಜಧಾನಿ. ಬಿಳಿ ಮತ್ತು ನೀಲಿ ನೈಲ್ ನದಿಗಳು ಸಂಧಿಸುವ ಸ್ಥಳವಿದು. ಸಂಘರ್ಷದಿಂದಾಗಿ ಸುಡಾನ್‌ನ ಕೆಲವು ಭಾಗಗಳು ತುರ್ತು ಪರಿಸ್ಥಿತಿಯಲ್ಲಿವೆ. ಕರ್ಫ್ಯೂಗಳು ಮತ್ತು ಸಂಚಾರದ ಮೇಲೆ ನಿರ್ಬಂಧಗಳನ್ನು ನಗರದ ಒಳಗೆ ಮತ್ತು ಹೊರಗೆ ವಿಧಿಸಬಹುದು. ಆದ್ದರಿಂದ ಇಲ್ಲಿಗೆ ಸದ್ಯ ಹೋಗುವ ಪ್ಲ್ಯಾನ್​​ನಲ್ಲಿದಸ್ದವರು ಕ್ಯಾನ್ಸಲ್ ಮಾಡಿದರೆ ಉತ್ತಮ.

ಇಸ್ಲಾಮಾಬಾದ್, ಪಾಕಿಸ್ತಾನ : 1960 ರ ದಶಕದಲ್ಲಿ ಸ್ಥಾಪನೆಯಾದ ಪಾಕಿಸ್ತಾನದ ರಾಜಧಾನಿ ಇಸ್ಲಾಮಾಬಾದ್ ಒಂದು ದೊಡ್ಡ ನಗರವಾಗಿದೆ ಮತ್ತು ಇದು ಪ್ರಾಚೀನ ಇತಿಹಾಸ ಹೊಂದಿರುವ ಪ್ರದೇಶದಲ್ಲಿ ನೆಲೆಗೊಂಡಿರುವ ಕಾರಣ ಅದರ ಉನ್ನತ ಜೀವನ ಮಟ್ಟಕ್ಕೆ ಹೆಸರುವಾಸಿಯಾಗಿದೆ. ಭಯೋತ್ಪಾದಕರ ದಾಳಿಯಿಂದಾಗಿ ಪಾಕಿಸ್ತಾನ ಅತ್ಯಂತ ಅಪಾಯಕಾರಿ ಪ್ರದೇಶಗಳಲ್ಲಿ ಒಂದಾಗಿದೆ. ವಿಶೇಷವಾಗಿ ಧಾರ್ಮಿಕ ರಜಾದಿನಗಳು ಮತ್ತು ಚುನಾವಣೆ ಸಂದರ್ಭಗಳಲ್ಲಿ ಇದು ಸುರಕ್ಷಿತವಲ್ಲ.