Google Play store: ಈ ಆ್ಯಪ್​​ಗಳನ್ನು ಬಳಸುತ್ತಿದ್ದೀರಾ? ಹಾಗಿದ್ದರೆ ಕೂಡಲೇ ಡಿಲೀಟ್ ಮಾಡಿ!

‘ಆ್ಯಪ್ ಮನೆ‘ ಎಂದು ಕರೆಸಿಕೊಳ್ಳುವ ಗೂಗಲ್ ಪ್ಲೇ ಸ್ಟೋರ್​​​ನಲ್ಲಿ ಮತ್ತೆ ಮಾಲ್ವೇರ್​ಗಳು ಪತ್ತೆಯಾಗಿದೆ.

ಆ್ಯಂಡ್ರಾಯ್ಡ್ ಸ್ಮಾರ್ಟ್​ಫೋನ್​ ಬಳಕೆದಾರರು ಆ್ಯಪ್​ಗಳಿಗಾಗಿ ಗೂಗಲ್ ಪ್ಲೇ ಸ್ಟೋರ್ ಮೊರೆ ಹೋಗುತ್ತಾರೆ. ಇನ್ನು ಬಳಕೆದಾರರೂ ಕೂಡ ತಮಗೆ ಬೇಕಾದ ಆ್ಯಪ್​​ಗಳನ್ನು ಪ್ಲೇ ಸ್ಟೋರ್ ಮೂಲಕ ಡೌನ್ಲೋಡ್ ಮಾಡುತ್ತಾರೆ.

ಆದರೆ ಬಳಕೆದಾರರು ಡೌನ್ಲೋಡ್ ಮಾಡುವಂತಹ ಕೆಲ ಆ್ಯಪ್​ಗಳಲ್ಲಿ ಮಾಲ್ವೇರ್ ಪತ್ತೆಯಾಗಿದ್ದು, ಈ ಬಗ್ಗೆ ವಿಪಿಎನ್ ಪ್ರೋ ಕಂಪೆನಿ ಅವುಗಳನ್ನು ಪತ್ತೆಹಚ್ಚಿ ಗೂಗಲ್​ಗೆ ತಿಳಿಸಿದೆ

ಪ್ಲೇ ಸ್ಟೋರ್​ನಲ್ಲಿ ರುವ ಸುಮಾರು 24 ಆ್ಯಪ್​​ಗಳಲ್ಲಿ ಮಾಲ್​ವೇರ್​​ಗಳು ಪತ್ತೆಯಾಗಿದೆ. ಮಾಹಿತಿಗಳ ಪ್ರಕಾರ ಈ ಆ್ಯಪ್​ಗಳನ್ನು ಚೀನಾದ ಶೆನ್ಜೆನ್ ಹವ್ಕ್ ಕಂಪೆನಿ ಸಿದ್ಧಪಡಿಸಿದೆಯಂತೆ.

38 ಮಿಲಿಯನ್ ಜನರು ಈ ಆ್ಯಪ್​ಗಳನ್ನು ಈಗಾಗಲೇ ಡೌನ್ಲೋಡ್ ಮಾಡಿ ಬಳಸುತ್ತಿದ್ದಾರೆ ಎಂದು ವಿಪಿಎನ್ ಪ್ರೋ ವರದಿಯಲ್ಲಿ ತಿಳಿಸಿದೆ.

ಇನ್ನು ಮಾಲ್ವೇರ್​ ಇರುವ ಶೆನ್ಜೆನ್ ಹವ್ಕ್ ಕಂಪೆನಿಯ 24 ಆ್ಯಪ್​ಗಳನ್ನು ಗೂಗಲ್​  ಪ್ಲೇಸ್ಟೋರ್​​ನಿಂದ ತೆಗೆದು ಹಾಕಿದೆ.

ಗೂಗಲ್  ನಿಯಮವನ್ನು ಉಲ್ಲಂಘಿಸಿದರೆ ಕಂಪೆನಿ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಗೂಗಲ್ ತಿಳಿಸಿದೆ.

ಈ ಮಾಲ್ವೇರ್ ಆ್ಯಪ್​ಗಳು ಬಳಕೆದಾರರಿಗೆ ಗೊತ್ತಿಲ್ಲದೆ ಮಾಹಿತಿಯನ್ನು ಸಂಗ್ರಹಿಸುತ್ತಿತ್ತು. ಮಾತ್ರವಲ್ಲದೆ. ಬಳಕೆದಾರರು ಕ್ಲಿಕ್ ಮಾಡಿದಂತೆ ಮಾಹಿತಿಗಳು ಚೀನಿ ಸರ್ವರ್​​ಗಳಲ್ಲಿ ಸ್ಟೋರ್ ಆಗುತ್ತಿತ್ತು ಎಂದು ತಿಳಿಸಿದೆ.

24 ಮಾಲ್ವೇರ್ ಆ್ಯಪ್​ಗಳು ;

ವಲ್ಡ್​​ ಝೂ, ಫಜಲ್​ ಬಾಕ್ಸ್​, ವರ್ಡ್​ ಕ್ರೋಸಿ, ಪಿನ್​ ಬಾಳ್​, ಡಿಗ್​ ಇಟ್​, ಲೇಸರ್​ ಬ್ರೇಕ್​, ವರ್ಡ್​ ಕ್ರಶ್​​, ಮ್ಯೂಸಿಕ್​ ರೋಮ್​, ಫೈಲ್​ ಮ್ಯಾನೆಜರ್​, ಸೌಂಡ್​​ ರೆಕಾರ್ಡರ್​, ಜಾಯ್​​ ಲಾಂಚರ್​, ಟರ್ಬೊ ಬ್ರೌಸರ್​, ವೆದರ್​ ಪೋರ್​ಕಾಸ್ಟ್​​, ಕ್ಯಾಲೆಂಡರ್​ ಲೈಟ್​

ಕ್ಯಾಂಡಿ ಸೆಲ್ಫಿ ಕ್ಯಾಮೆರಾ, ಪ್ರೈವೆಟ್​ ಬ್ರೌಸರ್​, ಸೂಪರ್​ ಕ್ಲೀನರ್​, ಬ್ಯಾಟರಿ, ವೈರಸ್​ ಕ್ಯಾಲೆಂಡರ್​ 2019, ಹೈ ಸೆಕ್ಯೂರ್​ 2019, ಹೈ ವಿಪಿಎನ್​ ಆ್ಯಪ್​ಗಳಲ್ಲಿ ಮಾಲ್​ವೇರ್​ ಕಾಣಿಸಿಕೊಂಡಿದೆ

ಮಾತ್ರವಲ್ಲದೆ, ಫ್ರೀ ವಿಪಿಎನ್​, ಹೈ ವಿಪಿಎನ್​ ಪ್ರೊ, ನೆಟ್​ ಮಾಸ್ಟರ್​​, ಕ್ಯಾಂಡಿ ಗ್ಯಾಲರಿ ಆ್ಯಪ್​ಗಳಲ್ಲಿ ಮಾಲ್ವೇರ್​ಗಳು ಪತ್ತೆಯಾಗಿದೆ

ಗೂಗಲ್ ಪ್ಲೇ ಸ್ಟೋರ್​ನಲ್ಲಿ ಕಂಡುಬಂದ ಈ 24 ಮಾಲ್ವೇರ್ ಆ್ಯಪ್​ಗಳನ್ನು ಡಿಲೀಟ್ ಮಾಡಿದೆ. ಮಾತ್ರವಲ್ಲದೆ ಈಗಾಗಲೇ ಡೌನ್ಲೋಡ್ ಮಾಡಿ ಬಳಸುತ್ತಿರುವ ಬಳಕೆದಾರರಿಗೆ ಈ ಆ್ಯಪ್​ಗಳನ್ನು ಡಿಲೀಟ್ ಮಾಡುವಂತೆ ತಿಳಿಸಿದೆ.