YouTube: ಚೇಂಜ್ ಆಗುತ್ತಾ ಯೂಟ್ಯೂಬ್ ರೂಲ್ಸ್? ಅಶ್ಲೀಲತೆ ಕಂಟೆಂಟ್‌ಗೆ ಬರುತ್ತಾ ಹೊಸ ಗೈಡ್‌ಲೈನ್ಸ್?

ವಿಶ್ವದ ಅತ್ಯಂತ ಜನಪ್ರಿಯ ವಿಡಿಯೋ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್ ಎಂದರೆ ಅದು ಯೂಟ್ಯೂಬ್. ಈ ಪ್ಲಾಟ್​​ಫಾರ್ಮ್​ ಬಗ್ಗೆ ತಿಳಿದಿಲ್ಲದ ಹಲವು ಜನರಿದ್ದಾರೆ. ಕಂಟೆಂಟ್​ ಕ್ರಿಯೇಟರ್ಸ್​ ಉತ್ತಮ ಆದಾಯವನ್ನು ಗಳಿಸುತ್ತಿರುವ ಅನೇಕ ಜನರಿದ್ದಾರೆ. ಕೊರೊನಾ ನಂತರವಂತೂ ಈ ಪ್ರವೃತ್ತಿ ಹೆಚ್ಚು ವೇಗವನ್ನು ಪಡೆದುಕೊಂಡಿದೆ. ಆದಾಗ್ಯೂ, ಯೂಟ್ಯೂಬ್​​ನಲ್ಲಿ ಅಪ್‌ಲೋಡ್ ಮಾಡುವಾಗ ಕಂಟೆಂಟ್​ ಕ್ರಿಯೇಟರ್​​ಗಳು ಕೆಲವು ನಿಯಮಗಳನ್ನು ಅನುಸರಿಸಬೇಕು. ಇನ್ನು ಇದಕ್ಕಾಗಿ ಯೂಟ್ಯೂಬ್ ತನ್ನ ಕೆಲವೊಂದು ನಿಯಮಗಳಲ್ಲಿ ಬದಲಾವಣೆಗಳನ್ನು ಸಹ ಮಾಡಿದೆ.

ಈ ನಿಯಮಗಳು ಕಟ್ಟುನಿಟ್ಟಾಗಿದ್ದು ಬಳಕೆದಾರರ ಆದಾಯದ ಮೇಲೆ ಪರಿಣಾಮ ಬೀರುತ್ತವೆ ಎಂದು ಕಂಟೆಂಟ್ ರಚನೆಕಾರರು ಯೂಟ್ಯೂಬ್‌ಗೆ ದೂರು ನೀಡಿದ್ದಾರೆ. ಈ ಅಂಶಗಳನ್ನು ಪರಿಗಣಿಸಿ, ಕಂಪೆನಿಯು ಇತ್ತೀಚೆಗೆ ಒಂದು ಪ್ರಮುಖ ನಿರ್ಧಾರವನ್ನು ತೆಗೆದುಕೊಂಡಿತು. ಯೂಟ್ಯೂಬ್​ ಕೆಲವು ಸಂದರ್ಭಗಳಲ್ಲಿ ಅಶ್ಲೀಲತೆಯ ಬಳಕೆಯನ್ನು ಸರಾಗಗೊಳಿಸುವ ಹೊಸ ಮಾರ್ಗಸೂಚಿಗಳನ್ನು ಪರಿಚಯಿಸಿದೆ.

ಕಂಟೆಂಟ್ ರಚನೆಕಾರರು ಈ ಹಿಂದೆ ತಮ್ಮ ವಿಡಿಯೋಗಳ ಮೊದಲ 15-20 ಸೆಕೆಂಡುಗಳಲ್ಲಿ ಅಥವಾ ವಿಡಿಯೋನ ರನ್‌ಟೈಮ್‌ನಲ್ಲಿ ಹೆಚ್ಚಿನ ಅಶ್ಲೀಲತೆಯನ್ನು ಬಳಸಿದರೆ, ಆ ವಿಷಯದಿಂದ ಹಣಗಳಿಸುವ ಸಾಧ್ಯತೆಗಳು ಕಡಿಮೆಯಾಗುತ್ತವೆ ಅಥವಾ ಅಂತಹ ವಿಡಿಯೋಗಳು ಅಸ್ತಿತ್ವದಲ್ಲಿರುವುದಿಲ್ಲ. ಅಂದರೆ ಇವುಗಳ ಮೇಲೆ ಯಾವುದೇ ಜಾಹೀರಾತು ಆದಾಯ ಸಹ ಬರುವುದಿಲ್ಲ. ಆದರೆ ಈಗ ಅದನ್ನು ಯೂಟ್ಯೂಬ್​ ಬದಲಾಯಿಸಿದೆ.

ಇನ್ನು ಕ್ರಿಯೇಟರ್ ಇನ್ಸೈಡರ್ ವಿಡಿಯೋದಲ್ಲಿ ವಿವರಿಸಿರುವ ಇತ್ತೀಚಿನ ಮಾರ್ಗಸೂಚಿಗಳ ಪ್ರಕಾರ, ಮೊದಲ ಏಳು ಸೆಕೆಂಡುಗಳಲ್ಲಿ ಅಥವಾ ಹೆಚ್ಚಿನ ವಿಡಿಯೋದಲ್ಲಿ ಎಫ್-ವರ್ಡ್ ಅನ್ನು ಬಳಸಿದರೆ ರಚನೆಕಾರರು ಈಗ ಸೀಮಿತ ಜಾಹೀರಾತು ಆದಾಯವನ್ನು ಗಳಿಸಬಹುದು. ಇನ್ನು ಈ ರೀತಿಯ ಕಂಟೆಂಟ್​ಗಳನ್ನು ಬಳಸದೇ ಇದ್ದರೆ ಉತ್ತಮ ಆದಾಯವನ್ನು ಸಹ ಗಳಿಸಬಹುದು.

ಇದುವರೆಗೆ ಯಾವುದೇ ವಿಡಿಯೋಗಳನ್ನು, ಪೋಸ್ಟರ್​ಗಳನ್ನು ಅಪ್​ಲೋಡ್​ ಮಾಡಬೇಕಾದ್ರೆ ಅದರಲ್ಲಿಅಶ್ಲೀಲತೆ ಹೊಂದಿರುವ ಕಂಟೆಂಟ್​ಗಳನ್ನು ಹಾಕುವಂತಿರಲಿಲ್ಲ. ಅಂತಹ ವಿಡiಯೋಗಳನ್ನು ಯೂಟ್ಯೂಬ್​ ಡಿಲೀಟ್​ ಸಹ ಮಾಡುತ್ತಿತ್ತು. ಆದರೆ ಇನ್ಮುಂದೆ ಈ ನಿಯಮಗಳಲ್ಲಿ ಸ್ವಲ್ಪ ಸಡಿಲತೆಯನ್ನು ಮಾಡಿದೆ.

ಆದರೆ ಇದೀಗ ಯೂಟ್ಯೂಬ್​ನಲ್ಲಿ ಹೊಸ ನಿಯಮ ಜಾರಿಯಾಗಿದ್ದು, ಇದರಿಂದ ಕಂಟೆಂಟ್​ ಕ್ರಿಯೇಟರ್​​ಗಳಿಗೆ ಬಹಳಷ್ಟು ಸಹಕಾರಿಯಾಗಲಿದೆ. ಇದುವರೆಗೆ ಆದಾಯ ಗಳಿಕೆಗೆ ಇದ್ದಂತಹ ಕೆಲವೊಂದು ನಿಯಮಗಳಲ್ಲಿ ಬದಲಾವಣೆಯಾಗಲಿದ್ದು, ಇನ್ಮುಂದೆ ಜಾಹೀರಾತಿನಲ್ಲೂ ಆರಾಮವಾಗಿ ಹಣ ಗಳಿಸಬಹುದು.

ಇನ್ನು 15 ಸೆಕೆಂಡುಗಳಲ್ಲಿ ಅಶ್ಲೀಲತೆಯನ್ನು ಹೊಂದಿರುವ ಕಂಟೆಂಟ್​ಗಳನ್ನು ಪೋಸ್ಟ್​ ಮಾಡಬಹುದಿತ್ತು. ಆದರೆ ಇದು 15 ಸೆಕೆಂಡುಗಳಿಂದ ಹೆಚ್ಚಿದ್ದರೆ ಅಂತವುಗಳನ್ನು ಡಿಮೊನಿಟೈಸೇಷನ್ ಮಾಡುವುದಾಗಿ, ಜೊತೆಗೆ ಆದಾಯವೂ ಕಡಿಮೆ ಗಳಿಸಲು ಕಾರಣವಾಗುತ್ತದೆ ಎಮದು ವರದಿಯಾಗಿದೆ.